Það á þá að slýta samningnum áður en hann tekur gildi, í þessu tilfelli er búið að vera að vinna eftir samning sem er nú verið að reyna að brjóta, ég sé ekki hvernig það getur kallast nokkuð annað en að brjóta á honum.

ókei, fínt :)

Svo er verð á hlutum ekki það sama og laun og ég skil ekki alveg samasam merkið þarna á milli?

Laun eru ekkert annað en verðið á því vinnuafli sem þú ert að selja. Ef þú getur ekki skilið það þá sé ég engan tilgang í því að halda þessum samræðum áfram

Ef menn gera sér grein fyrir því þá er það flott :)

En málið er að í velferðarríki eins og ísland er í dag eiga atvinnulausu einstaklingarnir sem virðast skipta þig öllu máli jafnan rétt og möguleika á starfi og aðrir miðað við framboð.

Þessi réttindi og jafnrétti sem þú talar um eru merkingarlaus ef maður hefur bara rétt á því að fara afstast í biðröðina en ekki rétt á því að gera eitthvað af eigin frumkvæði.

Það er bara kjaftæði að segja að hérna hafi allir rétt á atvinnu og heilbrigðisþjónustu ef það er of lítið af vinnu og of lítið af læknum þannig að fólk stendur í biðröð í langan tíma.

Þetta velferðarríki sér þeim einnig fyrir bótum sem miðaðar eru við lágmarkstekjur kjarasamninga þanning að þeir hagnast einnig af því að hafa verkalýðsfélögin sem málssvara.

Þeir “hagnast” lítið á því. Það er bara verið að taka pening frá þeim sem eru í raun og veru að vinna og gefa hinum sem er bannað að vinna.
Hugsaðu þér tvo einstaklinga sem geta unnið fyrir 700 kr. Þeir heimta lágmarkslaun upp á 1000 kr sem leiðir til þess að fyrirtækið hefur bara efni á því að ráða annan þeirra.
Hann þarf síðan að deila laununum sínum með hinum aðilanum svo báðir enda með 500 kr og aðeins annar þeirra er í raun og veru að skapa einhver verðmæti á meðan þeir gætu fengið 700 kr hvor og báðir tekið þátt í verðmætasköpun.

Þetta “misheppnaða” kerfi dró okkur úr því að vera þjóð sem betlaði peninga frá bandaríkjunum í það (þrátt fyrir hrun) að vera eitt jafnasta atvinnuríki í heiminum.

Það gerðist margt á Íslandi síðustu 70 ár. Það er fásinna að tala um verkalýðsfélög sem einhvern afgerandi þátt í því nema þú sért tilbúinn að styðja það frekar.

Ef við förum í það kerfi sem þú leggur fram…

Ég lagði aldrei fram neitt kerfi, ekki lesa texta sem ég skrifaði aldrei. Það eina sem ég gerði var að gagnrýna núverandi kerfi auk þess sem ég benti á neikvæðan tekjuskatt einhvers staðar í umræðunni sem “skárri” kost en núverandi kerfi.
Ég hef aldrei lagt fram neitt kerfi sem þýðir að þú ert að byggja afstöðu þína á einhverju öðru en því sem ég hef skrifað hérna.

…mun koma fram tímar þar sem fólk hefur engin réttindi gangvart vinnuveitendum

Hvenær í ósköpunum sagði ég að vinnufólk ætti að vera réttindalaust? Ég hef aldrei reynt að réttlæta þrælahald í þessari umræðu, vinsamlegast reyndu að vera málefnalegur.

og þeir sem hafa hag fjölskyldu sinnar í fyrirúmi munu þurfa að slíta sér enn meir inn að beini einungis til að sjá þeim fyrir grunnþörfum.

Bull, ég veit um fullt af fólki sem sér fyrir fjölskyldu sinni án þess að slíta inn að beini til þess að sjá fyrir grunnþörfum. Hins vegar erum við alltaf að hækka standardinn á því sem við köllum “grunnþarfir” og þær verða því alltaf dýrari og dýrari. Fyrir 20 árum hefði engum dottið í hug að flott sjónvarp, ferðatölva og háhraða internet væru grunnþarfir.
http://reason.tv/video/show/living-large
^point

Menn munu þá keppast um þau fáu störf sem eru til og undirbjóða hvorn annan í kappi til að fá starfið

Það kallast samkeppni og gerir markaðinn hagkvæmari og eykur heildarframleiðslu þjóðfélagsins. Þetta er það sama og heldur vöruverði niðri og kemur í veg fyrir einokun fyrirtækja.
Þetta er einfalt framboðs og eftirspurnarlíkan, þú mátt ekki gleyma því að á sama tíma eru fyrirtæki að berjast við að borga fólki hærri laun til þess að halda duglegustu og framleiðnustu starfsmönnunum hjá sér.

sem leiðir til þess að A: það er ekki endilega sá hæfasti sem fær starfið

Enda vilja fyrirtæki ekki þann hæfasta í starfið, slík fyrirtæki fara fljótt á hausinn. Það myndi enginn heilvita maður fá Stephen Hawking til þess að kenna eðlisfræði í MS þó hann sé örugglega hæfasti aðilinn til þess.
Við viljum fá hagkvæmustu einstaklingana í störfin, ekki þá hæfustu. Ef ég skila bara 10% betri niðurstöðum en þú en heimta 50% hærri laun þá er hagkvæmast fyrir fyrirtækið að ráða þig í stöðuna.

B: launin munu að öllum líkindum ekki duga honum til að fæða og klæða fjölskyldu sína.

Kjaftæði. Fólk er ekki að svelta til bana á Íslandi. Mundu að í Afríku tekst heilu fjölskyldunum að lifa á 100-200 kr á dag. Ef viðkomandi hefur ekki efni á því að halda uppi núverandi lífstíl þá þarf hann einfaldlega að sætta sig við það, minnka við sig, fara í ódýrara húsnæði og kaupa sér ódýrari mat.
Menn eiga að sníða sér stakk eftir vexti, ekki reikna með því að ákveðin lífsgæði séu sjálfgefin og ætlast síðan til þess að fá þau upp í hendurnar sama hvort menn hafi efni á þeim eða ekki.

Verðlag mun ekki lækka við þetta því græðgi er inngróin í mannssálina

Enn og aftur þá bara bullaru eitthvað út í loftið og ert ekki einu sinni í takt við sjálfan þig. Hefur þér aldrei dottið í hug að menn græði á því að lækka verð?
Ef þú selur fleiri einingar með því að lækka verðið, nógu margar til þess að bæta upp fyrir verðlækkunina, þá endar framleiðandi í gróða og heildar hagkerfið hagnast.
Þetta kemur græðgi ekkert við, sem er hugtak sem ég vil að þú skilgreinir áður en þú notar. Mundu að fyrirtæki eru ekki góðgerðafélög… fyrirtæki sem eru rekin á þann hátt fara fljótt á hausinn. Fyrirtæki vinna við það að útvega okkur vörum og þjónustu, sem við ráðum hvort við kaupum eða ekki.

atvinnurekendur myndu glotta alla leið í bankann með gróðann sem þeir fengu af því að vera með mun lægra launaða starfsmenn.

Hvar í ósköpunum átt þú eiginlega heima? Ég skil ekki hvernig er hægt að hafa svona sýn á raunveruleikann. Helduru virkileg að fyrirtæki á Íslandi séu einhverjir ormar sem liggja á stórri gullþúfu sem þau vilja ekki deila með einum eða neinum?
Ef svo er þá skaltu eyða ALEIGUNNI þinni í að kaupa hlutabréf í íslenskum fyrirtækjum og fokkin njóta allra vellystinganna sem þú heldur að leynist þar.
Fyrirtæki þurfa að borga kostnað, afla sér tekna, greiða leigu og greiða laun. Þegar öllu er á botnin hvolft þá er oft ekki mikið eftir til þess að kalla “gróða”

Varðandi síðustu línuna:
Hvaða sögu ertu eiginlega að tala um? Hvaða eðli ertu eiginlega að tala um og hefuru haft fyrir því að lesa eitthvað í hagfræði?
Eða ætlaru að þurrka heila háskólagrein af borðinu án þess að styðja það neitt betur?

1. Magn peninga skiptir engu máli heldur hin raunverulega verðmætasköpun og framleiðsla. Kreppa þýðir að hérna hefur verðmæti framleiðslunnar minnkað ákveðið mikið á ákveðnu tímabili. Það getur gerst sama hve miklir peningar eru í umferð… þeir eru bara pappír.

2. Nei, menn eru ekki ónothæfir. Ónothæfur starfsmaður myndi fá 0 kr á mánuði (eins og atvinnulausir fá í dag) en ómenntaðir og óreyndir starfsmenn geta vel unnið einfalda vinnu fyrir lág laun án þess að vera ónothæfir. Þeir eru MJÖG nothæfir í slíka vinnu á meðan þeir safna sér starfsreynslu.

Það sem þú ert að styðja er í rauninni að taka ómenntaða og óreynda starfsmenn og stimpla þá sem ónothæfa með því að banna þeim að taka þá vinnu sem þeim býðst (en með því að setja lágmarkslaun ertu í raun og veru að BANNA alla vinnu sem borgar minna en lágmarkslaunin… það kallast að skerða atvinnumöguleika)

Ég er ekki að tala um þá sem neyðast til þess að vera atvinnulausir. Það átta sig flestir á því að 9% atvinnuleysi er ekki eðlilegt atvinnuleysisstig, enda á fullfrískt fólk oft erfitt með að finna sér vinnu.

3. HVAÐ ÞÁ ATVINNULAUST?
Þú virðist ekki skilja það sem ég er að segja, eða þá einfaldlega neitaru að taka mark á því sem ég skrifa.
Ég sagði aldrei að það væri dans á rósum að vinna fyrir 500 kr á tímann og reka heimili. Ég sagði bara að það væri auðveldara en að reka heimili þegar maður er atvinnulaus… sem er ómögulegt.

Fyrir utan það að þeir sem þetta bitnar á eru margir ekki að reka heimili heldur eru námsmenn og unglingar.

3.

Vegna þess að þetta er satt?

Það er ekki ástæða, þetta er bara önnur fullyrðing

Hefuru einhverntíman séð aðföng græða peninga? Þetta er staðreynd dýrasti og mikilvægasti hluturinn í nánast öllum rekstri eru starfsmenn og svoleiðis á það að vera.

Já, ég hef séð menn vinna vinnu á lyftara sem hann gat ekki unnið án lyftarans. Starfsmaðurinn var algjörlega gagnslaus án lyftarans og því voru það aðföngin sem gerðu verðmætasköpunina mögulega, þ.e. “græddi peningana” ef þú vilt hugsa þetta á viðskiptalegum nótum.

Ég hef líka séð súkkulaði pakkað inn í umbúðir án þess að starfsmaður kæmi nálægt því.

Svo ég spyr þig aftur, á hvernig kemstu að þeirri niðurstöðu að vinnuafl sé það MIKILVÆGASTA sem kemur framleiðslu við, og þar að auki, hvers vegna á það skilið hærri laun en markaðurinn segir til um og geriru þér grein fyrir afleiðingunum sem það hefur?

Þú ert að segja að við ættum að gefa fólk frelsi til þess að samþykkja laun undir kjarsamningi en það sem þú skilur ekki er að það er að lækka standardinn.

Ég skil það alveg. Standardinn er allt of hár. Þess vegna er atvinnuleysi.
Fyrirtæki keppast við að undirbjóða hvert annað og selja okkur vörur á lægra verði. Ef verðið hækkar skyndilega… helduru að þá muni þeir selja fleiri vörur?
Nei, ef verðið er hækkað af ríkinu… þ.e. ríkið setur lágmarksverð, þá þýðir það bara að fyrirtækið selur færri vörur og horfir fram á tap.

Sama á við um atvinnumarkaðinn, ef verðið á vinnuafli (laun) er hækkað á röngum forsendum (lögum en ekki aukinni eftirspurn) þá þýðir það bara að atvinnurekendur kaupa færri vörur… þ.e. ráða minna af fólki.

Sérðu ekki fyrir þér sjúkrahús sem ákveður að ráða læknir sem er tilbúinn að vinna undir lágmarkslaunum til að spara? Hverskonar læknir er það? Jú líklegast lélegur, það sama á við alla aðra sem myndu samþykkja þetta.

Lélegur læknir er betri en enginn læknir. Sérðu virkilega ekki hvaða áhrif það hefur ef Ríkið myndi ákveða að bara besti læknir landsins mætti starfa og allir hinir sem væru ekki jafn góðir og hann þyrftu að hætta til þess að eyðileggja ekki standardinn?
Það þýðir bara að allir Íslendingar þurfa að bíða í biðröð hjá þessum eina lækni og endar dæmið á því að enginn fær í raun þjónustu vegna þess að biðröðin er svo löng.

Markaðurinn er hæfasta tækið sem við höfum til þess að sjá um viðskipti og deila verðmætum milli fólks. Þú sérð hvaða neikvæðu afleiðingar fylgja því að raska markaðsjafnvægi.

Betra er að duglegir og metnaðarfullir haldi vinnu heldur en að B flokks starfsmenn taki vinnuna þeirra.

Ekki ef það er það sem fyrirtækin vilja.
Auk þess sem þetta kemur metnaði og dugnaði EKKERT við. Hver segir að sá sem er tilbúinn að vinna fyrir minna sé ekki metnaðarfyllri og duglegri en hinn?

Þú ert augljóslega ekki skarpasti hnífurinn í skúffuni.

Þú hefur greinilega ekki skilið orð af því sem ég sagði þar sem mest allt svarið mitt fór í það að leiðrétta misskilning hjá þér en ekki að rökræða við þig.

Jú, þetta er einmitt flóknara en svo.

Hver er að svindla á honum? Hann vissi ekki einu sinni sjálfur hvað hann var með í laun!

Og nei, mér skjátlast ekki þegar ég segi að vinnuafl sé bara vara. Ef þú vilt sýna fram á að ég hafi rangt fyrir mér þá máttu gera það, það er ekki nóg að fullyrða það.

Og ég sendi þér ekki neinar heimildir, ég sendi þér bara 2 stutt vidjó af gaurum sem eru að reyna að útskýra það sama og ég.

Svo ekki sé talað um slæm áhrif lágmarkslauna á þann hóp sem hefur minnst fram á að bjóða þegar hann er að sækja um vinnu. Óreyndir, ómenntaðir krakkar eins og korkarhöfundur.

Afhverju ætli atvinnuleysi sé hæst á þessum aldri :o

Þetta er lögum og samningum samkvæmt svindl og ég sé enga ástæðu til þess að kalla það einhverju öðru nafni.

Ef fyrirtæki heldur sér ekki á floti þegar jaðarafköst vinnuafls eru undir launakostnaði þá gengur það ekki að það reyni að fara á svig við lög og samninga til þess að ná jaðarkostnaði.

Ég afneita því ekki að afnám lágmarkslauna hjálpi fyrirtækjum í rekstri, en það sama má segja um lægra verð hráefnum, lægri tryggingakostnað o.s.frv. Við lifum því miður ekki í heimi þar sem stjórnmálakerfi og markaðurinn er fullkominn og því gengur ekki að benda á hagfræðikenningar sem, líkt og margar aðrar kenningar, gera ráð fyrir að markaðskerfið sé fullkomið. Þær gleyma því jú að það er ýmislegt sem fólk ætti ekki að sætta sig við og þar á meðal eru laun sem eru of lág til að brauðfæða fólk.