Heil og sæl.


Nú er mál með vexti að ég setti upp Modern Warfare 2 og spila hann slatta en allt í einu frýs tölvan og ekkert hægt að gera, kemur bara nánast svartur skjár, minnir reyndar að í eitt skiptið hafi liturinn verið eitthvað öðruvísi, þetta var svosem ágætis tilbreyting frá “blue screen of death” sem ég hef stundum fengið, en við önnur tækifæri.

Anywho, ég googla dótið og flestir virðast vera að segja að leikurinn eigi það til að hita skjákortið of mikið, þannig að á endanum sæki ég mér Speedfan til að fylgjast með hitanum.

Eitthvað virðast mælingarnar þar vera skrítnar þar sem að ég get bara breytt hraðanum á einni viftu, er með 5 viftur þegar ég er með hliðina á kassanum en forritið sýnir bara fjórar og að ein sé ekki í gangi en þær eru allar í gangi. Fæ ekki miklar upplýsingar um hvaða hiti er hvað nema skjákortið og örgjörvinn, ekkert ambient heldur bara temp 1- 3 og þess má til gamans geta að temp3 er í heilum -128°c sem mér finnst pínu undarlegt.

Það sem mér finnst hinsvegar verra er að þegar vélin er “idle” þá sýnir hún hitan á skjákortinu í um 72°c sem mér finnst ekkert sérstaklega þægilegt. Það virðist ekki breyta miklu hvort ég sé með hliðina og viftuna á henni tengda eða ekki.

Ég er með nvidia geforce 8800 gts skjákort, en tölvan er keypt í tölvulistanum en ekki af mér þannig að ég hef ekki ábyrgðarskírteini.

Allar vifturnar virðast vera í botni þótt ég geti bara breytt hraðanum á einni þeirra (stóra sem kælir móðurborðið) þannig að ég skil ekki alveg afhverju skjákortið er svona heitt. Þessi tölva er sett saman og seld í tölvulistanum sem pakki.

Það sem mig vantar semsagt að vita er afhverju þetta getur verið svona og hvað ég get gert til að laga þetta. Mér skilst að stundum hafi þessi kort verið seld yfirklukkuð en ég kann voðalega lítið á svoleiðis.

Takk fyrir.