Mér finnst þetta fólk sem drap Jessicu og Holly ógeðslegt, og á enga virðingu né mannréttindi skilið. Ég er á móti því að taka fólk af lífi út af því að það er bara einfaldlega rangt að gera það.
Frekar finnst mér að það ætti að loka það inni, með engin þægindi, ok klósett og dýnu er í lagi en þau eiga ekki skilið meira. Ef þau eru líflátin þá finnst mér það of auðvelt fyrir þau, frekar bara að láta þau djúsa í einverjum fangelsisklefa þangað til að þau deyja, og banna þeim umgengni við aðra fanga.
Annars hef ég heyrt að fólk sem myrðir börn eða misþyrmir börnum eiga ekki auðvelda fangelsisvist aðþví að þeir fá svo sannarlega að kenna á því frá öðrum föngum.
Semsagt endilega að láta þau kveljast í tugi ára þangað til að þau deyja

Ef þeir eru snargeðveikir, þá vita þeir ekki hvað þeir eru að gera. Óvita börn vita heldur ekki hvað þau eru að gera. Ef óvita barn kemst í byssu og drepur einhvern, á þá að taka það af lífi?

Mér finnst fólk horfa allt of mikið á glæpinn frekar en þann sem er sakaður um að hafa framið glæpinn. Ljótur glæpur = vondur maður? Hvað ef maðurinn sem er sakaður um glæpinn framdi hann ekki? Og þar að auki er það sannað mál að fallegt fólk fær vægari dóma í réttarkerfinu. Auk þess hefur það komið fram í Bandaríkjunum, eina siðmenntaða landinu sem heldur enn í dauðarefsingar (að vísu spurning hvort Bandaríkin eigi að teljast siðmenntuð) að það hefur oftar en ekki komið fyrir að fólk er dæmt saklaust. Stundum eru játningar þvingaðar fram en alveg jafn oft hafa vitni rangt fyrir sér. Þá er vitnið að horfa á það hvað þetta var ljótur glæpur og maðurinn megi nú ekki sleppa en ekki að horfa á það að maðurinn sem er sakaður um glæpinn er kannski ekki maðurinn sem það sá.

Hvernig finndist þér ef þú eða einhver nákominn þér lenti í að vera sakaður um glæp sem hann hefði ekki framið? Hvað ef hann væri svo dæmdur? Vildir þú þá ekki frekar að hann gæti hugsanlega sloppið eftir einhver ár ef rétti morðinginn finnst frekar en það væri bara “úps, við tókum hann af lífi í fyrra”?