Ég horfði reyndar aldrei á ensku teiknimyndirnar þegar ég var yngri…

Það er mikilvægara að yngstu börnin læri móðurmál sitt vel áður en þau fara að læra önnur mál. Það er talið hægja á málþroska barna á máltökuskeiði ef þau læra fleiri en eitt mál samtímis. Þegar barnið hefur lært grundvallaratriði móðurmálsins (örfárra ára)þá getur það léttilega eins og þú segir lært önnur tungumál án fyrirhafnar. Ég er því á þeirri skoðun að á meðan barn býr á Íslandi og þarf ekki að læra annað tungumál (eins og ef það byggi í öðru landi) sé réttast að leyfa því að heyra íslenskuna fyrstu árin og talsetja því frekar sjónvarpsefni. Ég vil aftur taka fram að ég er að tala um lang yngsta aldurshópinn. Fyrir krakka á grunnskólaaldri er bara fínt að hafa texta.

Þar sem 90% sjónvarpsefnis er á erlendri tungu væri það slæmt fyrir íslenskuna. Fyrir utan það að þetta er örugglega bölvuð della, ég lærði góða ensku af imbanum þrátt fyrir texta og sé ekki hverju hann breytir.

Mér finnst allt í lagi með að teiknimyndir fyrir börn (0 - 6/7 ára) séu talsettar enda ólst ég upp við það þannig.
En hins vegar er ég alfarið á móti því að “fullorðins” teiknimyndir séu talsettar, sbr. það sem á að gera við Simpsons myndina, þar sem að ég (og pottþétt margir fleiri) hef alist upp við það að horfa á Simpsons á ensku með íslenskum texta frá fjögurra ára aldri, mikinn hluta þess enska orðaforða sem ég kann hef ég fengið úr þessum þáttum og mér finnst það bara fáránlegt að fara að byrja á þvi að talsetja þá núna.
Og fyrir rökin “En hvað með litla krakka sem eru aðdáendur þáttanna en kunna ekki að lesa og skilja ekki ensku” er mitt svar: Af hverju ættu litlu börnin í dag að vera eitthvað vanhæfari til þess að horfa á þessa þætti á ensku en litlu börnin fyrir 15+ árum?

Og svo er ég líka á móti talsetningu leikinna mynda/þátta einfaldlega vegna þess að þegar varahreyfingarnar og hljóðið passa ekki saman þá verður það bara ljótt.

En allavega þá er ég alveg sammála þér um að börn ættu að læra sem mest af tungumálum á meðan þau eru hæf til þess og teiknimyndir/sjónvarpsefni er tilvalinn miðill til þess. En það má samt ekki koma niður á móðurmálinu.

Ég horfði mjög mikið á Sleeping Beauty & Aristocats þegar ég var yngri og um 9 ára var ég komin með smá skilning á ensku og held bara að ég sé nokkuð vel stödd í henni. Eins og reyndar þeim tungumálum sem ég er að læra.

Ég veit ekki um að hætta að talsetja, frekar kannski byrja að kenna smá ensku/dönsku í fyrstu bekkjunum.
Ég á bróður sem er að verða 6 ára og í leikskólanum lærðu þau eitthvað af ensku + að Dóra & Klossi teiknimyndirnar hjálpuðu honum aðeins.

Ég segi samt nei við að hætta að talsetja. Mér finnst það í góðu lagi.