zedlic fyrir 22 árum, 1 mánuði Fjöldi lestra: 435

Boycott á tölvuleiki vikuna 1.-8. desember...

Sælir félagar,

ég vildi bara benda ykkur á að vikuna 1. - 8. desember er planað um víðan heim að “boycotta” allar tölvuleikjaverslanir, þ.e. ekki kaupa neina tölvuleiki þá viku. Þetta er gert til að mótmæla ótrúlega háu verði á tölvuleikjum og er vonast til þess að framleiðendur átti sig á að til lengri tíma litið græða þeir meira á því að selja fleirum ódýrari leiki en örfáum rándýra leiki.

Ég gæti copy/peistað eitthvað meira um þetta hérna en ég vil leyfa þeim sem hafa áhuga á að reyna að lækka tölvuleikjaverð að fá upplýsingarnar beint frá þeim sem standa fyrir þessu.
Allar upplýsingar og mjög sannfærandi röksemdafærslu er að finna á <a href="http://www.fairplay-campaign.co.uk/">Fairplay Campaign síðunni</a>

Zedlic

Shamaroth fyrir 22 árum, 1 mánuði

Djöfuls rugl. Fairplay upplýsingarnar eru hreinlega rangar. Meirihluti allra leikja sem eru gefnir út skila ekki hagnaði í kassann, og kostnaður fyrir 2-3 ára hönnunartíma af 20-30 manna fyrirtæki, plús tölvukostnaður etc. er rosalegur.

Leikir eins og Half-Life, NWN og C&C eru leikir sem græða rosalega. En hvað um leiki eins og Startopia, Outcast eða jafnvel örgu snilldina Fallout 2? Þetta eru leikir sem seldu ALLTOF illa. Já, líka Fallout 2. Appeal, sem framleiddi Outcast, fór á hausinn. Mucky Foot, sem framleiddi Startopia, stendur á barmi gjaldþrots. Og samt voru þessir tveir leikir einhverjir bestu leikir sinnar tegundar. Startopia seldi um 150.000! Það er langt undir framleiðslukostnaði! Outcast rétt skreið yfir framleiðslukostnað, en það var ekki nóg til að halda áfram.

Markaðurinn er lítill, og er það ekki vegna kostnaðar leikjanna. Nei, fólk bara sér ekki ástæðu til að prófa þetta “rugl”. Fyrir lang flestum er þetta sorglegt áhugamál unglingsdrengja, tímasóun og vitleysisgangur. The Sims seldi grimmt, og er söluhæsti leikur allra tíma, enda var hann miðaður á venjulega fólkið með auglýsingum á MTV og spilun sem höfðaði meira til kvenna. Það er svarið að því að fá fleiri til að spila, ekki að lækka verðið og fara á hausinn. Því að það er það sem myndi gerast. Færri smáfyrirtæki sem keyra hugmyndavélina, eins og er að gerast í bíómyndaiðnaðinum, en fleiri risafyrirtæki eins og EA sem á öll þróunarfyrirtækin. Og við vitum öll hvað það er hættulegt…

Fyrra álit

Gourry fyrir 22 árum, 1 mánuði

Það væri samt meiri séns að fólk myndi kaupa “fleiri” leiki ef þeir væru ódýrir.

Dæmi: tveir leikir út í búð, A og B, báðir kosta um sig 4000 kall. Strákurinn Albert er með 5000 kall sem hann fékk í afmælisgjöf og ætlar að kaupa sér leik. Honum finnst B freistandi því hann býður upp á action roleplay með ýmisslegum “athyglisverðum” fítusum en leikur A er bara það nýjasta frá Blizzard með brjáluðu netplayi og grafík og ef hann kaupir ekki leik á þá verður hann bara útundan meðan félagar hans spila leikinn á B.Net og Albert er bara einn að leika sér í leik B. Fólk eru það miklar félagsverur að við látum hópþrýsting ráða kaupum okkar. Hann kaupir leik A og notar svo 1000 kallinn til að fá sér Skólafólkar tilboðið hjá Hróa Hetti.

Segjum svo að tölvuleikir hafi lækkað og kosti 50% af áður nefndu verði þeas um 2.000 kall. Núna fer Albert í BT með sinn afmælispening sem lyktar af ömmu sinni og sér leik A sem er “Must-Have” og leik B sem virðist vera bara anski kúl og hann man eftir að hann fékk góða dóma. Þar sem hann á 5.000 kall þá getur hann keypti sér báða leiki og tilboð hjá Hróa Hetti og hann er bara mjög sáttur.

Verðlækkun myndi koma sér illa fyrir Triple A+ fyrirtæki eins og Blizzard og id sem eru að selja massíft fyrir en verðlækkun fyrir lítil fyrirtæki gætu gert þvílíkan mun því mörgu fólki finnst 2.000 kall bara smá pizzupeningur meðan 4.000 kall er djammkvöldarpeningur. Þegar Sinclair Spectrum var og hét, þá kostuðu leikir bara 1.000 kall eða svo og ég keypti næstum því vikulega leik! Ég sérstaklega fer ape shitt á útsölum hjá BT, sem minnir mig á það að ná mér í eintak af Heavy Metal F.A.K.K á eftir.

[------------------------------------]

Fyrra álit

Shamaroth fyrir 22 árum, 1 mánuði

Kostnaður hefur aukist. Rosalega. Þú ert kannski með 20 manns á launaskrá sem brenna um 500þús á mánuði hver, með sköttum. Svo þarftu að halda þessu í tvo-þrjú ár. Þetta er um 240 milljóna velta, bara í launum, á tveim árum. Þetta er kostnaður sem Developerinn ber. Sinclair leikir voru oftast hannaðir af 3-7 mönnum, fyrir minna kaup.

Svo kemur auglýsingakostnaður, en útgefendur taka það á sig. Það er verulegur slatti. En hinsvegar taka þeir LÍKA bróðurpartinn, og oft fá hönnuðir aðeins um 10%. Stundum bara 4% (hæsta sem ég hef heyrt var 25%, og það er algjört undantekningartilvik).

Og þegar leikurinn, t.d. Startopia, selur bara 137.000 eintök, þá þora þeir bara ekki að taka sénsin. Markaðurinn er minni. Þetta gengur ekki bara út á fjárgræðgi útgefenda, þótt hún spili inní.

Fyrra álit

zedlic fyrir 22 árum, 1 mánuði

Þú segir að kostnaðurinn sé alveg rosalegur við að gera leik. En málið er að kostnaður við framleiðslu er bara ekkert inní dæminu, fyrirtækin geta ekki notað það sem ástæðu fyrir háu verði.
Dæmi: Margar tónlistarplötur kosta jafn mikið eða meira í framleiðslu, þær kosta samt sem áður bara 2000 kall. Ertu að segja að allir geisladiskar séu alltaf a.m.k. helmingi ódýrari í framleiðslu en allir tölvuleikir?
Margir geisladiskar kosta mun minna en tölvuleikir í framleiðslu, samt kosta þeir 2000 kall.

Ég fór á Titanic og borgaði 800 kall fyrir, síðan fór ég á The Blair Witch Project og borgaði líka 800 kall fyrir. Ef verð á vörum er í samræmi við framleiðslukostnað, afhverju er þá ekki svona 500% munur á miðaverði þessara tveggja mynda?

Zedlic

Fyrra álit

Shamaroth fyrir 22 árum, 1 mánuði

Zedlic, fast verð er nauðsynlegt, eins og þú bendir á þarna. Hinsvegar er kostnaður jú rétt meiri en í tónlistargeiranum, en það sem mikilvægara er; Markhópurinn er langtum stærri.

Umframbónusar poppstjarna koma frá fáránlegum sölum þeirra. Flestir tölvuleikir ná varla 300. þús eintökum. Half-Life, #2 á lista söluhæsta leikja, var með um 400þús seld eintök, meðan The Sims var með 700þús. Þeir sem voru í kringum #20 sætið voru með 300þús. (Fengið úr nýjasta tölublaði PCGamer UK)

Britney greyið Spears er að selja í milljónatali. Sjáiði muninn?

Fyrra álit

zedlic fyrir 22 árum, 1 mánuði

…en hefuru aldrei velt því fyrir þér að minnkandi sölutölur og bara lítil sala almennt sé ekki einmitt útaf of háu verði?

Ert þú tilbúinn að fullyrða að fólk kaupi ekki leika afþví það eru svo fáir sem spila leiki og ekki afþví þeir eru alltof dýrir?

Zedlic

Fyrra álit

Shamaroth fyrir 22 árum, 1 mánuði

Nei. En ég er að fullyrða að fáir eru tilbúnir til að veðja á að Fairplay hafi rétt fyrir sér. Hættan á gjaldþroti reynist vera frekar sterk rök.

Fyrra álit

DoktorPer fyrir 22 árum, 1 mánuði

Ég hef ekki keypt nýjan leik í meira en ár að því að leikirnir eru bara allt of helvíti dýrir, ég gerði eina undantekningu og það var Neverwinter Nights. Hina leikina kaupi ég bara á útsölum og í Videosafnaranum.

Fyrra álit

wbdaz fyrir 22 árum, 1 mánuði

Ég á mjög gott safn af leikjum, en ekki af því að ég vaði í peningum, heldur afþví að ég nota mér útsölur. Ég næ oft að kaupa nýlega GÓÐA leiki á 1000-2000 kr. T.d. náði ég að fá Ultima IX á 990 3 mánuðum eftir að hann kom út, osfrv. En svo fer þetta líka eftir því hvernig leik er verið að tala um, erum við að tala um PC leiki eða console? Því það eru allt önnur viðskiptamódel í kringum þessar tvær tegundir. Console leikirnir kosta mikið því að fyrirtækið sem framleiðir consoleinn selur hann sjálfan á undirverði en rukkar svo leikjaframleiðendurnar um háarfjárhæðir til að ná uppí kostnað, á meðan að PC leikjaframleiðendur verða bara að ná upp í eigin framleiðslukostnað.

Fyrra álit

Tölvuleikir

Tölvuleikir

Ofurhugar

Stjórnendur

Hverjir eru inni

Greinar

Boycott á tölvuleiki vikuna 1.-8. desember...

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi