Mörgum sem þjást af ,,mildu" þunglyndi gæti liðið strax betur eftir að hafa rætt við einhvern um vandamál sín.

· Vonleysi - Kvartað yfir ýmsu, s.s. peningaleysi, vinnuna, hávaða, umhverfið, einsemd, skort á ást og umhyggju og erfiðleika með einbeitingu. Þá eru sjálfsvígshótanir, sjálfsvígstilraunir, aukin sektarkennd, vantraust á eigin getu og grátur einnig algengt hegðunarmynstur.

· Einangrun - Draga sig til baka félagslega, tala ekki við aðra, missa úr vinnu, erfiðleikar að tjá sig og tala við aðra, minnkuð matarlyst, lágróma rödd, breytingar á þyngd, sterk tilhneiging til þess að liggja fyrir uppi í rúmi, minnkuð kynferðislöngun, vanræksla um eigið útlit og minnkuð ánægja með að gera það sem áður var gaman.

· Doði - Tómleikakennd, depurð, dofin tilfinning fyrir nánast öllu, síþreyta, taugaveiklun, eirðarleysi, leiði, áhugaleysi, finnst sem aðrir hafi yfirgefið sig eða gefist upp á sér og minnkaður áhugi á samskiptum við aðra, á kynlífi, mat, drykk, tónlist, o.s.frv.

· Skert hæfni - Sífellt að væla eða láta sér leiðast, skert skopskyn, slök skipulagshæfni og vangeta til þess að leysa úr eða sjá út lausnir á minni háttar vandamálum.

· Neikvæð viðhorf - Lélegt sjálfstraust, sjálfsmyndin neikvæð, svartsýni, vonleysi, hjálparleysi, að gera ráð fyrir hinu versta, sjálfsásökun, sjálfsgagnrýni, sjálfsvígshugsanir.

· Líkamleg einkenni - erfiðleikar með svefn (erfitt að sofna, sofa mikið eða vakna snemma), kynhvöt í lágmarki, léleg matarlyst, þyngdaraukning eða þyngdarminnkun, meltingartruflanir, hægðartregða, höfuðverkir, svimi, sársauki og aðrar álíka kvartanir eða einkenni .

Áhrif þunglyndis á vinnuna

Þunglyndur maður getur farið að hegða sér undarlega eða er ekki eins og hann á venjulega að sér. Samstarfsmenn hans geta til dæmis tekið eftir því að hann

· vinnur óvenju hægt

· gerir fleiri mistök en hann er vanur

· getur ekki einbeitt sér

· gleymir mörgu

· mætir seint til vinnu og á fundi

· mætir alls ekki

· lendir í þrasi og rifrildum við samstarfsmenn sína

· á erfitt með að deila út verkefnum til annarra

· leggur of hart að sér, eða reynir að gera það