Hugi.is - Notendur

Sálumorð (1 álit)

í Ljóð fyrir 19 árum

Ó, hve mjög ég hata helvíti og þig, Líkaminn nær bata en hvað með mig? Eitt sinn þér ég unni af öllum krafti og mætti já eitt sinn það ég kunni þar til einn dag, því ég hætti Er hönd svo heit og skjálfandi skall á vanga mínum Sótillur, blautur, bölvandi flæddi blóð úr vanda þínum. Ringluð og laus við vitið mín fyrsta hugsun þú. Samvisku minnar var bitið hvað hafði ég gert nú? Ó, hve mjög ég hata örin mín og þig Líkaminn nær bata en hvað með mig?

Karlmenn (2 álit)

í Ljóð fyrir 19 árum, 1 mánuði

Væla og veina viðstöðulaust reyna að gera hár mín grá. Get ekki, kann ekki að skilja þá. Hvað er það sem þeir vilja? Nei það þarf ekki að spyrja… Þeir hugsa eitthvað, já en ekki með því sem er höfðinu á…

Reiði (3 álit)

í Ljóð fyrir 19 árum, 7 mánuðum

Þrái að elska þig, umlykja sál þína halda í hönd hjarta þíns. “Aðgangur bannaður!” öskrar rauðeygt skrímsli. Það sló eign sinni á anda þinn og innréttaði með heift.

Kyndauði (2 álit)

í Ljóð fyrir 19 árum, 9 mánuðum

Skoða stjörnubjartan himinn meðan þú athafnar þig. Þrái að sál mín sé ein þeirra. Þú siglir í strand á fljóti tára minna, fley þitt er líkami minn.

Æðri máttur (1 álit)

í Ljóð fyrir 21 árum, 7 mánuðum

Bundnar hendur og brjálæði böl og endalaus sársauki blóðhlaupin augu, böðlar verki mun bera að eilífu þeirra merki. Ég græt og gnísti tönnum gefst loks upp fyrir mönnum sem ekki sjá að agnar sál þjáist þeirra vegna, en það er víst ekki mitt að hegna.

Gjöf til engils (6 álit)

í Ljóð fyrir 21 árum, 8 mánuðum

Milli illgresis lífs míns vex dökkhært blóm sem angar af gódvild, birtu og kærleik. Ég ann þessu blómi af öllu hjarta, gerir myrkrið mjúkt og dagana bjarta. Það er vinur í striti,þraut og sorgum mun ég unna því jafnvel heitar á morgun. Þetta blóm mitt ber nafn og nafn þess er Berglind því hún líkt og blómið angar af góðvild.

Tilvistarkreppa (2 álit)

í Ljóð fyrir 21 árum, 10 mánuðum

Umlukin manneskjum greip hún mig, krumla einsemdarinnar. Sett í fangelsi, smíðað af fólki sem sá mig ekki. Sit þar með ófreskjum en hræðist ekki því þarna fann hjarta mitt frið….

Sms frá Jesúm (3 álit)

í Ljóð fyrir 21 árum, 11 mánuðum

Ég horfi á krossinn blóði borinn finn ryðlykt af nöglum, púðurlykt af höglum. Krossfestur í nútíma hengi ég haus og bíð eftir lyftunni sem flytur mig til pabba, pabba okkar allra. Gaddavírskórónan særir. Ólýsandi sársauki nístir vonbrugðið hjarta mitt. Um leið og mannfólkið lærir mun ég hætta að deyða fólkið þitt.

Ástarorð í eyra (0 álit)

í Ljóð fyrir 21 árum, 11 mánuðum

Ást er aðeins lítið orð sem enginn getur tamið það hefur orsakað ófá morð og margir hafa um samið. Orð sem veldur skelfingu sem ei er hægt að lýsa orð sem skapar hamingju og sem bræðir ísa. Orð sem safnar tárunum sorgar jafnt sem gleði. Orð sem vex með árunum og leggur allt að veði. Að trúa því að stafir þrír hafi allt þetta að segja uns til mín gengur piltur hlýr vil ég biðja þá að þegja.