Að sjálfsögðu er álit frægra gagnrýnenda komið beint frá Guði.. :p eða þannig.

Ég varpaði ekki fram tilgátu, ég varpaði fram skoðun minni. Þetta eru tveir mjög ólíkir hlutir.

Til að svara öðrum aðila, þá fór ég mjög svo hlutlaus á myndina. Félagi minn fór á preview sýninguna sem að var fyrir kvikmyndaeftirlitið og kom grátklökkur til baka, svo frábær fannst honum myndin. Mér leist þá mjög vel á hana og við skötuhjúin gældum við að fara jafnvel á hana í lúxussalnum. Daginn sem ég fór á hana hafði ég hins vegar eiginlega alveg gleymt því að ég væri að fara á hana, og fór mjög svo hlutlaus á hana.

Þess vegna olli hún mér líklega vonbrigðum, mig vantaði alveg elementið sem sagði “þetta verður frábær mynd no matter what, það getur ekkert klikkað”, þess í stað mætti ég til að horfa á mynd eins og ég sá hana birtast á tjaldinu.

Það sem ég sá á tjaldinu var voða lítil og sæt saga um lítinn og barnslegan Hobbita sem lagði í hættuför. Ég náði aldrei að tengjast neinni sögupersónanna, fæstar þeirra höfðu eitthvað bitastætt að segja, Gimli urraði á hálftímafresti, Legolas var alltaf að glápa eitthvað út í buskann, Pípinn rakst í allt og alla, Fróði starði með baby-blue-eyes út í buskann.

Ég er mjög svo sammála þessum gæja sem skrifar í San Diego (sjá tengil á “neikvæða” gagnrýni í annari grein). Þetta hefði getað verið eitthvað flott, eitthvað svakalegt, en út úr þessu kom mynd uppfull af slash-n-kill atriðum með engri persónusköpun en fullt af flottum brellum.

Einkunnirnar á IMDB.com eru svo greinilega komnar frá þeim sem að eru eldheitir og fóru strax á myndina. Ég efast ekki um að venjulegt fólk eigi eftir að sjá myndina án rósrauðu gleraugnanna sem hafa magnað litinn hjá sumum hérna, og það fólk eigi eftir að draga myndina aftur niður á sinn rétta stall á imdb.com.

Myndin missir ekki tvær stjörnur, engin mynd byrjar með fullt hús stiga hjá mér heldur verður hún að vinna fyrir hverju stigi. LOTR vann sér aðeins inn tvær stjörnur hjá mér, mynd sem að mér leiðist á getur aldrei fengið mikið meira.