Ágætu UT-spilarar. Hér með kunngjörist að ég undirritaður er kominn með bakkafylli í lækinn minn sem ég spræni yfir ykkur hér með. Á síðustu vikum hef ég gert mitt til að miðla boðskap ágætra radda sem stjórnað hafa huga mínum og gjöra svo enn sem komið er. Hygg ég að þeirri staðreynd að tímabært sé að miðla þeirra boðskap til yðar. Í kjölfar umræðu á korkinum um hvort window dropping sé leyft eður ei heyrist mér á múgnum að slíkt ku vera liðið í UT laddernum og sé til þess að hressa uppá leikinn UT. Þessu verð ég að spýta aftur til andskotans þaðan sem þessi hugmynd kemur. Ef vér leifum window dropping erum vér að breyta einu grundvallarelementi í Unreal. Windowsdropping er ekki partur af leiknum fyrir mér, heldur mun slíkt breyta gildi og spilamennsku í UT þannig að clönin breyta algjörlega sinni taktík í leiknum. Og mælti þá ágætur Svenni eitt sinn, window dropping verður liðið á UT-laddernum, liðin ættu þá bara að forðast þau borð sem window dropping eru möguleg. Þetta þykir mér ekki ágætum til góða. Það leynist nefninlega lítill prakkari með angórukanínunum. Ef eitt clan kýs að koma sér upp ladderinn geta þeir sem áskorendur tileinkað sér 2 borð til að mynda “Burning” og “McSwartzly” og æft þau borð með því heilaga markmiði að window-droppa aðeins. Jafnvel þótt áskorað teymi sjái hag í því að velja eitthvað borð sem “takmarkar” window dropping (þar sem slíkt er hægt að stunda á 1000 vegu og á flestum borðunum) erum við þó að bjóða í byrginn á skrattanum. Því miður er hann ekki málaður á vegg, hitt þó gjörla að hann hangi með þeim Ladder bræðrum og skemmti þeim. Því leggst ég algerlega á móti þessari vanhugsuðu tillögu um að slíkum verknaði sé gert hátt undir höfði. Nú skal ég svo leifa skrattanum að tala að sinni og merja kunn nöfn hér á korki vel:
Balli skrifaði hér ágætis grein um hið óþolandi athæfi að flodda skilaboðaskjóðuna í Unreal með mismunandi og leiðandi skilaboðum. Þörf áminning til nokkurra spilara sem sjá hag sínum betur borgið í rifrildi en aðgerðum. Nú minnir mig að ég hafi ritað um slíkt athæfi áður og minnist þá svars frá ungum herramanni að nafni Radience eða eitthvað ámóta absúrd gælunafns. Hann kom með þá skemmtilegu lausn á þessu máli, að einfaldlega lesa ekki þessi skilaboð. Þvílík opinberun á snilld hef ég aldrei lesið. Nú hefur mannvitsbrekkan hann Radiance ákveðið að tjá sig ekki við Balla og ljóstra þessari snilld aftur. Hví ekki spyr ég? Hef ég trú á því að Balli sé nú heldur stærra nafn en ég í UT heiminum en undirritaður. En endilega Radiance þar sem þú hefur svörin við lífsgátunni á hreinu, ætti ekki að vera erfitt fyrir snillingin sem þú jú ert að svara láttu þau fljóta fram eins og vitsmunaorð úr einskynsmannslandi. En ennþá lýðst þetta athæfi á skjálfta og er flestum til ama. Því áminni ég ykkur félagar um að haga ykkur. Lausnir sem Radiance lumar á, duga jú heldur skammt. Nú fékk ég heldur betur uppljóstrun aftur frá manni að nafni Tyrael. Hann er nokkuð naskur á Íslenskuna og kýs að láta mig heyra það óspart. Því miður ómálefnalegt en verðskuldar þó smá pistil. Til að svara þessum hripleka hrímþurs kemur hér smá andsvar við þessu! Þið hinir sem engan áhuga hafið á Íslenskuumræðu getið sleppt þessum pistli. “Og hefst þá lesturinn.” eitthvað hrip fylgdi en endurtek ég það ekki. Nú snillingurinn var ekki lengi að átta sig á því að hann var löngu byrjaður að lesa. Hvílík mannvitsbrekka sem þar er á ferðinni. “Og hefst þá lesturinn” er sagnorð herra ágætur. Þegar ég rita sagnorð í 1. persónu getur þú ekki leyft þér að túlka slíkt sem 3. persónu ábendingu. Ég nota eigi fúkyrðaflauminn sem þú notar en þarna er á ferðinni rangtúlkun og slíkt er mikil synd. Annars skaltu anda rólega áður en þú hripar svar sem endilega þarf ekki að vera reyst á rökum. Ábending númer 2 var þörf og engan skal undra það. Ég tek þessari ábendingu og fer með 20 maríubænir vegna skyssu minnar og eina fyrir sál þinni sem jú er með einn útlim hjá skrattanum. Heill þér Czar… fróðleiksbrunni oss." Vorum vorum blablaba, já heldur betur helduru nú að þú sért snjall. Iss, WuTangThis kann ekki að fallbeygja þegar hann þérar. Ef ég kýs að skrifa eina grein og þéra verð ég að þéra alla greinina það er lögmálið sem viðurkennt er með þérun. Ef ég nota bæði þú-un og þér-un skiptir litlu máli þótt ég fallbeygi þetta eftir mínum forsendum. En þú sem snillingur, notast við þetta sem tilvitnun (það er TILVITNUM hálfvitinn þinn) til að sýna snilli þína sem riðar á grunni heimskuláta og asnalegheita, ég áminni þig vegna ábendingar sem er fáranleg að öllu leyti og stenst ekki lögmál íslenskunnar. Þar sem ég er að brjóta þér-unarformið allan tímann. En þú ætlar að kenna mér þér-un. Viltu ekki skella þér á atferlisnámskeið fyrst og rifja síðan upp reglur íslenskunnar? Restin af greininni er leiðindi og ekki svaraverð, enda hygg ég að þú lumir ekki á neinu nýju í minn fróðleiksbrunn. Haltu þig nú á mottunni og mæltu orð við móður þína áður en þú ritar aftur.

Allaveganna það sem ég ætlaði að segja var það… að ég undirritaður er hér með hættur í Unreal Tournament yfir höfuð og afskipti mín af ykkur er lokið. Bið ég ykkur vel að lifa.

{DF}WuTangThis
blóm & kransar vinsamlegast afþakkaði