Þessi mynd frá FEMA sýnir líklegustu skotmörkin í Kaliforníu ef kjarnorkustríð hefði brotist út árið 1990.

Hér eru nokkrir sögufrægir einstaklingar.

Árið 1939, ekki löngu áður en Seinni heimsstyrjöldin skall á með öllu sínu blóðbaði og eyðileggingu, var Heimssýning opnuð í New York.

Á meðal þess sem þar gaf að líta var “Futurama”, en þar var ýmsum nýtískulegum aðferðum beitt til að sýna gestum hvernig helstu vísindamenn og verkfræðingar ímynduðu sér nánustu framtíð.

Hér má t.d. sjá líkan af “stórborg árið 1960”. Og þetta er merkilegt nokk, ekkert svo fjarri lagi. Í arktitektúr og skipulagi er þetta ekkert ósvipað því sem t.d. Houston var byrjuð að líta út uppúr 1960.

Margt annað á þessari sýningu var öllu langsóttara og ævintýralegra í ofur-bjartsýni sinni. Þetta þótti hinsvegar afar eftirminnileg sýning, t.d. má geta þess að vísindamaðurinn frægi Carl Sagan minntist þess sem einnar af sínum skýrustu bernskuminningum þegar hann heimsótti hana með foreldrum sínum.

Samtíma heimildarmynd um Futurama má sjá á http://www.archive.org/details/ToNewHor1940

Lítur út eins og algjör mongólíti en hann var nokkuð seigur í að nefna staði sömu nöfnin. Hver er kallinn og hvað skýrði hann flestu staðina sína.

Þegar litið er yfir alla leiðtoga Rússlands síðan á síðari hluta 19.aldar má sjá það skemmtilega munstur að þeir skiptast alltaf á að vera með hár og skalla. Það er einnig eftirtektarvert hvernig þeir virðast skiptast alveg á, mann við mann, hvort valdaskeið þeirra hafi verið tími stöðnunar eða framfara. Vissulega er þetta ekki algilt, tildæmis var valdaskeið Leníns ekki stöðugar framfarir, allavega ekki ókeypis framfarir og þrátt fyrir að Stalínstíminn hafi verið eitt mesta og grófasta skeið pólitískrar stöðnunar í sögu Sovétríkjanna þá var þar mikið um tækniframfarir og annað í þeim dúr. En þetta gefur grófa mynd af þessu munstri framfara og staðnana sem skemmtilegt er að velta fyrir sér.

Í stuttu máli má sjá þetta fyrir sér svona:
Vart þarf að minnast á hina gríðarlegu stöðnun rússnesks þjóðlífs á tímum Nikulásar II, og hinna miklu pólitísku og þjóðfélagslegu breytinga og framfara sem áttu sér stað á valdatíð Leníns, sem svo var skrúfað fyrir á tímum Stalíns og tekið skref afturbak í gamla farveginn. Krútsjov reyndi að leiða Sovétríkin af braut Stalíns með pólitískum endurbótum sínum en eftir að hafa verið bægt frá völdum tók við tuttugu ára skeið pólitískrar- og efnahagslegrar stöðnunar Brézhnevs. Andropov reyndi að koma af stað endurbótum í samvinnu við Gorbatsjov en dó fljótlega og við tók Brézhnevistinn Tjernenkó. Vart þarf svo að taka fram endurbótagleði Gorbatsjovs, en hliðstæðu við breytingar hans verður varla fundin nema farið sé aftur til byltingarinnar.

Eftir fall Sovétríkjanna tók við stöðnunarskeið Jeltsíns þar sem rússneskt þjóðlíf og efnahagslíf var að niðurlotum komið, svo ekki sé minnst á stjórnarhætti hans. Í stjórnartíð Pútíns varð Rússland aftur heimsveldi, ekki aðeins hernaðarlegt heimsveldi heldur einnig efnahagslegt stórveldi (þó hins vegar megi maður vera var við pólitíska stöðnun í stjórnarháttum Pútíns). Forsetatíð Medvedevs hefur ekki verið svo löng að á hana megi varpa sögulegu ljósi, en víst er að alheimskreppan ber að dyrum í Rússlandi og ekki alls kostar óvíst að valdatíð Medvedevs verði minnst sem efnahagslegrar stöðnunar.

Nú er ég reyndar hef ég ekki kynnt mér Alexander II keisara mikið og ætla ekki að fullyrða að í hans stuttu valdatíð hafi verið mikið um dýrðir en hann var allavegana með skalla.

Hinn mikli og eini sanni Genghis Khan.

Verkamaður við störfum á hinni víðfrægu Empire State byggingu í New York.

Þessir menn voru alvöru hörkutól.

Hér sést “Hinn ástkæri leiðtogi” Norður-Kóreu, Kim Jong-Il, í fangi föður síns sem nefndur var “Hinn mikli leiðtogi”.

Kim yngri fæddist í austanverðum Sovétríkjunum þar sem foreldrar hans voru í útlegð á árum Seinni heimsstyrjaldar. Heimaland þeirra var þá hernumið af Japönum, sem ekki voru neitt hrifnir af kommúnistum.

Í kjölfar stríðsins var Kim eldri gerður að leiðtoga Norður-Kóreu í skjóli Sovétmanna, og átti nokkrum árum síðar stærstan þátt í að hefja Kóreustríðið, eina mannskæðustu styrjöld 20. aldar utan heimsstyrjaldanna.

Eftir að Kóreustríðinu lauk árið 1953, einangraði Norður-Kórea sig brátt frá umheiminum, og þar var sett upp líklega öfgakenndasta kommúnistaharðstjórn sögunnar. “Stalínískari” en Sovétríki Stalíns, en jafnframt með sér-kóreskum tilbrigðum.

Kim eldri lést í hárri elli árið 1994, og tók þá sonur hans við völdum. Valda-erfir kunna að virðast skringilegar í kommúnistaríki, en í Norður-Kóreu kemur ekkert á óvart. Saga þessa lands undir stjórn Kim-feðga er með slíkum ólíkindum að halda mætti að um skopstælingu á alræðisríki sé að ræða fremur en raunveruleika. Víst er þó að Kóreumönnum, hvorki norðan né sunnan, þykir ekkert skoplegt við þá feðga, enda bera þeir ábyrgð á milljónum dauðsfalla undanfarna áratugi.

Langa og ítarlega grein um það má finna hér (ATH að hún er 6 ára gömul, og í tveim pörtum): http://www.guardian.co.uk/theobserver/2003/nov/02/features.magazine17

Svo er spurningin hvað gerist núna. Kim yngri er enn við völd að því að menn telja, en mun vera orðinn fárveikur, jafnvel dauðvona.

Á sama tíma er landið að prófa kjarnorkuvopn og hóta hinum ríku frændum sínum í suðri, sem og Japönum og Bandaríkjamönnum. Þarna gæti hæglega brotist út “Seinna Kóreustríðið” á næstunni.

Hvort að litli drengurinn á myndinni ræður enn einhverju um gang mála, er ekki vitað. Getgátur eru uppi um að e.t.v. sé hann dauðvona í öndunarvél eða jafnvel þegar látinn, og þessi nýlegu læti í raun hluti af innri valdabaráttu í þessu furðulega ríki.

Nú er bara að bíða og sjá.

Veit ekki alveg hvort birtst hafa myndir af þessum manni áður ;)

Vissulega var hann einn af áhrifamestu mönnum mannkynssögunnar (og þá er ég að meina í Topp 5, lágmark!). Verr hefur fólki hinsvegar gengið að útskýra AF HVERJU honum tókst að verða það.

Hvernig tókst fremur ómerkilegum lægri-millistéttar náunga frá Austurríki að heilla fjölmennustu og um margt merkilegustu þjóð Evrópu til að fylgja sér í blindni út í árásir á friðsöm nágrannalönd, sem síðan leiddu til mesta blóðbaðs sem sagan kann frá að greina, Seinni heimsstyrjaldar?

Sumir kenna hinum alræmdu Versalasamningum um það. Aðrir nefna Heimskreppuna miklu. Svo eru til þeir sem tilreikna honum einhverja yfirnáttúrulega krafta, jafnvel að hann hafi fengið vald sitt frá Kölska sjálfum!

Sjálfur á ég bágt með að trúa slíku, en eitt er þó víst að ásjóna þessa manns er á einhvern hátt dáleiðandi, sem og (síðar marg-stæld) ræðutækni hans ku hafa verið. Jafnvel þó við heyrum ræðurnar af slitnum gömlum segulböndum, og höfum takmarkaða þýskukunnáttu, hreyfir það við okkur.

Allavega, ég horfði vel og lengi á þessa mynd. Hversu illur sem þessi mann-andskoti var, þá var greinilega eitthvað algerlega sérstætt við hann sem hreif fólk.

Þýskur herðmaðu úr seinni heimstyrjöld með STG 44 hríðskotarifill. Fyrsta sinnar tegundar sem vitað er til að fór í fjöldaframleiðslu. Samkvæmt wikipedia voru framleidd 425,977 eintök.