Hugi.is - Notendur

Óræð orð (3 álit)

í Ljóð fyrir 20 árum, 11 mánuðum

Við tölum í hringi og krossa. Og orðtáknin, táknorðin þyrlast, sveiflast, dansa, dj öflast í kringum okkur. Í stríðum flaumi stóryrða erum við strandaðir glópar á eyju án merkingar. Við tölum í hringi og krossa, læst í svikamyllu óræðra orða.

Töfrar (5 álit)

í Ljóð fyrir 20 árum, 11 mánuðum

Þú dregur snjóhvíta dúfu úr loftinu einu. Með vængjaslætti hverfist hún í dúnmjúkan klút sem þú strýkur um brjóst mér. Með nettri sveiflu breytist hann í hjarta mitt, blóðugt og titrandi fyrir deyjandi augum mínum. Og þú hneigir þig, breiðir út faðminn og hvíslar: ,,Töfrar!"

Hækutríó (handa I.) (4 álit)

í Ljóð fyrir 20 árum, 12 mánuðum

Hugarstríðsmaður, hendur þínar blóðugar en þó svo blíðar. Fortíðarskuggar vefjast um fætur þína, halda þér föngnum. Ástríðuþrungnar stundir í faðmi þínum, en engin framtíð.

Flugþrá (2 álit)

í Ljóð fyrir 21 árum

Sóttheitir vængir mínir titra er þú strýkur þá hugsandi höndum þínum. Og þú slítur burt eina fjöður, svo aðra, og ég sé framtíð mína, sveipaða myrkri þess sem eitt sinn gat flogið, en aldrei meir. Í örvæntingu ýti ég þér burt og fleygi mér út í lokkandi tómið þar sem vindurinn hvín um eyru mín og klettarnir taka mér opnum hvössum örmum. Gat ég þá aldrei flogið, nema í draumi?

Flótti (7 álit)

í Ljóð fyrir 21 árum

Ég get ekki hlaupið lengra en á enda heimsins, þar hlýtur þú að ná mér að lokum. Og þú læsir blóði drifnum klóm þínum í hár mitt þar sem ég stend örmagna á silfraðri ströndinni við veraldarsæinn, og þú teygir flugbeittar vígtennur þínar að hálsi mínum til að vekja mér und og sjúga úr mér líf mitt og ljóð. Þegar það gerist ætla ég að hrækja í andlit þitt og hlæja.

Ekki þú (5 álit)

í Smásögur fyrir 21 árum

Já, þú hlýtur að sjá það sjálf. Hún er fallegri en þú. Miklu fallegri en þú. Enda hefur þú nú aldrei talist nein sérstök fegurðardrottning. Hún er t.d. svo tignarleg í hreyfingum, eins og kattardýr. Það hefur þú aldrei verið, þessi litla budda sem þú ert. Svo er hún miklu hærri og glæsilegri en þú, með leggi sem ná hálfa leið til himins. Hún er sko engin stuttfætla eins og sumir sem ég gæti nefnt. Hárið á henni, þetta kolsvarta gljáandi hár sem nær svo langt niður á bak og sveiflast til...

Lúsifer (7 álit)

í Ljóð fyrir 21 árum

Tunglið slær blákaldri birtu á hrafnsvarta vængi þína. Í augum þínum blika eitraðar stjörnur og klofin tunga þín hvíslar mér tærandi syndabáli. Í gælum þínum finn ég dimmbláa eilífðina, kraftinn í gegnkaldri sál þinni, og ég skil í einni svipan hví þér var kastað úr Paradís. En vinur minn, freistari minn, fyrir þessi augu, þetta grimmblíða bros hefði ég fylgt þér í útlegð.

Vegaljóð (3 álit)

í Ljóð fyrir 21 árum

Haustköld hvíslar gangstéttin vegaljóðum að fótum mér. Hráblaut syngur blánóttin tregasöngva við vinga minn. Hryninn slá fætur mínir, alblóðugir, á leið til þín.

Á svona degi (6 álit)

í Ljóð fyrir 21 árum, 1 mánuði

Á svona degi, svona æðisbjörtum degi þegar skýin fara í loftköstum yfir landinu og sólin skellihlær, þá eru orð ekki nauðsyn því hjörtu okkar slá í takt.

Vertu skáld mitt (4 álit)

í Ljóð fyrir 21 árum, 1 mánuði

Vertu skáld mitt og færðu mér ljóð þín hlaðin seiðandi eldi. Vefðu mér ljóðvef úr heitum nóttum & tindrandi augum, saltmjúkum kossum & hrímhvítri húð. Sláðu draumvoð þína morgunrjóðri ástúð, fölgulri vináttu og silfursprengdri virðingu. En íþyngdu mér aldrei með eldrauðri ást þinni, hún gæti brotið vængi mína og bundið mig jörðinni.