Ok, leiðrétting; hún nefndi ekki fullt af nöfnum, kannski 3 -4. Þegar það er sagt Jón Hreggviðsson (dæmi), hávaxinn, dökkhærður og með frekjuskarð þá er nokkuð víst að það sé sá Jón Hreggviðsson sem mamma þekkir, sérstaklega ef hann skilar kveðju og talar svo eitthvað um mömmu og fleira.

Ég á hljóðupptöku. Þér er velkomið að hlusta á hana.

Ég sá Darren Brown dæmið sem þú talar um og ég veit að það eru einhverjir loddarar til í þessu, ég er ekkert að neita því. En konan sem ég fór til er í kringum sjötugt og hefur t.d aldrei auglýst sig. Ég sé ekki að hún sé eitthvað að ljúga… Það er bara ekki fræðilegur að hún hafi getað vitað þetta allt eða eitthvað.

Systir pabba míns, sem er þvímiður látin, hafði þessa svokölluðu gáfu eins og sumt fólk kallar það, aðrir miðil en eins og þú og margir aðrir- bullara.


Þegar ég var ekki enn fædd en voru kannski 6 mánuðir í það þjáðist mamma mín af ýmsum andlegum kvillum tengda óléttu. Systir pabba míns kom til þeirra einn daginn, alveg óvænt og sagðist vilja tala við mömmu. Ef við gerum langa sögu stutta sagði hún meðal annars að ég myndi fæðast með einhverja tegund hjartagalla sem aðeins 40:60 líkur eru á að læknist að sjálfu sér en hann myndi ekki koma í ljós fyrr en fyrsta lagi viku eftir að ég fæddist. Hún vildi fullvissa mömmu um að hún þyrfti ekki að hafa áhyggjur, því gallinn myndi læknast sjálfkrafa og ekki hafa áhrif til seinni ára. þetta var aðeins partur af því sem fór fram í þessu samtali en eftir þennan fund við systur pabba fór mömmu að líða betur og vanlíðanin fjaraði út.

Svo varð raunin sú að ég fæddist með hjartagalla. Hann lagaðist að sjálfu sér sem er afar sjaldgæft og gerðist það einnig á mjög skömmum tíma miðað við hvað það getur tekið fyrir þennan tiltekna galla. Hjartalæknirinn minn sagði þetta kraftaverk.

Svo nú spyr ég þig sem og aðra sem halda því sama fram og þú:

Hvernig fær þetta mann ekki til að trúa á tilvist miðla, framtíðarsýnar og fólks sem sér liðnar manneskjur?

Ég á náttúrulega við að ef þú segir “ég trúi því því ég veit ekki hvort hann/hún er að ljúga” þá gætirðu endað á því að trúa mjög mörgu. Og ef þú sigtar út allt sem þér finnst fyrirfram vera ólíklegt og sigtar inn allt sem þér finnst vera líklegt ertu með verulega sterka staðfestingarhneigingu.

Ég veit svosem ekki hvað annað ætti að vera notað, finnst bara að einhver ætti að finna upp þannig

Finna upp hvað? Þú veist ekki einu sinni hvað þér finnst athugavert við hina vísindalegu aðferð svo það er greinilegt að þú vilt fá “eitthvað annað” bara vegna fordóma. Þú hefur í raun ekki hugmynd um hvað þú ert að gagnrýna og þú hefur ekki hugmynd um hvað þú vilt fá í staðinn. Þú veist bara að til er aðferðafræði sem hefur sýnt fram á ákveðnar niðurstöður sem þú neitar að horfast í augu við og vilt þess vegna breyta um aðferðafræði til þess að henta þeim hugmyndum sem þú vilt að séu sannar, en getur samt ekki bent á galla í aðferðafræðinni sjálfri.

Mér líður vel af því að hjóla, sumum líður vel af því að lyfta, öðrum líður vel af jóga, sumum líður vel af því að anda enn þá hægar og sofna í sófanum. Okkur líður oft vel… er einhver ástæða til þess að finna yfirnáttúrulega túlkun á því?

Ef þér líður vel af jóga, þ.e. að teygja og halda sér í erfiðum stöðum, haltu þá áfram að stunda jóga og njóttu þess. En ég sé enga ástæðu til þess að tengja það við eitthvað yfirnáttúrulegt. Ef þú getur gert það skaltu endilega segja mér hvernig það gengur fyrir sig.

Ég hef ekkert á móti því að einhverjir hálfvitar fari til Póllands og borgi þeim fyrir að sprauta vatni upp í rassgatið á sér. Mér er alveg sama þó einhver láti plata sig út í það að láta blóðsugur á húðina á sér til þess að sjúga út illa anda og mér er alveg sama þó einhver láti litla fiska narta siggið undan fótunum á okkur.

En það að ‘líða vel’ er enginn mælikvarði á því hvort eitthvað geri manni gott. Það hefur verið framkvæmdur fjöldinn allur af algjörum bull tilraunum þar sem fólk var látið ganga um með segla á sér, raðað utan á það ‘orkusteinum’ og það látið þylja ákveðnar þulur og alltaf sagðist fólkinu líða betur eftir á.

En ef einhver spyr mig hvort þetta sé RAUNVERULEGA gott fyrir mann eða RAUNVERULEGA hollt og lækni einhver mein þá svara ég af hreinskilni og með þeirri þekkingu sem ég tel mig hafa. Ef fólki líkar það ekki þá má það hundsa mig eins og það vill, en það sleppur ekki undan sannleikanum.

Svona hugsunarháttur getur hins vegar orðið mjög hættulegur þegar fólk eins og Vottar neitar að þiggja blóð og jafnvel sannfæra börnin sín um það að þau megi ekki þiggja blóð með þeim afleiðingum að þau deyja. Það er sorglegt og ég viðurkenni að ég verð hreinlega reiður þegar ég frétti af slíku.

En á meðan trúgjarnir aðilar eru tilbúnir að borga öðrum morðfé fyrir að láta blekkja sig en eru ekki að skaða aðra á meðan… þá er mér nett sama. Ég sest bara á hliðarlínuna í garðstól og með bjór, sem mér dettur ekki í hug að segja að sé góður fyrir mig, og hlæ :)

Jú, að reyna að fá fólk til þess að hætta að drepa hvert annað finnst mér mun mikilvægara en að fá alla til þess að hugsa eins og ég.

Svona hugsunarháttur gefur í skyn að einhver hafi rétt á því að deyða annan mann vegna þess að hann er ósáttur með greind hans, og með þínum eigin rökum þá ætti ég að hafa rétt á því að drepa þig þar sem ég er greinilega mun gáfaðri og þroskaðri einstaklingur en þú.

Ertu tilbúinn að leggjast í fallöxina, væni minn?
Eða á ég að þurfa að draga þig á hárinu inn í gasklefann?

hahaha xD.. góð pæling