Það er alltaf eitthvað svo bogið við það sem þú segir. Þú segir það eins og maður gæti sagt “já, býst við að þetta gæti passað” en það er alltaf einhver þráður sem gengur í gegnum það sem þú segir sem öskrar wat.

Fíkn hefur ekkert með að gera að vilja að hætta henni. Sumir velta sér upp úr fíkninni, segja já ég er fíkill, en það er ekki vandamál. Margir í raun segja það. Sama hvort það sé í raun vandamál eða ekki.

Nú blandarðu matarfíkn inn í þetta; eins og ég sagði, tómaturinn. Þetta hefur ekkert að gera með efni í matnum sem eru ávanabindandi fíkniefni og allt að gera með hegðunar- og hugsunarmynstur.

Fitugur matur getur vissulega valdið hjartaáföllum en ég skil ekki hvernig það kemur sígarettum við. Maðurinn hefur þróað sína bragðlauka fyrir þrjá hluti; sætt, salt og fitugt sem grunn fyrir góða fæðu. Það að sumir sjá sér ekki fært að hætta að neyta þessara hluta hefur ekki neitt að gera með fituna eða matinn, heldur með hugsun eða jafnvel heilavirkni í þessum einstaklingum.

Nikótín er hins vegar í eðli sínu ávanabindandi, sama hvort þú sért nógu “sterkur” til að verða ekki ávanur því. Fólk fer ekki í gegnum þol og fráhvörf fyrir matarfíkn. Hvernig er það með sígarettur?

Of mikil notkun á nefsprey veldur stíflunum í nefi sem fólk notar síðan nefsprey til að losa. Hef aldrei heyrt um að það sé dóp, eflaust geturðu linkað einhverju á mig þar sem ég finn bara þetta með stífluna. En enn og aftur, hvernig kemur þetta sígarettum við? Ef þú ert ávanabundinn oxymetazoline (ef við gefum að það sé fíkniefni) í fíkn án þess að geta hætt þá ertu fíkill, vissulega, en ekki ef þú notar þetta í þann stutta tíma sem þú átt að nota þetta (stórefast að þetta sé jafn ávanabindandi og nikótín (sér í lagi með öll efnin í sígarettum auk nikótíns)). Sama gildir um sígarettur, maður sem reykir 5 sígarettur yfir hálft ár eða eitt ár eða yfir lífstíð er ekki fíkill útaf því að hann er ekki í fíkn, þó að hann hafi ef til vill upplifað eiginleika fíknar þessi 5 skipti. Eitt skipti er nóg fyrir suma í fíkn, 10 skipti er ekki nóg fyrir aðra. Það fer eftir einstaklingum, það hef ég alveg sagt og tekið undir með þér.

Spyrðu ofnæmislækni hvort hann sé ekki örugglega með ofnæmi? Þegar að móðir þín eldaði fyrir þig, var hún ekki örugglega næringarfræðingur? Er ekki skylda fyrir krabbameinslækna að hafa haft krabbamein?

Þarf ég að hafa reykt til að sjá hversu margir kvarta og kveina um að geta ekki hætt að reykja? Sumir segjast vissulega geta hætt _hvenær sem er_, þeir vilja það bara ekki. Þetta er í raun þversögn, og ég hef séð það gerast að manneskja sem sagði þetta við mig fyrr á tíð er nú að reyna að hætta og segir að hún hafi aldrei í raun getað hætt sisvona.

Ef þú getur hætt að reykja þá hættirðu, þar sem ef þú getur hætt þá er það ekki ávani eða fíkn og þar sem þetta er greinilega heilsuspillandi eða getur gerst ávani seinna meir væri ekkert nema 100% rökrétt að hætta þegar þú “getur það”. Ástæðan fyrir að vilja ekki hætta er að það er gott að svala fíkn, það er þægilegt. Koffín er fíkn, fólk á erfitt með að fara daginn án kaffibolla. Koffín veldur líka fráhvarfseinkennum. Ég kemst ekki af daginn án kaffi. Ég er fíkill í það. Ég fæ hausverk ef ég fæ ekki kaffibolla í einhvern tíma.