Þetta er bara því miður svona…

Það virðist vera að færast í aukana með hverju árinu hjá krökkum og unglingum að skrifa ótrúlega vitlaust. Því miður er þetta sérstaklega áberandi hérna á Huga. Það kemur æ oftar fyrir mig að ég á erfitt með að lesa greinarnar hérna, og í hvert skipti athuga ég aldur greinarhöfundar…og viti menn, þetta eru næstum alltaf krakkar á fermingaraldri.

Ég vil ekkert vera með nein leiðindi, og það eru fullt af krökkum og unglingum sem geta skrifað rétt og leggja sig fram við það.

Ég er sjálf bara í menntaskóla og ég er að verða brjáluð á því hvað fólk er farið að skrifa og tala vitlaust. Ég er ekkert að vonast til þess að fólk fari að skrifa háfleygt…bara rétt!