þetta er ómerkt mynd eftir Leonardó sjálfan og vilja flestir meina að þetta sé sjálfsmynd af honum.

Rétt áður en skotárásin byrjaði.

Hér sést John F. Kennedy með varnarmálaráðherra og einum helsta ráðgjafa sínum, Robert S. McNamara. Hann var einn af hinum “góðu og gáfuðu” (The Best and the Brightest), en svo var ráðgjafahópur Kennedys síðar nefndur í frægri bók blaðamannsins David Halberstam, og ekki laust við að nokkurar kaldhæðni gætti í titlinum.

Þegar Kennedy tók við embætti árið 1961, lagði hann sig fram um að fá sprenglærða sérfræðinga í helstu embætti frekar en flokksgæðinga. Með slíku einvalaliði skyldi nú aldeilis tekið til hendinni við stjórn Bandaríkjanna, eftir doða Eisenhower-tímans.

McNamara var að vissulega að mörgu leyti feykivel gefinn, og hafði gert mjög góða hluti við skipulagningu hernaðarframleiðslu í Seinni heimsstyrjöld, og síðan hjá Ford-bílarisanum. Tölur voru hans ær og kýr, og var hann oft nefndur “reikningshausinn” eða “tölvan”.

Eftir fráfall Kennedys hélt McNamara áfram störfum í Johnson-stjórninni, og kom því hitinn og þunginn af Víetnam-stríðinu mest í hans hlut. Við stríðsreksturinn reyndi hann að beita sömu aðferðum og áður við rekstur Ford verksmiðjanna: Tölur voru fyrir honum allt. Framleiðsla og tap á hergögnum, “bodycount” eigin manna og óvinanna o.s.frv. Þessi ofuráhersla hans á tölfræðina kom honum í koll, því hann tók alls ekkert tillit til annara þátta, eins og mórals hermannana, óánægju almennings í Víetnam o.fl. Einnig fóru að verða brögð að því að undirmenn hans “hagræddu” tölum til að þóknast honum, því hann þótti harður húsbóndi.

Að lokum þegar allt var komið í óefni, varð hann að sæta ábyrgð og segja af sér embætti. Gerðist hann forstjóri Alþjóðabankans. Mörgum þykir í dag ferill hans sem varnarmálaráðherra svipa til Donalds Rumsfeld, og vissulega eru nokkur líkindi til staðar.

http://en.wikipedia.org/wiki/Robert_McNamara

Þetta er bókasafnið í einni flottustu höll heims, El Escorial, sem er einnig klaustur. Höllin var byggð á árunum 1530 til 1597 fyrir Fillip II. Spánarkonung. Höllini var ætlað að vera greftrarstaður fyrir Spænsku konungana og þekkingarmiðstöð. Meðal kóngaáfólks sem er grafið þarna má nefna Karl V., Fillip II., Ísabellu II. og Alfonso XIII.

Hver er maðurinn?

Hann var hershöfðingi Bandaríkjanna í frelsisstríði þeirra gegn Bretum. Að lokum varð hann fyrsti forseti Bandaríkjanna.

Þetta er Thomas Pitt (5 Júlí 1653 - 28 Apríl 1726) Landstjóri í Madras á Indlandi og kaupmaður hjá Austur Indíafélaginu.
Pitt fékk gælunafnið diamond eða demantur þegar hann kom höndum sínum yfir stóran demant, 410 karöt, í desember 1701. Pitt keipti steininn af Indverja sem hét Jamchund sem hafði keipt hann af enskum sjómanni sem hafði stolið honum frá þræli sem hafði fundið steininn í Parteal námuni við ánna Kistna og laumað honum burtu með því að fela hann í stóru sári á fætinum á sér.

Pitt sendi steininn til Englands þar sem hann var slípaður niður í rúm 136 karöt og seldur Frönsku krúnuni 1717 fyrir 135.000 pund, sem var mjög mikið á sínum tíma. Demanturinn endaði svo á Frönsku kórónuni of trjónir enn.

Hitler vel mertur Nasistaflokknum

Þessa áróðursmynd birti hollenska deild SS þegar síga fór á innrás Bandaríkjamanna í landið árið 1944.
Þeir sýna menningarlegan mismun þeirra og Evrópu og á textanum fyrir neðan stendur eitthvað um að eyðileggja Evrópska menningu. Sem vissulega er sitthvað til í.

George Bush eldri skoðar hér árið 2002 módel af nýju flugmóðurskipi sem nefnt verður í höfuðið á honum. Segja má að hann sé vel að þeim heiðri kominn, þar sem hann var sjálfur flugmaður á flugmóðurskipi í Seinni heimsstyrjöld. Flaug hann sprengjuflugvél af Avenger-gerð, og stóð sig með prýði.

USS George H.W. Bush er í smíðum og verður væntanlega hleypt af stokkunum árið 2009. Verður það tólfta og síðasta skipið í Nimitz-skipaflokknum sem smíðað verður; Eftir það er planið að byrja á nýjum og ofur-tæknilegum skipaflokk þar sem fyrsta skipið bera mun nafn annars forseta, Gerald R. Ford.

Ómögulegt er annars að segja til um hvort Bandaríkin muni á næstu hálfu öld hafa bolmagn til að halda stöðugt úti heilum tólf flugmóðurskipadeildum, eins og stefnan er í dag. Hvað sem því líður, verður USS Bush líklega enn siglandi um heimshöfin þegar við sem þetta lesum komust á eftirlaun! Svo skemmtileg tilhugsun sem það nú er ;)

Meira um þessi mál á http://en.wikipedia.org/wiki/USS_George_H._W._Bush_%28CVN-77%29