Hvað meinarðu? Hann tekur fram lágmarksfjölda af hvoru kyni fyrir sig.

http://www.althingi.is/altext/138/s/0465.html

Í stjórnum opinberra hlutafélaga og hlutafélaga þar sem starfa fleiri en 50 starfsmenn að jafnaði á ársgrundvelli skal hvort kyn eiga fulltrúa í stjórn þegar stjórn er skipuð þremur mönnum og þegar stjórnarmenn eru fleiri en þrír í slíkum félögum skal tryggt að hlutfall hvors kyns sé ekki lægra en 40%.

Bætt við 9. mars 2010 - 11:59

Í stjórn einkahlutafélags skulu eiga sæti fæst þrír menn nema hluthafar séu fjórir eða færri, þá nægir að stjórnina skipi einn eða tveir menn. Ef stjórn félags er skipuð einum manni skal valinn a.m.k. einn varamaður. Þegar stjórnarmenn eru tveir eða þrír í félagi þar sem starfa fleiri en 50 starfsmenn að jafnaði á ársgrundvelli skal hvort kyn eiga fulltrúa í stjórn og þegar stjórnarmenn eru fleiri en þrír í slíkum félögum skal hlutfall hvors kyns ekki vera lægra en 40%.

Haha :D

nei, bara óvitrari

Vegna þess að Loki er skomm stjórnandi og ætlar sko að banna þig ef þú hættirussu ekki.

Þú og þrír karlkyns vinir þínir geta ekki stofnað fyrirtæki þar sem þið eruð allir jafnir. Þið neyðist til þess að ráða óþarflega þrjár konur með til þess að þið fáið allir að stjórna eitthvað. Annars þurfa tveir ykkar að gefa upp sitt pláss.

Hvar er jafnréttið í því?

Við erum að tala um eitt einstakt málefni.

Annars fannst mér þessi útskýring þín frekar fáránleg. Þér finnst sem sagt að það eigi að setja kynjakvóta til þess að breyta skoðunum og hegðun fólksins?

Þú vilt sem sagt réttlæta það að setja lög sem meirihlutinn er ósáttur með, til þess að breyta viðhorfi hans?

Þetta eru einkafyrirtæki, geta þessir andskotans feministar ekki bara stofnað sitt eigið fyrirtæki og ráðið allir þær konur í stjórnarstöður sem vilja?

Það þarf ekki að vera. Ef búið er að útiloka stóran hluta hæfustu stjórnenda heimsins frá stjórnunarstörfum þá er þar á ferðinni starfskraftur sem getur áorkað þó nokkru ef tækifæri er til. Svo þurfa ekki að verða til “kvennafyrirtæki”, þeim fyrirtækjum sem ráða konur úr þessum “útilokaða” hópi ætti að vegna afar vel.

Verra er að fáar konur sækjast eftir forystustörfum (sem og öðrum “karlastörfum”). Það er bara samfélagsleg breyting sem þarf að eiga sér stað, og á sér stað.

Auðvitað ekki, en þetta er samt sem áður ástæða til þess að hata hana. Þó svo að maður hati kannski O og B líka.

það er gengið út frá því að helmingur vinnuafls séu konur og hinn helmingur sé karlar.. Þannig eru þessi lög sett fram..

Og það er alveg hægt að ganga út frá öðru hlutfalli með samkynhneigða, rauðhærða, dökkhærða, ljóshærða, kynskiptinga, innflytjendur, múslima, gyðinga og aðra hópa.

Ég sé ekki hvað vandamálið er.

Annars er mér alveg sama um þína reynslu yfir ævina, hún kemur málinu ekkert við.

Ég treysti ríkinu til að leiðrétta misskilning og fordóma sem hafa átt sér stað í hundruði ára.

Þá þarftu nú að lesa þér til um sögu síðustu hundruð ára því ríkið hefur mun oftar verið beitt í þágu fordóma heldur en gegn þeim. Frjáls markaður á í litlum vandræðum með að eyða fordómum.

Auk þess, hvernig veistu að þetta séu fordómar? Ef konur eru í raun lélegri stjórnendur þá eru þetta alls ekki fordómar heldur réttur dómur. Hvaða vísindalegu rannsókn geturu bent á til þess að styðja fullyrðingu þína?
Nei annars, á hvaða rannsóknum byggir Alþingi þessa ákvörðun? Eða er þetta bara pólitísk rétthugsun eins og hún gerist best?

konur eiga ekki að gjalda fyrir það á vinnumarkaði að vera konur. Þú veist það mætavel!

Einstaklingar eiga að gjalda fyrir það sem þeir eru og hagnast á því sem þeir eru.
Hvað næst, á ríkið að þvinga stelpur til þess að reyna við mig á djamminu til þess að tryggja það að ég lýði ekki fyrir mína feimni og hlédrægni?

Með þessu ertu að skerða áralanga baráttu karlmanna að fá fæðingarorlof. Í dag geta foreldrar skipt þessu jafnt á milli sín sem er eitt skrefið í átt að jafnrétti á vinnumarkaði.

Ég er á móti því að fæðingarorlof séu sérstaklega tilgreind í lögum. Þetta er eitthvað sem einstaklingar og stéttarfélög eiga að semja um við sinn vinnuveitanda. Kemur ríkinu ekkert við.

Ég mun aldrei hætta velta fyrir mér hvað fólk á skilið. Sem harður jafnréttindasinni mun það aldrei hverfa úr mínum sjónum!

Frekar brenglaður hugsunarháttur. Þú lætur eins og þú sért einhver guð eða keisari sem úthlutar fríðindum eftir því hvað þér finnst hver og einn eiga skilið.
Hvernig ætlar þú að ákveða hvor á skilið að fá hærri laun, kassastarfsmaður í Bónus eða skósmiður í Vesturbænum?

Þetta kallast miðstýring og áætlunarbúskapur, niðurstöður þess liggja þegar fyrir.

Frjáls markaður tengist að öllu leiti til hið harða kapital sem var meðal annars hér á íslandi og víðar um heim. Það virkar ekki!

Ég skil ekki hvað þú ert að segja? virka vélar og færibönd ekki?
Veistu í fyrsta lagi hvað kapital þýðir?

Konur eru ekki betri í bóklegum lærdómi. Ég get bara vottað fyrir það sjálfur þar sem ég hef gengið í gegnum 16 ár af bóklegu námi með prýðiseinkunnir. Munurinn er einfaldlega að karlmenn hafa haldið alltof lengi að þeir komist upp með það að læra ekki.. Og þeir hafa gert það!

Enn og aftur þá er þín persónulega reynsla ekki sönnun á neinu. Almennt þá fá stelpur hærri einkunnir í skóla heldur en strákar og standa sig iðulega betur í námi allt upp í háskóla. Þín persónulega reynsla kemur því ekkert við og mér er alveg sama um hvað þú ert tilbúinn að votta fyrir.

Ef að karlar ráða annan karlmann bara útaf þeir halda að þeir séu eins og þeir sjálfir þá er mikið að og svona lög bráðnauðsynleg!

Nei, því ef hann er ekki hæfasti aðilinn þá munu þau fyrirtæki vera verr rekinn og kvennafyrirtæki munu á endanum ná markaðsráðandi stöðu. T.d. lifði Auður Kapital, sem er nánast einungis rekið af konum, hrunið af á meðan ‘áhættusæknu’ karlafyrirtækin fóru á hausinn.

Hugsaðu þér ef Auður Kapital hefði verið þvingað til þess að fá fleiri karla í stjórn (líkt og verið er að gera núna), þá hefðu þær kannski farið á hausinn líka.

Nei þetta er ekki þeirra mál heldur mál sem varðar þjóðina.

Við erum að tala um fyrirtæki sem eru í einkaeigu, en ekki í eigu þjóðarinnar, og því kemur rekstur þessara fyrirtækja þjóðinni ekkert við. Eigendur fyrirtækisins taka ábyrgð á rekstrinum, þeir tapa þegar fyrirtækið tapar og þeir græða þegar fyrirtækið græðir svo það á einnig að vera þeirra ábyrgð að ráða stjórnendur sem þeir treysta best, SAMA hvort það séu karlar eða konur

Mundu að það er EKKERT sem stoppar þig í því að kaupa hluti í fyrirtækjum, mæta á fundi og kjósa konur í stjórn. Það eina sem þú þarft að gera er að kaupa hlutabréf og hafa áhuga.
En mér finnst þín aðferð fáránleg, að ganga upp að fyrirtækjum með byssu og skipa þeim fyrir.

Rikisvæðing fyrirtækja á íslandi er ekki svo slæm hugmynd.

Ríki kunna ekki að reka fyrirtæki, það er vitað mál. En mér er sama hvort það sé góð eða slæm hugmynd, það er nauðsynleg forsenda þess að ríki geti réttlætt afskipti sín að rekstri.

En málið er að þú bentir ekki á neinar staðreyndir. þú varst að fullyrða út í loftið og slíkt ber að gagnrýna.

Það er mjög flókið að mæla hvort rauðhærðir séu undir. Það þarf fyrst að reikna út hversu margir eru rauðhærðir á íslandi, vinnufærir, því rauðhærðu fólki hefur fjölgað og fleiri rauðhærð börn eru núna en t.d. fyrir 50 árum.

Síðan þarf að mæla fyrirtækin þar sem fólk er með litað hár. Einnig þarf að skilgreina hvað rauðhært sé. Er það sama að vera með dökkrauðhærðan lit sem er 50/50 að vera rauður eða brúnn? Auk þess hefur aldrei verið sannað að rauðhærðum sé útskúfað frá störfum meira en annað fólk.

Kynin eiga að vera jafnhæf vegna þess að þau eru það.

Bætt við 9. mars 2010 - 23:38
Þessi lög eiga líka að sanna að þau séu jafnhæf. Niðustöður frá norskum fyrirtækjum sanna það líka..

Það er gert allstaðar í vestrænum ríkjum. Svart fólk í bandaríkjunum fá stjórnendastöður fyrr en hvítir, konur fá þær fyrr í noregi en þetta er algengt að mér skilst víðar í evrópu.

Það er ekkert sem bendir til þess að karlmenn hafi meiri áhuga að stjórna fyrirtækjum en konum.