Það mætti aðeins bæta stílbragðið, laga málfræðivillurnar og lagfæra ritvillurnar en það býr greinilega mikill hæfileiki í þessum rithöfundi. Persónulega fannst mér sagan gloprast dálítið niður í lokin en hún kemur samt feikilega vel til skila. Þetta er frábær saga sem nær einhvernveginn alveg inn til manns.
Þetta er “fallegt” ljóð ef svo mætti að orði komast, þó svo að ég haldi að það hefði litið betur út á íslensku því “and after, sits,/the tears and /blood…” er bara ekki rétt orðalag á ensku en kemur aftur á móti vel út á íslensku. En eins og ég sagði þá er þetta fallegt ljóð.
Það eru að vísu málfræði- og ritvillur í þessu ljóði og sjálfur er ég ekki sáttur við boðskapinn. En þetta er að vísu fallegasta leiðin sem ég hef séð hingað til til að koma þessum boðskap á framfæri. Eitt besta ljóð sem ég hef séð.
Já, mér finnst þetta MJÖG vel skrifuð saga, maður nær alveg sambandi við hugsanir barnsins ef svo mætti að orði komast. Það eina sem skemmdi söguna fyrir mér voru málfræði- og stafsetningarvillurnar. T.d. á að loka dyrum en ekki hurðum og svo eru kannski nokkrar ritvillur hér og þar, sem bara gerist og gengur. En ég get litið framhjá villunum því þetta er svo þrælgóð saga. Vel gert!
Já, mér finnst þetta fínt ljóð. Stundum finnst mér rímið dálítið langsótt en tekst samt alltaf að bjarga sér fyrir horn. Þetta er ekki bara fínt ljóð, þetta er frábært ljóð! Sætt, nett og vinalegt :)
Það var að vísu mjög sárt að lesa söguna fyrir því hversu illa skrifuð hún er. Það myndi breyta öllu ef þú notaðir bara stóra upphafsstafi. En án þess að ég skammist meira í þér þá fannst mér þetta ágæt saga, mjög trúverðug.
Alveg dæmigerð ensk óhappasaga! Mjög gott! Að vísu tók maður eftir því að stafsetningin fór hrakandi eftir því sem maður las lengra. En samt alveg ágætis saga.
Ég verð nú að segja að mér þykir ljóðið ekkert ógurlegt en kaldranalegt er það. Skemmtileg ráðlegging, best að skrifa hana hjá sér… og já, svarti húmorinn er fyrsta flokks. Alls ekki slæmt! Bara mjög gott reyndar!
Það er kannski best að ég varpi smá ljósi á það um hvað þetta ljóð snýst svo fólk skilji hvað ég er að fara: Ég á það til, eins og margir aðrir, að stunda þunglyndi (af mun meiri þrótta en ég tel heilsusamlegt) og spyr mig oft í miðju þunglyndi af hverju ég sé þunglyndur. Svo eyði ég ómældum tíma í heilabrot um þessa einföldu spurningu en sætti mig aldrei við niðurstöðuna. Þaðan ætla ég að vona að fólk geti dregið ályktun um hvað ljóðið er.
Ég ætlaði ekki að blanda mér inn í þetta mál en… Kundera, þegar Tyse sagði að þessi saga væri tekin beint úr glæpaheimi Reykjavíkur (eða hvernig hann orðaði það, ég man það ekki) þá meinti hann það í KALDHÆÐNI!!! Ég er reyndar sammála þér um að sem tilraun til alvöru smásögu þá er þessi saga léleg en þessi saga er svo greinilega EKKI tilraun til alvöru smásögu að það þarf varla að segja sér það. Tyse er bara að fíflast dálítið og mér finnst þessi saga skemmtileg afþví hún er svo asnaleg. Og...
Þegar ég las fyrirsögnina hugsaði ég með mér: “Æ nei, enn eitt ömurlegt þunglyndisklúður.” En svo las ég ljóðið og var komið skemmtilega á óvart. Þetta er bara helvíti gott ljóð! Vel af verki staðið!
Já, þetta er svosem ágæt sjálfsmorðshugleiðing, þó mér finnist fullmikil sjálfsvorkunn í henni. Annars er ég mjög ánægður með síðasta erindið, finnst það langflottast og að það eiginlega bjargi öllu ljóðinu. En já, vel gert og til hamingju með það.
Já, þar sem búið er að benda á stafsetningarvillurnar vil ég bara bæta við að það séu nokkrar málfræðivillur en förum ekki nánar út í það… Þetta finnst mér mjög gott ljóð, myndmálið gott, boðskapurinn alveg ráttur o.s.frv. Vel gert!
Tja, það þyrfti að slípa ljóðið til aðeins, laga stafsetningar- og málfræðivillur og þess háttar. En mér finnst þetta samt skemmtilegt ljóð, það er svo gaman að öllu þessu bulli þó maður skilji það ekki.
Já, þetta kalla ég nokkuð gott ljóð. Góðar persónugervingar og myndhverfingar. Mun betra en flest allt hræið sem er á þessum lista hingað til. Allt saman einhverjir þykjustukenndir smákrakkar sem þykjast vera gangsta-rapparar en kunna ekki einu sinni almennilega ensku. Manni sárnar í augun við að lesa þetta bull. En þetta ljóð, þetta almennilegt ljóð sem eitthvað er til í. Það hefur einhverja pælingu.
Tja, sagan gengur í dálitlar mótsagnir við sig á köflum. T.d. Eru stelpurnar 15 ára í einni málsgrein en 12 í annarri og frændi Stjörnu heitir Jóhann í einni og Jóhannes í annarri. Nú, svo eru ritvillur sem geta að sjálfsögðu komið fyrir alla en mér finnst þetta fín saga eins og er, vel skrifuð og maður rennur bara ágætlega í gegnum hana. Vonandi dettur þér eitthvað fleira í hug. Gangi þér vel með framhald.
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína. Skoðaðu stefnuna hér..
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína. Skoðaðu stefnuna hér..
