Gaman að sjá skemmtilega umræðu. Hins vegar held ég að Flash vs. rest-of-the-world sé aðeins of mikil einföldun. Það er margt til í því að þeir sem heillist af Flash festist þar og nái þar með ekki að auka kunnáttu sína í vefsíðugerð sem skyldi, en ég tel það afar mikla einföldun að segja þá komna styst í vefsíðugerð.

Ég held einfaldlega að Flash og hefðbundin vefsíðugerð eigi einmitt miklu frekar að vinna betur saman, þ.e. að fólk eigi ekki að festa sig í því að gera svokallaða “Flash-vefi” sem eru þá ekkert annað en ein .swf skrá “fullscreen” þar sem allt gerist. Ef við fylgjumst aðeins betur með þróuninni þá er Macromedia að vinna að því í samvinnu við vefsamfélagið að gera staðla um Flash-bannera til að auka við flóruna á vefnum svo við sitjum ekki alltaf uppi með eintóma “animated gif” fæla - sem ég held að flestir telja vera orðna aðeins þreytta … ? - og ég held við getum viðurkennt að möguleikarnir þar séu óþrjótandi.

Varðandi umræðuna um Flash og gagnagrunnstengingar eða jafnvel forritun sem slíka - og þá helst vefforritun -, þá held ég að nú sé einmitt spennandi tími fyrir höndum. Skriftin í Flash er gríðarlega öflugt tæki og stundum jaðrar við að mann langi að segja að skriftin í Flash sé jafnöflug og Lingo í Director. Skriftin í Flash byggir á ECMA-262 sem er staðalútgáfa á Javascript sem gengur hvort heldur á Netscape og IE (ath. www.ecma.ch). Og til að verða góður Flashforritari krefst töluverðrar forritunarkunnáttu. Þetta þekkja vefforritarar.

Annað atriði sem vert væri að nefna, en það er varðandi gagnagrunna. Í dag er vel hægt að tengja Flash-myndir (Flash-vefi) við gagnagrunna, það styður bæði asp og php - vandinn er hins vegar sá (að ég hef heyrt - ekki sem svo að ég hafi reynt þetta) að þegar fjöldi fyrirspurna ofan í grunninn er víst eitthvað takmarkaður - enn sem komið er - og því ekki víst hvort þessi lausn henti hverjum sem er.

Hins vegar er hægt að keyra Flash ofan á Generator sem tengir Flash beint ofan í ColdFusion gagnagrunn, og þetta þrennt er nú að renna saman í eitt viðmót. (Fyrir þá sem ekki þekkja þá var ColdFusion framleitt af allaire (www.allaire.com) sem síðan sameinaðist Macromedia (framleiðanda Flash, DreamWeaver o.fl.) og er nú unnið að því að gagnagrunnstengja Flash viðmót með þessari öflugu leið. ColdFusion gagnagrunnar eiga - að mér skilst - næststærsta markaðshlutdeild í gagnagrunnum á eftir asp frá Microsoft (líklegast miðað við USA).)

Þessi umræða finnst mér því um margt skemmtilegt og það væri gaman að sjá fleiri hliðar og sjónarmið. Hins vegar tel ég spennandi tíma framundan og engan veginn svo á veg komið að hægt væri einfaldlega að afskrifa einhverja tækni sem úrelda. Flash hefur einfaldlega verið vægast sagt stutt á markaðnum og er enn að sanna sig. Þótt einhver bóla hafi skotið upp kollinum hjá vefsamfélaginu undanfarin ár, þá á enn eftir að sannfæra markaðinn; - og það er okkar hlutverk!

Ég tel Flash ekki vera lausnina á öllum hlutum, en Flash getur bætt viðmótið á vefnum og gefið hönnuðum OG forriturum þarna tækifæri til að láta ljós sitt skína. Flash vefir þurfa heldur ekki að vera allir gerðir í Flash, það er hægt að nýta það með. Það að senda breytur milli Flash-myndar og síðunnar er auk þess lítið mál - möguleikarnir eru bara takmarkaðir af ímyndunaraflinu… (og e.t.v. kunnáttunni :)

Það er bara að hanna vef sem hæfir kúnnanum hverju sinni, ekki selja honum Flash vef ef hann vill hann ekki, en á hinn bóginn, bentu honum á möguleikana ef þeir henta honum!

cheers!

hms

Það er að vísu hægt að brjóta Flash myndir vel upp og gera þær hraðvirkari í hleðslu, það eru bara ekkert of margir sem notfæra sér það - eða kunna það ?

cheers!

hms

Ask: Þú ert ferlega gott lyklaborð (sbr. góður penni). Tala nú ekki um af 17 ára stubbi að vera. Ég hef lítið við svarið þitt að bæta öðru en þessu.

Flottasta flash síðan sem ég hef séð, og þá meina ég LANG flottasta, því ég hef ekki verið mjög hrifnæmur á flash síður nýlega, er http://studio.go.com/movies/obrother/flash/index.html (O brother, where art thou) Mig minnir að einhver frónskur hafi komið að þessum vef. Þetta er frábær hugmynd, smekkleg útfærsla og notagildi flash nýtt 100%.

Ég skora á alla flash menn að geyma nú síðurnar sína (sérstaklega þessar fyrstu). Þær verða skemmtilegur safngripur í framtíðinni, því flestir muna trúlega eftir því þegar þeir sáu fyrsta flashið sitt. Það gæddi vefinn nýju lífi. Það fór svolítið út úr hófi eins og gengur og gerist með nýja hluti en er núna á góðri leið með að ná þroska og falla betur inn í heildarmynd netsins. Fyrstu síðurnar eru strax orðnar klassíkar.

Ef asp, php og öll þessi tól til að gera dýnamískar síður hefðu ekki komið til með svona góðum árangri væri flash hugsanlega í betri stöðu í dag.

Varðandi DHTML þá verður það trúlega líka til í framtíðinni. Það er bara svo djöfull sniðugt þegar það virkar. Það verður því alltaf flóknara og flóknara að búa til góðan vef því það bætast bara við möguleikarnir og compónentarnir. Vefsmíði verður í framtíðinni trúlega miklu meira samstarfsverkefni en hún er í dag.

Vil samt benda á að enn er verið að gera síður sem hefðu þótt slæmar fyrir 4 árum síðan. Ég sá í mogganum að það var verið að opna www.west.is með hátíðlegri viðhöfn í gær. Skoðið hana.

kv.
Senninha

Flash eitt og sér er alveg ágætt tól, ég hef notað það til að gera allt frá sjónvarpsauglýsingum, margmiðlunardiskum(með smá Generator hjálp:) upp í VefBannera.
En flash er bara verkfæri, alveg eins og jpeg þjöppun eða hvað sem er. Auðvitað er hægt að gera risastóra gagnagrunnstengda vefi í flash, hvort sem það er með Generator eða með því að lesa inn XML á “runtime”.
En á því eru bæði góðar og slæmar hliðar sem ég ætla að telja upp hér.
- Bookmarks í flash virka ekki. :(
- Flash er með hljóði, bæði gott og vont, bara spurning um hvernig það er notað. :) :(
- Flash flæðir(e. stream), sem er sniiild, F. síður þar sem maður þarf að bíða lengi, eru bara ekki góðar flash síður, með því að brjóta hana rétt upp í einingar er hægt að flæða henni. :)
- Flash byggir á Vector = minni skrárstærðir = gott :)
- Flash er cross-platform, fyrir utan þá staðreynd að mac-playerinn sé soldið hægur.
- Flash er allstaðar, eða allavega næstum því útum allt. :)
- Fólk freistast til að reyna að finna upp nýjar leiðir á einfalda og þaulreynda hluti, s.s. scroll. :(

Allavega, þetta er bara hluti af listanum sem hægt væri að búa til.. vonast til að sjá fleiri punkta frá ykkur.

magnusson.is