Ég myndi hjálpa þessari stelpu sama hvað það kostaði samtals.
Það kannski kostar mikið að hjálpa henni og hún fær 30þús pund til að lifa af en það kostar líka mun minna að hjálpa afríkubarni.
Það sem þú ert semsagt að segja að þessi stelpa á bara ekki skilið að lifa eins og hin börnin?

Auðvitað á mismunandi tala við í mismunandi aðstæðum. Þú gerir þér grein fyrir því.

Það sem ég geri mér ekki grein fyrir er hvernig þú getur alhæft um hvort fólk eigi skilið það stjórnarfarslega ástand sem það er í eða ekki. Stundum gerir fólk sitt besta til að losna úr því, stundum gera jafnvel stórir hópar fólks sitt besta til að losna úr því, og mér finnst asnalegt að nota tölfræði til að dæma hvort það geri nóg eða sé of fjölmennt til að verðskulda ástandið.

Ég er bara að segja, að ríkisstjórnin í Úkraníu á að borga þetta

Og ég er bara að segja að það er ekki ríkisstjórnin sem borgar neitt, heldur fólkið, og að það sé auðvelt fyrir ríkisstjórnina að greiða niður bæði skemmdarverk og skaðabætur þegar buddur almennings eru raunverulega fjárhirslan.

Í bandaríkjunum eru 12,4% fólksins svart, og 15% fólksins trúlaust, samt eru þessi 12,4% mun valdameiri en þessi 15%.
Fer mikið eftir því hvað minnihlutahóparnir eru duglegir við að þrýsta.

Þetta er annað dæmi um hvers vegna þessi tölfræði þín fer í taugarnar á mér. Það þora allir að láta vita að þeir eru svartir nú til dags, enda erfitt að komast hjá því og mun minni mismunun milli svartra og annarra en var áður. Trúlausir, aftur á móti, geta átt yfir höfði sér félagslega útskúfun ef þeir dirfast að segja satt um trúhneigð sína (eða skort á henni). Þetta eru ekki sambærilegir hópar. Og þótt þeir væru það er ég ekki viss um að svartir séu valdameiri en trúlausir. Og jafnvel þótt þeir séu það sýnist mér trúlausir vera mikið betur staddir en svartir, þar sem þéttasti hópur þeirra er í vel launuðum akademískum störfum á meðan svartir eru með verst launuðu hópum Bandaríkjanna.

Allt þetta tölfræðibull þitt og alhæfingar er hægt að einfalda með því að segja bara að stundum á fólk skilið skitna ríkisstjórn, stundum ekki, og yfirleitt gildir ekki það sama um alla borgara landsins.