Það var nú reyndar Gríma sem henti steininum út, var að reyna að hitta einhvern. Það heyrðust mikil læti þegar að Sarúman komst að því:P

Ertu að tala við mig hanxer? Ég hef reyndar lítið fylgst með hérna undanfarið en ég hef lesið bækurnar bæði á moóðurmálinu og íslensku ásamt því að hafa lesið allt í kringum þær. Var ég að skrifa einhvern skandal?

Allt að verða vitlaust….


Það er ekki vitað fullkomlega hvernig málum verður háttað í ROTK fyrst ákveðið hefur verið að dauðdagi Sarúmans (sem átti að eiga sér stað í senunni þar sem Gandalfur og Théoden tala við hann í Isengard) verði klipptur út. Athugið að það þarf náttúrulega að koma bæði Palantírnum og Merry og Pippin frá Isengard.
Þar af leiðandi hljóta Gandalfur, Théoden, Aragorn og co. að koma við í Isengard í byrjun ROTK þó við fáum ekki að sjá neitt af Sarúman. Líklegast verður svo bundið um hnútana að afskipti Sarúmans af Hringastríðinu hafi lokið þegar herinn hans var sigraður og virkið hans eyðilagt (nema turnninn). Það þarf ekki nema nokkrar sekúndur til þess að koma því á hreint að Sarúman skipti ekki lengur máli í sögunni þrátt fyrir að við fáum ekki að vita meira um örlög hans.


Þetta kemur mér í raun ekki á óvart að atriðið hafi verið klippt út. Ég spáði fyrir um þetta fyrir mörgum mánuðum síðan,. Ástæðan er einfaldlega sú að þetta passar voða illa að hafa svona langa senu í byrjun ROTK þegar aðal Hringastríðið sjálft er loksins að hefjast. Hugsið nú, Sauron er að fara ráðast á Gondor, Gondor þarfnast augljóslega hjálpar Róhans, Gandalfs og Aragorns en samt er Théoden, Gandalfur og Aragorn í einhverju léttu spjalli við Sarúman sem ætti ekki að skipta miklu máli lengur þar sem hann er gjörsamlega bjargarlaus.


Ég tel þetta alls ekkert hneyksli. Peter Jackson tók upp atriðið af því að hann vildi hafa það í myndinni. Alveg eins og hann tók upp gjafaatriðið í Lothlóríen o.s.frv.
Hann er bara að uppgötva núna þegar hann er að klippa myndina að flæði myndarinnar nýtur sín mun betur án þessa atriðis. Augljóslega er þetta erfið ákvörðun, en hann vill búa til eins góða mynd og hann getur og það er hans skoðun að 3 klst. 15 mín. útgáfan af ROTK sé betri án þessa atriðis.
Í raun hafið þið sem gagnrýnið hann engan rétt til þess að gagnrýna hann einfaldlega vegna þess að þið hafið hvorki séð atriðið né þá útgáfu sem hann er að klippa til.

Atriðið verður í lengri útgáfu myndarinnar auk margra annarra góðra sena eins og verið hefur með FOTR og TTT.
Verið bara fegin að þið séuð að fá þetta yfir höfuð.

Það er einsdæmi að lengri útgáfur mynda séu að koma svona fljótlega eftir venjulegu útgáfunum.