Já, ég veit að það er blautt úti enda er það ekki þurrkurinn sem ég er að tala um. Já, ég er að koma upp með kannabisumræðuna aftur. Vælið eður ei, þið hafið líka alltaf valið um að ýta á “back” og spara stafina.

En ykkur nei-segjurunum tókst það. Og ég spyr ykkur, hvað hefur breyst? Meðan þið mallið aðeins yfir því þá skal ég segja ykkur hvað hefur ekki breyst.


Það er ennþá kreppa.
Það er ennþá verið að fremja glæpi á götum úti.
Og það er ennþá mikið magn af unglingjadrykkju í gangi sem ER ennþá ólöglegt síðast þegar ég vissi. En ykkur er nú sama um það.

Það eina sem mun breytast er að Bob Marley dýrkendur (sem og ég sjálfur) munu gera eitt af þrennu:

A) Hætta (sem megnið mun gera því það eru tvö orð sem yfirvaldið hefur aldrei náð að fatta, “soft” og “drug”. Hvað þið getið verið heimsk kemur mér sífellt á óvart)

og fyrir hina sem geta ekki virkað án einhverskonar vímu

B) Fara í sterkari efni (sem verður á ykkar nei-segjandi höndum bé té tvöfalt vaff)

C) Drekka áfengi í mun meira magni og verða líklegast framtíðar alkahólistar (en aftur, það er allt í lagi. Þið Íslendingar með ykkar heilaga heiladrepandi áfengi)


Ég veit að ég hljóma mjög svo bitur en staðreyndin er að mín skoðun er að áfengi er skaðlegra. Og eftir nokkur skipti, þá verður maður pirraður á því að hlusta á rök um skaðsemi grass's frá fullum einstaklingum sem hafa þar að auki engann rétt til að drekka.

En það eru tvær hliðar á öllum málum og hér er hin: “Þeir gera ekki íslenska dílera eins og þeir gerðu áður.”

Sannari orð hafa aldrei verið sögð. Dílerar í dag nenna aldrei eða eiga aldrei. Þeir eru óvinalegir og óöruggir margir þeirra. Ó, og svindlarar. Hvað í fucking fuckanum? Þegar ég læt einhvern fá 7000 kr þá býst ég við magni eða allavega gæðum í samræmi við það. En nei, sumir taka óspilltustu iðju í heimi og spilla henni. Ég vill gamladagadílerana (GDD) sem voru metnaðarfullir, með góðan skít og nenntu nánast hvar sem er, hvenær sem er.

En notabene, fólk hefur reykt gras í þúsundir ára. Og ef þið haldið að þessi þurrkur sé eitthvað annað en tímabundinn þá eruð þið mjög fáfróð og barnaleg verð ég að skrifa. Þar sem er eftirspurn verður alltaf einhver með framboð. Staðreynd. Og bara svona í lokin ætla ég að blása á nokkrar af þessum “staðreyndum” ykkar. Ef þið hafið eitthvað fleira endilega komið með það og ég blæs á það líka.


“Kannabis gerir fólk óvirkt í samfélaginu.”

Það sem fólk verður að byrja að fatta er að gras (eins og allt annað) er persónubundið. Þótt það geri suma “óvirka” (hvernig sem það virkar) þá er stóri meirihlutinn sem stendur eftir mjög venjulegt fólk sem er í starfi, skóla etc. Þessi alhæfing gerði mig bara reiðann þegar ég las hana í Fréttablaðinu á sínum tíma.

“Gras leiðir útí sterkara efni.”

Nei, gras hefur ekkert með það að gera. Fólk leiðir útí sterkara efni. Það er bara spurning um aga og sjálfstjórn.

Fun fact: Ég (eins og margir aðrir) var fullur þegar ég prófaði gras í fyrsta skipti. Svo hvað leiðir raunverulega útí sterkara efni?

Í þessum þræði er ég ekki að dissa neinn nema þið takið það inná ykkur sem er ekki mitt vandamál þegar þú pælir nógu mikið í því.

Með von um lögleiðingu og skattleggingu (endilega)





BigBud