Hugi.is - Notendur

Tárin þín (4 álit)

í Ljóð fyrir 21 árum, 2 mánuðum

Í litlum daggardropa sem drýpur rósarblaði frá eru ástartár þín falin og vökva mína sál. Döggin í svala morgunsins voru tárin þín í gær glitra sem gimsteinar og minna mig á það besta sem ég á.

Þú sjálfumglaði maður sem heldur að þú skiljir eftir þig merkilega arfleið á spjöldum sögunnar. Ég skal fullvissa þig um að spor þin verða ekki varanlegri en fótspor heiðargæsarinnar í fyrstu snjóum haustsins.

Heimkoma (1 álit)

í Ljóð fyrir 21 árum, 2 mánuðum

Að þrjátíu árum liðnum ber mig aftur á æskuslóðir með blæðandi hjarta og tómar hendur. Ég legg bát mínum við þínar strendur, þar sem loguðu eldar ástar og gleði er askan ein eftir.

Ertu þar ? (3 álit)

í Ljóð fyrir 21 árum, 2 mánuðum

Þegar skuggi næturinnar breiðir hönd sína yfir augun mín hverf ég í þöglan heim,sem engin sér á vængjum draumsins í leit að þér.

Sorg (1 álit)

í Ljóð fyrir 21 árum, 3 mánuðum

Þegar þú fórst mér frá var sem napur haustvindur blési og hrímköld hönd að hjarta legðist blómin drupu höfði og úti ríkti eilíf nótt. Frá þeim degi er sólin settist í vestri er sem skýjahula alla birtu deyði sál mín grætur í saknaðar þoku sem að eilífu líður mér um brá.

Sumarnótt (3 álit)

í Ljóð fyrir 21 árum, 6 mánuðum

Taktu mig í faðm þinn bjarta sumarnótt leifðu mér að gleyma dagsins önn og sárum taktu mig með þér bara í nótt, þessu einu nótt á vængjum þínum inn í dalanna ró. Kenndu mér að njóta frelsis kyssa laufblað á bjarkargrein spegla augun í lygnri vík og lykta reyrinn á engjateig Já taktu mig með þér og kenndu mér að elska landið og rætur mínar, leifðu mér að finna unað og dásemd þína blíða sumarnótt.

Þrjú ljóð (3 álit)

í Ljóð fyrir 21 árum, 6 mánuðum

ÓSKHYGGJA. Þegar sólin sest við sjávarrönd ferðast óskhyggjan á vængjum hugans að húsi þínu og horfir á þig sofa í faðmi mínum, laumar kossi á rjóðar varir sem brosa breitt í draumi mínum. Sálufélagar. Þau gengum hönd í hönd veg gleði og sorgar frá fyrsta kossi til dauðadags. Þar fóru tvær sálir sem engin þurftu orðin því ástin var þeirra vinur og förunautur. Ástin. Í brjósti þínu býr það besta sem ég á, brosir í augum mínum svo allir megi sjá.

Ég sakna þín. (4 álit)

í Ljóð fyrir 21 árum, 6 mánuðum

Þegar söknuður kaldur og grimmur býr um sig í angurmæddu brjósti grætur hjartað hljóðum tárum. Ljóðið verður spegill minn blekið blóð mitt orðin tár mín, það ert þú sem ég þrái.

Vorið og líf stofublómsins (0 álit)

í Ljóð fyrir 21 árum, 7 mánuðum

Velkominn gyllti sólargeisli sem faðmar fjallatinda kemurðu ekki bráðum í dalinn og kyssir blómin mín. ########################### Örlög stofublómsins. Stofublómið grét þegar hunangsflugurnar flugu á gluggann.

Ég veit eins og fuglinn. (0 álit)

í Ljóð fyrir 21 árum, 7 mánuðum

Mér líður eins og vængbrotnum fugli sem fljúga vill frá kvalara sínum. Þó höfuð mitt hvíli á brjósti þínu og sterkir armar faðmi mig, er eitthvað í orðum þínum sem vekur óhug hjá mér. Augun mín fyllast tárum þegar ég horfi í augun þín. Ég sé drauma mína hverfa í svörtum skuggum sem leynast djúpt í þeim. Ástarorð þín af silkimjúkum vörum eru sem stálflísar reknar í hjarta mitt og brjóst. Ég veit eins og fuglinn að þú verður ógæfa mín.

Hann/Hún þráir öryggi. (1 álit)

í Ljóð fyrir 21 árum, 7 mánuðum

Allt lífið hef ég leitað að öruggri höfn eins og laskaður bátur sem hrekkst um ólgandi höf, í kvöld sem öll önnur kvöld sofna ég á tárvotum kodda.

Vormorgunn undir baðstofuglugganum. (3 álit)

í Ljóð fyrir 21 árum, 7 mánuðum

Í dögun þegar varir mínar snertu heit og mjúk brjóst þín var sem ég sæi undir iljar vetrarins á hlaupum upp til jökla. Ilmur þinn leið út um gluggann og kyssti vanga vorsins sem speglaði græn augu sín í morgundögginni.

Hversvegna? (1 álit)

í Ljóð fyrir 21 árum, 7 mánuðum

Sólin lét sig hverfa bak við blásvört ský þegar gömul kona með æðaberar hendur og strengdan kvið gekk út í vorið með agnarlitla kistu og dauðann sér við hlið.

Hækjugalsi Tanka (2 álit)

í Ljóð fyrir 21 árum, 7 mánuðum

Vorgolan brosti þegar hún blés á lærin undyr pilsinu. xxxxxxxxxxxxxxxxxxxxxxxxxxx Drekktu þig fullan og harmaðu örlög þín obinbelega. xxxxxxxxxxxxxxxxxxxxxxxxxxx Hver er að banka æ það var bara hjartað sem sló allt of hratt. xxxxxxxxxxxxxxxxxxxxxxxxxxx Þótt þú hatir mig elskumst við heitt hverja nótt í skjóli draumsins. xxxxxxxxxxxxxxxxxxxxxxxxxxx Bóndi á traktor Tjaldur í vegkantinum kusur á flugi svei mér þé ef ekki er komið vor í dalinn minn. xxxxxxxxxxxxxxxxxxxxxxxxxxxx

Móðir Íraks og böðullinn. (4 álit)

í Ljóð fyrir 21 árum, 7 mánuðum

Svartklædd kona rúnum rist reikar ein um blóðvöllinn alla sína hefur hún misst hljóðnuð eru hlátrasköllin. Ataður blóði er böðullinn barkan reif úr börnum sínum grætur raunum röðullinn Því Hel ríkir í borgum þínum.