Ég leyfi mér að efast um að grafískar auglýsingar séu lausn - sama hvernig þær eru framsettar. Ég býst frekar við að sjá fleiri áskriftarsíður, með einhverju grunncontenti og svo áskriftardóti fyrir þá sem tíma því. Svo er önnur spurning - nú lítum við á frítt content sem sjálfsagt mál - verður HÆGT að venja fólk á að borga fyrir greinar á internetinu?

www

guð bjargi mér frá 640*480 stórri auglýsingu :)

Ég er allveg hlintur þessu, fyrir utan hljóðið, ætti að banna að hafa hljóð í svona auglýsingum.

Eins og þú værir að horfa á sjónvarpið og svo kæmi auglýsing í eina og hálfa mínutu sem væri bara átíðini bíp.

s.s. breytingin, ekkert hljóð -> hljóð -> hávaði

Flash er aldrei létt í keyrslu, á CNET eru t.d. auglýsingar á fréttasíðunum, þú sérð það þegar þú scrollar (í t.d. IE) að scrollið höktir allan tímann sem að Flash-auglýsingin er á skjánum.

Um leið og þú ert búinn að scrolla FLASH dótið út af skjánum, þá verður allt mun meira smooth.

Sæll

Ég ætla að vera sammála þér í þessu… Þessar litlu gera varla sitt gagn núna, hvað þá í framtíðinni? Ég mæli með að menn fari að stækka auglýsingapláss sitt til muna, þar sem menn vilja alltaf fá stærra, meiri og flottari auglýsingar og meiri líkur á að fyrirtæki fjárfesti í svoleiðis plássi frekar en einhverjum 150x120 banner sem varla sála tekur til greina.

Það verður nú líka að athuga það, þegar fólk horfir á sjónvarp þá fer tugi prósenta af tímanum í að horfa á auglýsingar.

Fólk er búið að aðlaga sig að auglýsingum á netinu, þær eru orðnar ósýnilegar. Ég er viss um að þið munið ekkert hvaða auglýsingar eru á forsíðunni á huga.is vefnum.

Það sem er verið að reyna gera með þessum stóru auglýsingum er að láta fólk vita nákvæmlega þetta:

“Vinsamlegast taktu þér tíma til að horfa á eina auglýsingu frá auglýsendum okkar. Því að án þeirra gætir þú ekki nýtt þér okkar ókeypis þjónustu.”

Æj, ég veit ekki.
Núna undanfarið hafa verið auglýsingar frá speglinum á visir.is. Þær eru í flash og gagnvirkar þannig að þær breytast eftir því hvernig þú hreyfir músina. Ég persónulega hreyfi músina mikið þegar ég er að skoða svona fréttasíður með miklu contenti og finnst hreint út sagt ÓÞOLANDI að einhver auglýsing á miðri síðunni fylgi mér.

En það er svo sem bara mín skoðun :)

Ég held að fólk vilji almennt vera laust við allar auglýsingar. Hvort sem þær eru í sjónvarpi, prenti eða á netinu og skiptir þá engu hvað þær eru flottar o.s.frv.

Ég tel mig vita það að ef fólk þyrfti að velja hvort það borgaði nokkra aura á mánuði fyrir áskrift að netsíðu (auglýsingafrí) eða risastórra 3rd generation bannerra þá velur fólkið áskriftina frekar.

Annars er voða erfitt að spá í þetta, vegna þess að fólk er svo fljótt að breyta um afstöðu.

En ég hef allavega komið mínu áliti á framfæri…

kveðja,
Falcon1
Vef og margmiðlunarsérfræðingu

En af hverju ekki bara að losna við allar aug-
lýisiningar?

Þær eru ekkert nema leiðinda vesen.

Er þetta ekki bara rugl? Í fyrirlestri hjá ónefndu fyrirtæki fyrir um 2 árum kom fram að svokallaðar örgreiðslur væru framtíðin hjá svokölluðum vefgáttum. Dæmi um vefgáttir eru hugi.is, visir.is, strik.is osfrv. Síður þar sem mikið efni er til staðar sem á að geta séð manni fyrir afþreyingu, upplýsingum ofl.

Örgreiðslur væru þá td. 10 aurar fyrir hverja sótta grein eða einhverjar sekúndur inná viðkomandi síðu. Þar væri borgað fyrir magnið sem sótt væri, viðkomandi yrði ekki fyrir auglýsingaáreiti og markmið vefgáttar væri að halda gestum sem lengst á síðu sinni - eða amk. að bjóða upp á sem mest af áhugaverðu efni sem þá væri rukkað fyrir.

Örgreiðslur væri hægt að greiða td. með kreditkorti eða einhverjum rafrænum kortum að heiman. Þetta er samt allt á pælingastiginum síðast þegar ég vissi. Allavega er alveg ljóst að pop-up gluggar, risastórir auglýsingagluggar með eða án hljóðs, léttir eða þungir í upphleðslu, er ekki framtíðin!

Við lifum á bernskuárum Internetsins þar sem meira er ókeypis en okkur finnst ef til vill “réttlátt”. Af hverju get ég lesið greinar á strik.is fyrir 0 kr. sem aftur voru keyptar af höfundum þeirra? Af því einhver banner sem við ósjálfrátt hættum að taka eftir blikkar á skjánum og bíður þess að láta smella á sig? Það getur hver heilvita maður séð að þetta er rugl. Sá dagur mun renna að svona hlutir verða ekki ókeypis og að auglýsingaskilti verða ekki fjáröflunarleið vefsíðna (vefgátta).

Er þetta óskiljanlegt hjá mér? Ég er viss um að ég fái þá að vita af því!

JA…. Einhver sagði.

Ein mynd er eins og þúsund orð.
hvað þá um þúsund myndir.

framför er framtiðin.