Ég ætla ekki að byrja á rifrildi en hér eru nokkur atriði sem ber að minnast…

Málin standa þannig að fólk telur Arnorg ekki sem hæfan stjórnanda því hann er þekktur fyrir dónaskap og eru það margir hugarar sem eru orðnir þreyttir á því eða þeir hafa orðið fyrir barðinu á honum.

Það var Cazper sem setti þessa könnun(veit ekki af hverju) en það má nefna það að hann er einn stjórnenda áhugamálsins.

Iss, miðað við öll skítköstin hans finnst mér að hann ætti að miss hugaréttindin.

Og ég stend við það!

Fín grein hjá þér SBS og takk fyrir þitt innlegg á þessum örlagatímum. Arnór G. hefur unnið með framúrskarandi árangri að þessu áhugamáli. Á milli þess sem að hann finnur sig knúinn til að kalla þá sem að vita minna en hann misskemmtilegum nöfnum gefur hann greinagóð svör. Fyrir mitt leyti vill ég ekki missa af þessum unga og metnaðargjarna manni sem að er yfirleitt fyrstur til að koma með lausn á því sem að fólk er að fást við. Hinsvegar þurfa þeir sem að bera ‘admin’ titil að setja til hliðar persónulegar skoðanir sínar á þeim er sækja þetta áhugamál og það er mikilvægt að þeir sem að úthluta ‘admin’ réttindum geri grein fyrir því hvað það þýðir að bera og starfa undir þessum titli. Ég tek einungis afstöðu til þess hvort það eigi að taka ‘admin’ réttindin af arnorg og merki við ‘nei’.

Góðar stundir.

Promazin hefur gert grein fyrir atkvæði sínu.

Það er nú alveg merkilegt að sjá hvað þessi ungi maður á auðvelt með að koma sér í vandræði.

Við á Vélbúnaði þekkjum þetta vel.
Það er ekki langt síðan hann fór hamförum þar.

Það er sniðugt að sjá hvernig menn skiptast í fylkingar um þennan dreng, með eða á móti.
Menn eiga samt ekki að vera með dónaskap, adminar eða aðrir. Þá finnst mér persónulega að adminar eiga að veita “kurteisisleg og málefnleg” svör, eins og honum reyndar finnst sjálfum(fannst e-n tímann allavega).

Þið sem að finnst framkoma hans vera til fyrirmyndar eða allavega í lagi þá eruð þið á öndverðum meiði en stjórnendur Huga.is.

Ég fór og vótaði “já”
Hann mætti alveg tímabundið missa admin réttindi hér eins og á Vélbúnaði en þau voru tekin af honum þegar efni sem eftir hann lá var skoðað.

Það er ekki varlegt að áætla að það verður óskemmtilegt að taka þátt í korkum hér á Huga.is þegar adminar koma fram með þeim hætti sem hann gerir. Þá fer einfaldlega að halla undan málefnalegri umræðu.

Ég bara skil ekki hvað þurfi til svo hann læri samhengið á milli framkomu sinnar og hvernig aðrir koma fram við hann.
Ég er ekkert persónulega á móti honum en bara svona fyrir hann sjálfan, bara svona nesti fyrir lífið þá ætti hann kannski að fara að hugsa sinn gang.

Sér grefur gröf…

Ég skrifaði inn grein í gær um Arnórg og vefsíðustuld hans, síðan þegar ég kíki aftur á þessar umræður í dag þá er greinin horfin. Ég var að commenta um það að Arnór hafi verið að setja út á annara manna síður með kjafti og látum, þegar að heimasíðan hans er ekkert nema 100% þjófnaður. Mig grunar að Arnórg hafi hent greininni út, því að þegar kemur að hans málefnum þá ríkir ekki málfrelsi, ég nenni nú ekki að skrifa alla greinina aftur og vísa því í grein mína um vefsíðustuld Arnórs á http://www.fannar.net Síðan er bara að sjá hvort að greininni verði hent út aftur.

ps.
Arnór, ef þú hentir greininni út, vertu þá ekki svona súr yfir því að upp hafi komist um þennan stórþjófnað þinn.

Ég vil byrja á því að segja að ég met skoðun þína, enda ekki til háborinnar skammar eins og yfirgangurinn í ArnorG í umræddum svörum við grein Fragmans.

Eins og einstaka menn hérna vita nú þegar, er ég forritari í Huga og bjó til Korkinn eins og hann leggur sig. Ég hef verið með í verkefninu frá upphafi, áður en einn einasti stafur af kóða var ritaður. Ég er ekki að þykjast hafa eitthvað meiri völd en þið hin, heldur eingöngu að sýna fram á svo að ekki verður um villst, að ég veit hvað ég er að tala um.

Og núna skal ég þrífa burt allan misskilning sem menn gætu hafa tileinkað sér hér á Huga hvað varðar hluti eins og þá sem ArnorG hefur leyft sér að rita.

Og hér kemur það.

*** BRYJUN ÓVÉFENGJANLEIKANS ***

Menn hafa ekki “rétt” á því að segja nákvæmlega það sem þeim sýnist hérna.

*** ENDIR ÓVÉFENGJANLEIKANS ***

Samræður og skoðanir eru vel metnar. Hreint skítkast *er það ekki*, og mun mjög ólíklega nokkurn tíma verða. Þetta snýst ekki um þetta líka “æðislega” og heilaga “málfrelsi” sem Kaninn talar um, heldur eingöngu og algerlega um það hvað Hugi.is leyfir. Ef Hugi vill kasta honum út fyrir það að vera með ljótt nick, þá gerir Hugi nákvæmlega það. Hugi er hinsvegar ekki fyrirbæri sem er ósanngjarnt í þessum efnum. Ef Hugi gerði bara nákvæmlega það sem honum sýndist, yrði lítið um aðsókn, eins og óþarfi er að taka fram.

ArnorG leyfði sér algerlega óviðunandi hrottaskap og kjaft, og er ekkert hægt að verja orð mannsins með því að kalla á málfrelsi eða segja að það sé réttur hans að segja skoðun sína nákvæmlega eins og honum sýnist, vegna þess að svo er einfaldlega ekki, hefur aldrei verið, og ég veit ekki til þess að það sé þannig á neinum heldri upplýsingamiðlum landsins (sem betur fer).

Menn mega segja sínar skoðanir, ef þeir geta gert það á siðmenntaðan hátt. Ég sé ekki hvaða frelsi það á að vera, að leyfa mönnum að segja hluti sem *geta ekki mögulega* túlkast sem annað en hreint skítkast. Hverslags frelsi er það? Menn hafa rakkað niður hluti alveg í ræsið (meðal annars ég sjálfur í sumum efnum), sem er bara hollt fyrir umræðuna, en þetta sem ArnorG var með, var eingöngu skítkast, og algerlega óverjandi.

Og eins og ‘enn’ benti réttilega á, sem forstöðumaður Huga, er ArnorG ekkert ómissandi á Huga. Hann er stjórnandi áhugamálsins, og hefur hann hlotið þann titil vegna þess að hann hefur sýnt duglegheit sem hafa sýnt sig í stigum. Staða hans leyfir honum hinsvegar ekki að haga sér nákvæmlega eins og honum sýnist.

Og fyrst þú minnist á Davíð Oddsson, þá er það nákvæmlega sama sagan með hann. Hann getur ekki leyft sér að segja hvað sem er, bara vegna þess að hann er í sinni stöðu. Þess heldur ber honum sú skylda að vanda sig enn betur við málfar sitt og skoðanir, vegna þess að á hann er komin ábyrgð. Sama saga gildir um ArnorG.

Og það er enginn að véfengja það að ArnorG sé góður stjórnandi áhugamálsins. Það kemur umræðunni ekki við, heldur eingöngu skítkast hans í garð Fragmans.

Ég vona að þetta ljúki umræðunni… þó að ég reyndar efast um að svo verði ef ég þekki Huga rétt. ;)

Ég verð bara að segja að þið sjáið líka það að það könnunin var samþykkt að tja gæti hafa verið Arnorg svo hann að mínu matti er alveg hæfur stjórnani og mér myndi finast það vera heimska að taka af honum réttindin þegar hann gerir allt rétt sem Admin og því ætti fólk ekki að vera að taka af honum réttindinn því hann fór að segja sína skoðun á grein sem hann samþykkti.


PS:ég geri mér grein fyrir því að ég er að segja það sama og greinin að mörgu leiti.