mér finnast þýðingar á bókum svona allt í lagi og Frodo=Fróði og Gandalf=Gandalfur alveg nokkuð logical þýðingar en þýðingar á bíomyndum eru mesta kjaftæði sem ég veit um, fólkið sem þýðir þetta er bara plane heimskt (ekki að reyna að móðga neinn). NIÐUR MEÐ KVIKMYNDAÞÝÐARA!!!

Ég er algerlega ósammála engilsaxneskudýrkendum. Fyrir því er löng hefð í íslensku máli að þýða mannanöfn, nægir að nefna konunganöfnin í leikritum Shakespears í þýðingu Helga Hálfdanarsonar. Væri ekki öldungis fráleitt að kalla Ríkarð III, Richard III?

Menn tala hér um ensk nöfn. Það er misskilningur að þessi nöfn séu upprunalega ensk. Mörg koma úr málum eins og íslensku sem Tolkien kunni. Hér er því ekki verið að fara með neinum hætti á svig við vilja höfundar. Nöfn eins og Frodo, Merry og Gandalf líta illa út í bók á íslensku. Auðvitað má deila um einstakar þýðingar. En í Hringadróttinssögu eru þær góðar.

Menn tala um Darth Vader í Star Wars. Ég verð að lýsa því yfir að mér þykir Svarthöfði mjög góð þýðing, sömuleiðis Logi geimgengill og náttúrulega Stjörnustríð. Allt eru þetta þýðingar sem hafa náð hylli í íslensku máli vegna þess að þær eru góðar.

Það er ekkert athugavert við góðar þýðingar. Vitaskuld eru lélegar þýðingar margar og ekki til fyrirmyndar. En að hafa nöfnin Merry, Frodo og Gandalf í íslenskri þýðingu Hringadróttinssögu væri að mínu mati hneyksli. Þá má ekki gleyma nafni sögunnar sjálfrar en það er afspyrnuvel þýtt, Hringadróttinssaga. Hljómar dularfullt og spennandi, að mínu mati betur en Lord of the Rings.

Drebenson, hvernig leyfirðu þér að koma þessa sleggjudóma á þýðendur yfirleitt. Þú verður dáldið að passa þig að það er frekar mikill munur á þýðendum, og kvikmyndin Hringadróttinsaga er þýdd með hliðsjón af þýðingunni af bókunum sjálfum e. Þorstein Thorarensen. Það má minnast á að sú þýðingin er talin einstaklega vel heppnuð og góð, og mér finnst þetta algjörir fordómar, þar sem þú hefur greinilega ekki lesið þessa þýðingu sjálfur.

Vissulega sér maður oft heimskulegar þýðingar í bíómyndum, t.d. asnalega málfræðivillur eða miskilingin,,, en ekki bera saman þýðingu á kvikmynd, frá kvikmyndaþýðanda sem þýðir nokkrar myndir á viku, við bókmenntaverk sem tók nokkur ár að þýða. Það er ekki sanngjarn samanburður að nokkru leyti!!

Það má líka minnast á það, að flest nöfn sem Tolkien notar eru Norræn að uppruna, og því er aljörlega sjálfsagt að nota íslensku útgáfuna af nöfnunum. Fyrir utan það, þá veit ég að það var mjög mikil vinna lögð í allt nafnakerfið á íslensku, þannig að þetta eru ekki einhverjar hugsunarlausar þýðingar.

Undarlegasta þýðíng sem ég hef rekið augun í er hjásofelsi Heheheh

Hvaða rugl er i ykkur að durtalfur se faranleg þyðing? Durt = illur, dökkur sem sagt, illur alfur sem orkarnir oneitanlega eru, allavega upphaflega!