Þetta var athyglisverð saga og mér fannst svona skína á milli línanna að ungi póstberinn væri í raun og veru geðveikur - eða geðklofi. Það voru greinilega einhverjar raddir sem sögðu honum (eða var það gamli bréfberinn sem hafði verið að hræða hann) að kettir væru börn satans og að tedrykkja væri bara hreinasta guðlast. Líklega voru samt “Ljungberg Jensen majór… Mya Cubitt… Karoline Comic… ásamt húsdýrum og tedrykkjan - allt á Transonstræti 9.” hans einka helvíti á jörð … eða hvað veit ég...
Ákaflega falleg og vel skrifuð saga hjá þér. Ósjálfrátt langaði mig til að sagan væri lengri þegar að endanum var komið. Miðað við að þetta er ein af þínum fyrstu sögum - mæli ég með því að þú pælir alvarlega í því að leggja skrif fyrir þig. Allavega hvet ég þig til að halda áfram að skrifa því þú ert á réttri hillu og ég vil endilega lesa fleiri sögur eftir þig… Kveðja: Tigercop.
Mjög skemmtileg saga hjá þér. Gamla kerlingin minnti mig talsvert á gömlu kerlinguna, hana Skjónu, sem er í sögunni minni um sveitalúðann sem fór í bónorðsferð en auðvitað samt á allt annan hátt þó… Ég hafði bara gaman að því að lesa þetta en saknaði samt þess að sjá ekki enter takkan notaðan aðeins oftar … Mjög vel gert hjá þér.
Ok - ég var nefnilega reyndar að hugsa um það hvort gæti verið að hann væri stjúpi þeirra en þar sem það stóð hvergi var ég ekki viss - og einnig var talað um “foreldrana” og einnig: “Fjölskyldan snýr sátt heim, faðirinn ánægður með að hafa þjónað hlutverki sínu.” En líklega er ég líka bara of syfjaður til að geta lesið fullkomlega á milli línanna .. ;) Vel gert hjá þér samt.
Þetta var góð saga hjá þér. Svolitið skondin meira segja í sorginni … Ég verð að viðurkenna að ég brosti nokkuð duglega þegar ég las: “Það hefði mátt heyra í flugu anda, svo mikil var þögnin” … Samt var þessi setning ekkert alveg hrikalega fyndin - en samt fyndin. ;) Vel gert hjá þér og endilega keep on writing.
Jamm og jæja já … Þetta er vel skrifað hjá þér og bara nokkuð athyglisvert. Reyndar var þó sitt lítið sem ég var ekki alveg með á hreinu - en kannski er ég bara orðinn of syfjaður í augnablikinu. T.d. er það “nýbakaði” fjölskyldufaðirinn - sem þó á stúlku á fjórða ári og dreng sem var nýorðinn sex ára - sem sagt alls ekki “nýbakaður” fjölskyldufaðir. Nú svo er það móðirin. Hvernig getur hún verið einmanna með fortíðardrauga á bakinu - (eða greinilega slæma framtíðardrauma á handleggnum) …...
Þetta var bara nokkuð sniðugur sögubútur hjá þér. Þú gætir spunnið mjög góða sögu í kringum þennan bút og gert lengri og skemmtilegri sögu úr öllu saman. Þú virðist vera nokkuð góður penni og ég hvet þig til að halda áfram að skrifa - en æfa og vanda betur stafsetningu því hún er frekar upp og niður. Þegar mikið er um stafsetningarvillur finnst mér það trufla lesturinn og stundum fer maður meira að pæla í villunum frekar en í innihaldi sögunnar. Endilega æfa þetta betur - en vel gert hjá...
Well sko … Þér að segja fannst mér þetta hundleiðinlegur lestur … En það er ekkert að marka því ég hef bara nákvæmlega næstum því engan áhuga á “sagnfræði” … ;) Ég kíkti bara aðeins inn af gömlum vana þegar ég sé nýjar greinar en þegar ég sá nöfnin á persónunum sem þú ert að fjalla um þá stóðst ég ekki mátið og las áfram til enda. Mér fannst það skondið að lesa að foreldrar Jóns hefðu verið “Þorlákur” og “Guðrún” vegna þess að langafi minn og langamma hétu einmitt þessum sömu nöfnum -...
Þú virðist sannarlega hafa verið að lenda í mikilli ástarsorg… Þessi grein hjá þér er vel skrifuð en full af neikvæðni í garð stúlkna - en veistu - allt sem þú skrifaðir hérna má líka yfirfæra á stráka! Málin eru bara svo flókin þegar að ástinni kemur og það er svo erfitt að átta sig á því hvers vegna ástin getur verið bæði í senn - yndislega falleg og svo mikill lífsgjafi - og einnig hina stundina - skelfilega niðurbrjótandi og hræðilega miskunnarlaus… Auðvitað eru unglingar og unga fólkið...
Jamm og jæja … Góð grein hjá þér! Það er sannarlega satt og rétt hjá þér að rómantíkin er til og að við eigum vissulega að gefa henni tækifæri ef hún bankar á einmannalegar dyrnar okkar … Ég samgleðst þér með það að þú skulir hafa opnað dyrnar fyrir þinni rómantík og ég vona sannarlega að þú eigir eftir að upplifa miklar og fallegar stundir með þínum rómantíska herra. Allir ættu að gefa ástarlífinu og rómantíkinni tíma og tækifæri til að gera lífið aðeins yndislegra. Án rómantíkur væri lífið...
Já, það er sárt að missa. Sársaukinn er mismikill og fer að sjálfsögðu eftir því hvern við erum að missa - en sársaukinn er þarna og verður. Sagt er að tíminn lækni öll sár - en það er að sjálfsögðu bara vitleysa, því tíminn læknar sárin ekki heldur mildar hann sársaukann þannig að með tímanum eigum við auðveldara með að eiga við sorgina og missirinn … Ég og mín fjölskylda höfum misst 2 lítil börn og þó nokkuð langt sé um liðið núna í dag - þá er söknuðurinn og sársaukinn enn til staðar og...
Mér fannst þetta bara fínasta saga hjá þér. Þú horfir snilldarlega inn í hugarheim þess sem er geðveikur og kemur því bara mjög vel til skila til okkar… Þú færð mann til að vorkenna söguhetjunni - geðsjúklingnum - og það eitt að ná því að hafa áhrif á það hvernig maður hugsar þegar maður les er bara glæsilegt hjá þér. Vel gert og endilega haltu áfram að skrifa.
Mér fannst þessi saga bara nokkuð góð. Reyndar finnst mér lýsingarnar stundum næstum of langdregnar en samt myndi ég kjósa aðeins of mikið af lýsingum frekar en of lítið… Mér finnst eins og þetta sé bara einhvers skonar kafli úr lengra verki og það vanti bæði upphafið og endirinn - en þetta lofar allavega mjög góðu og ég vona bara að þú haldir áfram að skrifa og gerir nú bara fullvaxið verk sem skilur lesandann ekki eftir hálf vonsvikinn vegna þess að það “vantaði eitthvað” … eða þetta...
Well, well … Miðað við að þú ert bara 11 ára þá finnst mér þetta bara hin skemmtilegasta saga hjá þér… Þú ert með mikið hugmyndaflug og hefur einnig líka mikið horft á ýmsar barna- og unglingamyndir (+ teiknimyndir) sem oft eru með svona fyndnum ævintýrum um skúrkinn og hetjurnar sem bjarga deginum … en þetta er vel gert hjá þér. Ef þú heldur áfram að skrifa og passar vel uppá hugmyndaflug þitt þá gætir þú nú bara vel orðið okkar næsta nóbelskáld. Vertu duglegur að skrifa sögur og æfðu þig -...
Mér fannst þetta alveg ágætasta saga hjá þér - miðað við að þetta er þín fyrsta! Reyndar slatti af stafsetningarvillum og stærstu villurnar eru þær að þú verður að passa að hafa ALLTAF stóran staf í mannsnöfnum … (Breki og Hákon) … Þessi stutti sögubútur sýnir (ef þú hefur skrifað þetta sjálf/ur) að þú getur sannarlega skrifað og miðað við fyrstu sögu hjá þér þá hlakka ég til að lesa næstu .. og næstu og næstu sögurnar þínar! Reyndar var þessi saga svolítið snubbótt en samt fín og ég vona að...
Þú getur sent honum skilaboð/tölvupóst … Það er held ég eina leiðin til að nálgast hann en ég veit ekki hvort hann svari nokkurn tíman - hann hefur allavega aldrei svarað mér …
JReykdal er vefstjóri huga.is … Erfitt að nálgast hann og hann svarar yfirleitt ekki skilaboðum sem send eru til hans - allavega ekki frá mér! Kannski hann svari þér.
Ég er sammála þér Skuggi - þær eru báðar vel að þessu komnar - báðar glæsilegar og báðar með góðar raddir … Persónulega held ég virkilega mikið uppá Hildi Völu og vona sannarlega að hún rúlli þessu upp í lokin.
Hildur Vala hefur líka tekið mikla sénsa í gegnum meiri hluta keppninnar - hún gerir flest öll lögin að “sínum” og gerir það virkilega dásamlega. Þegar ég hlusta á Hildi Völu syngja fæ ég gæsahúð af hrifningu og óska mér þess heitt að fá meira af henni … wrarrrrrrrr! Í mínum augum - og eyrum - er Hildur Vala Idol stjarna ársins í ár! Rödd hennar er virkilega spes og tælandi - mig langar í hana! (sko Hildi Völu) … grrrr. Kveðja: Tigercop sem missti af Idol þættinum í kvöld og er hoppandi...
Ég er því hjartanlega sammála. Það þurfa að vera minnst tveir virkir stjórnendur á hverju áhugamáli finnst mér… Prufaðu bara að senda skilaboð á þennan nánast óvirka admin sem hérna er skráður og ef ekki gengur þá skaltu prufa að senda JReykdal póst og biðja hann náðasamlegast um að athuga hvað sé í gangi með þetta áhugamál - kannski nærð þú að ná í gegn hjá þeim - mér tókst það ekki - en ég er nú líka frekar mikill skaphundur og þau bara hundsa mig .. :)
Ég er sannarlega sammála þér með að mjög margir kunna ekki að haga sér vel. Mjög margir halda að það sé t.d. fyndið að svara greinum, korkum og öðru með aulahúmor eða á neikvæðan hátt. Málið er bara að þeir sem eru að svara svona með leiðindum - eru bara að sýna hvað þeir eru sjálfir óþroskaðir og barnalegir! Ekkert flóknara en það sko …
Veistu - ég held að þessari spurningu hafi verið fleygt hérna fram í korki fyrir ekki svo löngu síðan - og þetta lenti meira segja í heitum umræðum í langan tíma… minnir mig. “mjá mjá - ég er kind” finnst mér svolítið krúttleg og sæt undirskrift - og bara nokkuð fyndin!
Skelfing er ég glaður yfir því að ég skuli ekki vera hundurinn þinn … ;) BTW - geggjað nöldur hjá þér! Það gleður mig að þér skuli ekki vera kalt og það gleður mig líka að þú skulir ekki vera svangur (var gamla settið ekki að steikja kjöt?)… Og já … aðrir mættu taka þetta til fyrirmyndar og reyna að nöldra almennilega … good work! ;)
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína. Skoðaðu stefnuna hér..
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína. Skoðaðu stefnuna hér..
