Þetta er eitt það skemmtilegasta sem ég geri, að veiða á flugu! Hef nú ekki farið mikið, aðallega í silungaveiði! er ekki með eins svakalega bakteríu og pabbi og bróðir minn, með búnað uppá eikkera 100þús kall! Mæli eindregið með þessu allavega!

Já, þú hefur sum sé hug á að fara að kanna undraheim fluguveiðinnar. Ég hef stundað þessa veiði í um 5 ár, í upphafi fylgdist ég skeptískur með félaga mínum kastandi og hugsaði með mér að þetta væri varla skemmtilegt.. Svo prófaði ég og nú er ég forfallinn.
En þetta sport er yfirleitt talið í dýrari kantinum en það þarf þó alls ekki að vera það. Ég sjálfur er sárfátækur námsmaður en get þó stundað fluguveiði eins mikið og ég vill. Það fyrsta sem þarf er að koma sér upp lágmarks útbúnaði; stöng og hjóli með línu og svo eina flugu og þú getur byrjað.. En einnig er gott að fá sér vöðlur og svo er hægt að hlaða á sig endalaust af misþörfum búnaði en það fer bara eftir smekk hvers og eins. Hægt er að leigja útbúnaðinn hjá Lax-á held ég ef þú ert ekki 100% viss á þessu, ef þig langar bara að prófa..:) En annars eru stangirnar og hjólin á víðu verðbili og hægt að kaupa mjög góðar byrjenda græjur á undir 20.000 kr.
Jæja, segjum sem svo að þú sért búin að græja þig upp (eða leigja) og þá er það spurningin hvert skal halda til að prufa þetta allt saman.. Þú gætir náttúrulega keypt þér leyfi í Laxá í Ásum og reynt að lenda á sömu viku og Eric Clapton en síðan geturu líka prófað vötnin hér í kringum höfuðborgarsvæðið. Elliðavatn og Vífilstaðavatn eru bæði mjög vel sótt af fluguveiðimönnum og veiðileyfin kosta um 1000 kr (þ.e.a.s. ef maður nennir að borga þau…) og þar er ágætis veiðivon. Aftur á móti er líka hægt að renna upp á þingvallavatn og veiða þar, persónulega finnst mér það langskemmtilegasta vatnið og stunda ég það talsvert, veiðileyfið kostar um 1000 kr. En síðan þegar þú ert fallin fyrir veiðigyðjunni þá er mjög gott að ganga í SVFR og þá er hægt að veiða frítt í elliðavatni og þingvallavatni.

En já, ég vona að þetta hafi svarað einhverju og þú sért örlítið nær um þessi mál. Annars mæli ég eindregið með þessu sporti, fátt betra en að veiða sér svona rétt á grillið. Svo er þetta líka fínasta útivist, sérstaklega þegar maður er farinn að labba upp og niður með ánum. Að lokum ráðlegg ég þér að snúa þér bara að næstu veiðibúð og þar verður vel tekið á móti þér.