Í fullkomnu lofttæmi er þögn, enda ekkert efni til að bera hljóðbylgjur. Hinsvegar er fullkomið lofttæmi ekki til, en aðstæður í geimnum komast mjög nálægt því.

Já, ef engar hljóðbylgjur berast gegnum efnið eða ef ekkert efni er til að bera hljóðbylgjur. Báðir möguleikar eru fræðilega mögulegir en raunverulega mjög ólíklegir.

Er ekki þráður um þetta á /heimspeki ?

hvað er þögn í fyrsta lagi?
Ef þögn er fjarvera hljóðs, þá þurfum við einnig að vita hvað hljóð er.

Hljóð er í raun ekkert annað en bylgja sem gengur í gegnum efni. Ef að við höfum efni er líklegast alltaf hægt að mæla skruðning í því vegna þess að eindir þess verða ávallt að vera á einhverri hreyfingu.

Maður heyrir aldrei fullkomna þögn.

Ef þú ert í umhverfi sem ríkir algjör þögn heyrir þú hátíðnihljóð í taugakerfinu þínu og lágtíðnihljóð í æðakerfinu.

Svona þráður birtist á /heimspeki fyrir einhverju síðan, það vantaði svolítið vísindalegan grunn í bæði spurninguna og flest svörin. Það fer svolítið eftir því hvernig þú skilgreinir “þögn” hvort hún sé til eða ekki, því á skammtafræðilegum vegalengdum er svonefnt skammtaflökt sem veldur örlitlum þrýstingsbreytingum. (Lestu þér til um Casimir-hrif fyrir nánari upplýsingar.) Þar sem hljóð eins og við skynjum það er bara flökt í þrýstingi er það gott og gilt “hljóð,” og því ekki til neitt sem heitir fullkomin þögn í raunveruleikanum.