Ég spilaði NOX fyrir mörgum árum. Ágætis leikur fannst mér.

ég er hjartanlega sammála þér. Þetta er klassa leikur sem er gjörsamlega vanmetinn að mínu áliti. Netspilunin er með því skemmtilegra sem gerist. Þó þetta sé kannski ekki frumlegasti leikurinn sem ég hef spilað þá er hann mjög góður.

P.S. Ég spila leikinn oft á netinu undir nafninu Meat Loaf

Ég á NOX, hef spilað hann á netinu (og geri enn stöku sinnum) og finnst alveg hreint argasta SNILLD! Það sem mér finnst nokkuð sniðugt við að klára hann er að leikurinn veit hvort maður hefur klárað hann með öllum karakterum eða ekki, og ef það er ekki búið að klára með öllum(svo sem í fyrsta skipti sem maður spilar hann) er stungið upp á að byrja aftur með öðrum klassa.

Og fyrst talað var um fjölspilun langar mig til að segja frá nokkrum brögðum sem ég hef rekist á gegnum tíðina með wizard, sem er eginlega eini classinn sem ég spila.

Gildrur:
Þegar allir eru á móti öllum er ekki mikið um að gildrur séu notaðar því það er ekki hægt að taka þær með sér í bardaga að neinu ráði (Nema að halda á þeim og vona að hver svo sem drepur mann stígi á þær þegar maður missir þær) og aðvelt er að sjá þær þegar komið er að þeim. Ef þeim er plantað einhvers staðar gildir að þær drepi án vafa. Í þeim efnum er fireball ágætur kostur; þar sem hann á uppruna sinn í gildrunni sem stigið var á er svo til pottþétt að hann hittir, og skaðinn er ekki af verri endanum.
Reyna má Slow+Anchor+Obliteration en langflestir geta counterspellað (wizard/conjurer) eða gert warcry (warrior) til að eyða því (Og ef warrior getur ekki notað warcry getur hann charge-að burtu, slow hefur ekki áhrif á það).
Í borðum með innbyggðum hættum í, svo sem stórum svæðum af glóandi hrauni, er hægt að ganga út á hraunið (muna bara að kasta Invulnerability fyrst) og kasta “Mark Location” í miðju svæðinu, setja síðan “Teleport To Marker” í gildruna (best að hafa Slow á undan). Eini lösturinn er að maður fær ekki stig ef einhver fellur fyrir þessu. Ef maður lendir í þessu sjálfur er best að kasta Blink til að forða sér.
(Smá sögukennsla: Í upprunalegu útgáfunni af NOX var hægt að kasta “Teleport To Marker” sem árásargaldri og endaði það bardagann í snarhasti. Nú á dögum er það ekki hægt, kannski sem betur fer, en hægt er að setja hann í gildrur. Að vissu leyti er hægt að komast óbeint fram hjá þessari hömlu með að búa til gildruna, standa á henni með Invisibility á sér og kasta “Swap Location” á þann fyrsta sem kemur nálægt)
Bestu staðsetningarnar finnst mér vera á efri hæð lyftu, sem er eginlega eini staðurinn sem ekki er hægt að sjá eða forðast gildru áður en maður lendir í henni, eða uppvið dyr þar sem þær sjást einungis öðrum megin.
Í Capture-The-Flag geta gildrur sem setja andstæðingum hömlur verið betri en þær sem gera skaða. Það er ekkert svaka óalgengt (bara svolítið) að hlaupa að fánanum og lenda í gildru með Blink í sér sem sendir mann út í buskann (Mark Location og Teleport To Marker eru yfirleitt bannaðir í CTF). Þeir grimmari setja Fumble á undan Blink sem lætur bráðina missa vopnið sitt og gefur vörninni það.
Slow og Anchor eru góðir möguleikar, maður vill alls ekki að fánaberinn hverfi með fánann. (Setjið bara ekki Anchor og Blink saman, því þá missir seinni galdurinn virkni sína og það kostar þig bara mana) Ég vil benda á að þar sem fáninn ýtir manni frá sér er ekki beint hægt að setja gildru undir fánann, til að gera það tekur maður hana upp og leggur hana frá sér á réttan stað.
Að lokum vil ég minna á að það er hægt að hoppa yfir gildrur.

Capture-The-Flag:
Wizards og Conjurers í CTF geta staðið í hárinu á vörn andstæðinganna þó þeir séu færri og lélegri. Vörnin drepur þá, þeir kasta Blink (Nokkrum sinnum ef óheppnir) og eru komnir aftur á undir 5 sek. Það góða er að þeir þurfa ekki að hafa áhyggjur af hversu oft þeir deyja því það hefur engin áhrif á stigagjöfina.
Í vörn… Ef að fánaherbergið er mjótt eða með einum inngang kastar wizard Wall svo að hinir þurfi að hafa aðeins meira fyrir því að hirða fánann, þó má búast við því hann þurfi að fjarlæga vegginn ef að félagi hans nær fána andstæðinganna; það er fátt eins pirrandi eins og að geta ekki skilað fánanum því maður kemst ekki gegnum eigin varnir.
Þegar wizards eða conjurers eru í vörn og lítið er að gera(hvernig má það vera?) Ættu þeir að kasta góðum göldrum á þá sem eru með þeim í liði. Warriors verða ánægðir með það og einnig aðrir galdrakarlar ef þeir geta ekki kastað viðkomandi göldrum. Sniðugt er ef skrímsli eru látin verja fánann að kasta Invisibility á þau öll til að þeir sem sækja viti síður við hverju er að búast. Conjurers sem eru í sókn ættu þó alls ekki að gleyma því að þeir geta ‘stolið’ skrímslum frá andstæðingum með Charm. Jafnvel þó að það sé ekki pláss fyrir fleiri skrímsli er hægt að stöðva þau í ákveðinn tíma með að (reyna að) Charma þau.
Þegar fáninn sem maður berst undir er fjarlægður skiptir auðvitað höfuðmáli að láta þrjótinn ekki komast undan. Fánaberi getur ekki kastað neinum Teleport göldrum (Wiz/Con) eða notað Charge (War) til að forða sér, en það breytir því ekki að ef einhver ANNAR kastar blink getur sá tekið fánaberan með sér. Þess vegna ætti að reyna að kasta Anchor á þá sem gera sig líklega til að taka fánann eða að minnsta kosti hafa Anchor-gildru undir fánanum. Þetta gerir fánaberanum einnig ókleift að nota Teleport-Circles í borðinu sem hann gæti annars gert sem aftur fækkar flóttaleiðum hans.
Slow kemur sér virkilega vel, hann flýr ekki eins hratt og meiri tími gefst til að berja hann í lummu. Wall er hentugur, bæði fyrir vörnina til að loka fánaberann af og einnig fyrir hann sjálfan til að loka vörnina af.

Að berjast:
Án efa það sem mest er gert af. Það sem á eftir kemur er fyrir wizards.

Á móti warriors er Shock besti vinur þinn. Þennann galdur notar maður ekki mikið í Single-Player og þess vegna muna nýliðar oft ekki eftir honum. Hann tekur 45 heilsupunkta af þeim fyrsta sem snertir þig (nokkuð sem warriors reiða sig á að gera). Hann þarf reyndar ekki að snerta þig sjálfur, það er nóg að hann hitti þig með sverðinu sínu eða Charge-i. Ef svo skemmtilega vill til að hann er klæddur járni frá toppi til táar gerir Shock 75 puknta í skaða; og warriors eru með 150 punkta mest.
Það verður að muna að u.þ.b. helminginn af tímanum mun maður ekki geta kastað neinum göldrum vegna warcry og þess vegna er alls ekki svo vitlaust að finna sér lightning-staf eða fireball-staf (eða hvernig galdrastaf sem er). Þeim er hægt að skjóta úr þó að maður sé vankaður. Fireball-stafir eru góðir því að í hvert skipti sem warrior gerir warcry eða hittir ekki með Charge þarf hann að stoppa í örskamma stund og er þá gott skotmark fyrir fireball. Lightning-stafir eru góðir því að það þarf ekki að miða með þeim (Eitthvað sem er erfitt að gera þegar maður er hlaupandi um eins og afhausaður hani til að verða ekki hittur). Stafir geta líka varið sverðshögg.
Warrior vankast svolítið ef hann hittir ekki með Charge og fer í vegg en hann er þó engann veginn bjargarlaus á meðan. Skjöldurinn sem hann er með (nema hann haldi á warhammer) getur blockað alla galdra sem ferðast og flestir munu snúa sér að þér einmitt vegna þess. Í þessari aðstöðu geturðu sent Fireball í vegginn við hliðina á honum og náð honum þannig í sprengingunni, eða kastað Burn á hann og hann mun brenna þar til hann rankar við sér.
Warrior er varla hálfur maður án vopnsins síns, ef aðstæður krefjast geturðu notað hina lítt þekktu galdra: Kastað Fumble til að losa hann við vopnið… rétt eftir að þú kastar Run til að gera honum erfiðara um vik að ná í það aftur. Þetta gæti verið einmitt það sem þú þurftir… eða algjör tímasóun. Og Fumble er DÝR galdur, eins gott að það sé mana nálægt.

Wizards og conjurers eru nánast eins mismunandi og þeir eru margir, það sem skiptir mestu máli er að einskorða sig ekki við einn eða nokkra galdra því hvert aulabragð virkar aðeins einu sinni, þetta ættir þú að kenna þeim sem þú rekst á.
Wizard sem notar ekkert nema Lightning eða Energy Bolt verður bjargarlaus ef hann fær á sig Run þar sem maður verður að vera kyrr til að kasta því. En þar sem hann er kyrr er lítið mál að hitta hann með Death Ray eða Fireball.
Wizard sem notar ekkert nema Missiles of Magic (eini skaðavaldurinn sem eltir óvini) fær það á sig til baka með Inversion eða Magic Shield.
Wizard sem felur sig bak við Magic Shield fær Burn undir tærnar á sér og verður að hreyfa sig (og missa þar með skjöldinn) eða deyja.
Conjurers kasta stundum Force Of Nature eins og þeim sé borgað fyrir það, það lang-hlægilegasta er að kasta Swap Location og láta þá lenda í egin galdri, en það er erfitt. Counterspell virkar ágætlega ef maður bjóst ekki við því, annars er það Death Ray meðan hann er að safna orku í galdurinn. Það er oft erfitt að hitta með Death Ray, en ef þú hittir vinnur þú. Death Ray drepur conjurer í einu höggi og það eru engar undantekningar á þeirri reglu.
Í Allir-á-móti-öllum hafa conjurers galdur sem þeir hafa oftast ekki í Capture-the-flag: Stun. Ef þessu er kastað á wizard getur wizard ekki hreyft sig, virkilega slæmt mál. Oft er ekki hægt að sjá hvað conjurer gerir næst fyrr en of seint svo að í þessari stöðu mæli ég með að nota Blink og koma aftur seinna.

——–
Þetta er nú orðið ansi langt og ég held ég hætti bara að skrifa núna.

Ég geri eins og þú segir mér í einu og öllu óli.My Master. En já þessi leikur er fínn að mínu leyti, þótt ég hafi ekki spilað hann mikið og aldrei á netinu.

Aldrei heyrt um hann. Hvar finn ég þennan leik?

Jako

Já þetta er frábær leikur.. keypti hann í BT fyrir nokkru á 1000 kall.
Því miður lánaði ég vini mínum leikinn og einhvern veginn tókst honum að týna disk 2 áður en ég gat sótt hann :(. Var einmitt að leita að honum hér hjá mér áðan, bara til að vera viss.
Hef reyndar aldrei spilað online….