Þar sem skíðasvæðin í Hlíðarfjalli og á Dalvík hafa tekið upp snjóframleiðslukerfi þá hef ég ákveðið að lýsa hér í máli hvernig snjóbyssur virka.

Til þess að hægt sé að búa til snjó þarf þrennt að vera til staðar, vatn, loft og hiti undir frostmarki. Í einföldustu gerð snjóvéla er vatninu og loftinu blandað saman í vatnsleiðslum og síðan er því sprautað út um lítið gat á endanum á vatnsleiðslunum. Þaðan kemur fínn úði sem frýs síðan í loftinu og úr verður snjór.

Snjóbyssurnar sem eru í Hlíðar- og Böggvistaðafjalli eru mun flóknari en það. Þær eru mun stærri og taka mun meira vatn en þessar sem ég lýsti lauslega hér að ofan. Þær eru sívalningslaga(svipað og olíutunna) og í þeim er vifta sem blæs úðanum í burtu. Innan í sívalningnum eru 1 - 5 hringir af rörum. Í hringjunum eru mikið af endum með götum sem sprauta úða út sem viftan blæs síðan út í loftið. Góða mynd af svona byssu má sjá hér.

Það sem ég hef hvað mestan áhuga er snjóframleiðsla í heimagörðum hjá fólki sem hefur búið til sýnar eigin snjóbyssur og býr til snjó í garðinn sinn. Gott dæmi um svoleiðis byssu er hér

Ég hef búið til mína eigin snjóbyssu og náði að framleiða minn fyrsta snjó í gær. Ég hugsa að ef að áhugi reynist þá muni ég skrifa grein um það hvernig hægt er að búa til einföldustu gerð af snjóbyssu.

Myndin er af heimasnjóframleiðslu við bestu aðstæður.