Sælt sé fólkið og gleðilegt ár.

Það er alveg svakalega gaman að þjálfa hunda, sérstaklega ef þeir eru kraftmiklir og sýna hlutum áhuga. En það eru frum skilyrði fyrir því að þjálfa hunda þ.e.a.s að hann sýni áhuga. Ég er sjálfur með tvo hunda. Einn sækir “Elding” sem er labrador-mix fædd 1997 og “Þrumu” sem er þýskur strýhærður bendir fædd júlí 2001.
Hún Elding er fullþjálfuð sem sækir, hún er mjög hlýðinn. Ég verð að segja það að ég sé eftir því að hafa ekki fengið mér hreinræktaða labrador tík þegar ég fékk mér hana. Þá hefði ég verið að taka þátt í sæki-keppnum hrfi. Og átt í dag tík sem væri vel metin sem sækir. Og eflaust lært heilmikið á því að umgangast menn og hunda í sækiprófum.

Það eru enginn takmörk á því hvað er hægt að kenna hundum. T.d kann hún Elding “vinstri, hægri, áfram, sækja, setjast, leggjast , leggjast á hlið, velta sér, finna bílinn, þekkir nöfnin okkar, sitja fín, hrista sig” og eitthvað fleira.
Þetta er í sjálfum sér lítið sem ekkert merkilegt. Nema að ég kenndi henni þetta allt án þess að nota ól og án þess að setja hana í ákveðnar stellingar með höndunum.

Labrador hundar eru einstakir hvað varðar að “KAFA” það eru ekki aðrar hundategundir sem geta stært sig af því. Ég kenndi hundi(Prins) sem ég átti fyrir 6 árum að kafa eftir skipun, alveg frábært að sjá þetta.
Við bjuggum í íbúð á annari hæð og í hvert skipti sem að hundurinn kom inn drullugur setti ég hann í sturtubotnin og spúlaði af honum með köldu vatn. Honum fannst þetta gaman sem betur fer.
Svo eitt skiptið var svolítið vatnsyfirborð í sturtubotninum , ca 5 cm og ég henti til hans litlum hundanammis bita og fór hann á kaf í vatn. Hundurinn var fljótur að ná í hann, það var honum náttúrulegt að setja trýnið í kaf , síðan gerði ég þetta smátt og smátt erfiðara. Lét ég hann sækja hluti sem sukku í tjarnir og endaði þetta með því að hann fór á bólakaf , bæði í vatn og sjó í þó nokkur tíma stundum.
Það er mjög gott að hafa tvo hunda þegar verið er að kenna hundum, en þá verður annar hundurinn að vera vel þjálfaður. Hundar virka hvetjandi hver á annan.
Þú átt að geta kennt hundinum þínum hvað sem er.
Bara að byrja rólega með því að kenna honum orð yfir það sem hann er að gera. Síðan er hægt að gera æfingarnar erfiðari með tímanum.

Með alla veiðihunda er mjög nauðsynlegt að kenna þeim að setjast við skothvell. Þetta er atriði sem taka ber alvarlega. Þú vilt ekki að hundurinn hlaupi þegar þú skýtur úr byssunni þinni, t.d þegar að þú kemur að rjúpnahóp og þær fljúga upp og þú skýtur á þær og kannski tvær rjúpur detta, eins og reyndar skyttur vita eru oft rjúpur sem sitja eftir þegar hópurinn flýgur upp, og við viljum ekki að hundurinn reki þær upp fyrir okkur nema að hann sé beðinn um það sérstaklega.

Jæja þetta er nóg í bili……..

Kveðja Wirehai

Sælir,
Ég er með svartan labrador hund sem að er einn besti hundur sem ég hef kynnst og hef þekkt þá nokkuð marga, hann er einmitt mjög viljugur að kafa og sækja og nota ég hann eiginlega eingöngu til þess hef ekkert verið að láta hann pointa, hann er mjög áhugasamur og hlýðinn td alltaf þegar við erum í gæs felur hann sig með mér og er þjálaður þannig að ef hann heyrir gæsagarg felur hann sig eða leggst niður ef hann er á opnu svæði.
Hann er einnig mjög sterkur og til marks um það má nefna að hann dró 240kg útsel yfir 150 metra í útflæði enda einsog ég segi hann er mjög sterkur.
Ég vil ekki meina það að hundar séu verri en tíkur það er bara mjög einstaklingsbundið hvað eðlishvötin til að hætta að hlýða og fara að fylgja eðlishvötinni er sterk.TD veit ég um enga tík sem ekki þarf að loka inni þegar hún lóðar því þær yfirleitt strjúka ef þær ná ekki að laða að hund fljótlega.
Hvað þjálfun viðvíkur þá er ég mjög fylgjandi þeirri stefnu að vera góður en samt fastur á því að hann hlíði samt ekki þannig að hundurinn verði kúgaður eða lúpinn, það er ekki auðvelt verk að þjálfa hund því all flestir hafa þeir eitthvað sem maður er ekki alveg sáttur við, en með alúð og þolinmæði má kenna hundum flest allt og það vel því ef þú gerir það áhugavert þá hjálpa þeir til við að gera þetta skemmtilegt.
Nú fer ég að fá mér nýjann hund og vona að hann eigi eftir að verða jafn góður og hlíðinn og sá sem ég er með fyrir en hann er að verða 12 ára og því búinn að vinna sér inn hvíld það sem eftir er nema svoan bara létt til að halda honum ánægðum.

Með von um heppni í veiði og þjálfun CrazyGuy