Einhverstaðar las ég að það ætti ekki við um allt, eða að það væru bara sum forrit og sumir leikir sem nota báða örgjafana, er það bara bull ?

Tvo kubba í einum örgjörva síðast þegar ég vissi.

En munurinn er sá að dual core örgjörvar geta unnið við fleiri forrit í einu, segjum að þú sért að keyra tvö þung forrit, þá sér einn kjarninn um annað forritið, og hinn kjarninn um hitt.

Aftur á móti, ef þú ert bara að spila tölvuleik eða keyra eitt þungt forrit, þá er single core betri í það, því allur örgjörvinn einbeitir sér að því.

Það er mikil skammsýni í því að kaupa annað en dual core örgjörva í dag. Fyrir utan það að það eru þegar komnir leikir sem nýta slíka gjörva (King Kong, sem kom út um áramótin, var sá fyrsti sem gerði það sem ég veit um) þá er Windows Vista á næsta leiti og þú mátt bóka að það mun nýta multi-core gjörva til hins ýtrasta. Vista kemur út um næstu áramót og til þess að spila DirectX 10 leiki munt þú þurfa að keyra það (DX10 verður ekki í boði fyrir XP).
Ég keypti sjálfur fyrsta eintakið af AMD X2 4400+ sem kom í Tölvulistann og hef verið mjög sáttur. Hef ekki notið auka kjarnans mikið en tilfellið er að það eru alltaf einhverjir processar að malla í bakgrunninum þegar þú ert að spila leiki og þar nýtist auka kjarninn.