Hundar

8.00 - Hundamatur! Uppáhaldið mitt! 
9.30 - Bíltúr! Uppáhaldið mitt! 
9.40 - Göngutúr í skemmtigarðinum! Uppáhaldið mitt! 
10.30 - Fékk hrós og klapp! Uppáhaldið mitt! 
12.00 - Hádegismatur! Uppáhaldið mitt! 
13.00 - Lék mér úti í garði! Uppáhaldið mitt! 
15.00 - Dillaði skottinu! Uppáhaldið mitt! 
17.00 - Mjólkur beinakex! Uppáhaldið mitt! 
19.00 - Fór í boltaleik! Uppáhaldið mitt! 
20.00 - Vááá horfði á sjónvarp með fólkinu mínu! Uppáhaldið mitt!
23.00 - Sofa uppí rúmi! Uppáhaldið mitt! 

Úrdráttur úr dagbók kattar.

Dagur 983 af fangavist minni: Fangaverðirnir halda áfram að hæða mig með undarlegum litlum dinglandi hlutum. Þeir borða græðgislega ferskt kjöt á meðan ég og hinir fangarnir erum fóðraðir á stöppu og þurrum kúlum. 
Þó ég láti fyrirlitningu mína á skömmtunum sem mér eru gefnir bersýnilega í ljós þá verð ég að borða smávegis til að halda kröftum. 
Það eina sem heldur mér gangandi er draumur um að flýja einhvern daginn. Í tilraun minni til að fá þá enn og aftur til að fá ógeð, ældi ég aftur í teppið. 
Í dag afhausaði ég mús og skellti höfuðlausum búknum við fætur þeirra. Ég hafði vonað að þetta atvik myndi slá ótta í hjörtu þeirra þar sem þetta undirstrikar hvað ég er fær um að gera. Hvað um það þau gerðu bara yfirlætisfullar yfirlýsingar um hversu góður lítill veiðimaður ég er. Fávitar. 
Það var einhverskonar samkoma hjá vörðunum núna í kvöld. Ég var settur í einangrun á meðan á samkomunni stóð. Samt sem áður þá heyrði ég hávaðann í þeim og fann lyktina af matnum. Ég heyrði einnig að ástæðan fyrir einagrun minni væri "máttur ofnæmis." Ég verð að komast að hvað þetta þýðir og hvernig ég get notað það í mína þágu. 
Í dag heppnaðist mér næstum tilraun til að launmyrða einn af hvölurum mínum með því að vefja mér um fætur hans á meðan hann gekk um. Ég verð að reyna þetta aftur á morgun þegar hann er efst í stiganum. 
Ég er sannfærður um að hinir fangarnir sem eru hér eru aular og kjaftaskjóður. Hundurinn fær forgangsmeðferð. Honum er reglulega sleppt lausum en sýnist meira en auðfús að koma aftur. Hann er greinilega þroskaheftur. 
Páfagaukurinn hlýtur að vera aðal heimildarmaður fangavarðanna. Ég fylgist með honum tala við þá reglulega. Ég er sannfærður um að hann kjaftar í þau öllu sem ég geri. Verðirnir hafa útbúið öryggisklefa fyrir hann sem er í meters hæð yfir gólfinu þannig að hann er öruggur eins og er.....