Ef þú ert að tala um silungasvæðið (fyrir neðan brú) þá er besti veiðistaðurinn undir brúnni sjálfri. Einnig hafa þeir verið að fá eitthvað á klöppunum fyrir neðan veiðihúsið. Best er að veiða í ánni þegar fjara er því það gætir mikils muns á flóði og fjöru langt uppeftir ánni.

Ég var þarna í júlí og fékk ekki einn einasta fisk. Þó var krökkt af vænum fiski bæði laxi og bleikju undir brúnni.

Ástæðan er líklega sú að þeir sem selja veiðileyfi í ána selja sex stangir á dag!!! Á ekki stærra svæði er það fáránlegt. Það eyðilagði alveg daginn að vera þarna ásamt fimm öðrum veiðimönnum við brúnna og allir að berja á sama stað. Það útskýrir kannski líka veiðileysið ef þetta var venjulegur dagur þá hlýtur fiskurinn þarna að vera orðinn ónæmur fyrir öllu agni.