Þetta er náttúrlega leikur sem endist út allt partýið þannig það er hægt að fara í aðra á meðan :)

en passaður bara að kaupa nógu stórar teygjur, helst þykkar líka :)

Ojj, ég var búin að skrifa langt svar, sendi það inn og þá datt ég útaf :/ Kjáni ég að copya ekki.

Allavega, leikurinn virkar þannig að allir setjast í hring og einn byrjar. Hann slær (létt, við viljum engin slys :P) á öxlina á sér og segir “einn”. Ef hann slær á hægri öxlina á sá sem er hægra megin að segja “tveir” og slá á öxlina og öfugt. Það má alltaf ráða í hvora áttina maður vill fara. Svo gengur þetta svona áfram þangað til kemur upp í 8, þá á sá sem segir 8 að setja aðra höndina fyrir ofan hina (lárétt) og ef neðri höndin bendir til hægri á sá sem er til hægri að gera næst og öfugt. Næsti segir þá níu og slær á öxlina eins og í byrjun. Svo gengur þetta áfram þangað til kemur að 10. Sá sem segir 10 á að benda á einhvern í hringnum og sá sem hann bendir á segir þá 11 og gerir eins og í byrjun. Þegar er komið upp í 16 gerir maður eins og í 8 nema þá gildir efri höndin. Svo gengur þetta áfram upp í 20 og þá er eins og í 10 nema sá sem segir 20 á að þegja og benda á næsta mann. Næsti á að segja 21, sem er frekar triky því enginn sagði 20 og maður heldur að maður eigi að segja það :) Eftir 21. eru held ég ekki til neinar reglur, enda mjög sjaldgæft að komast lengra. Þá má segja að maður hafi unnið leikinn.

Þetta á auðvitað að ganga frekar hratt fyrir sig og sá sem hikar of lengi eða ruglast tapar. Hann á að byrja aftur á byrjun og ef þetta er drykkjuleikur á hann líka að drekka. Þegar ég var í þessum leik var ég edrú og líka nokkrir aðrir og það var bara mjög gaman, svo hann hentar mjög vel sama hvort allir eru að drekka eða ekki.

Þá er fyrst einn sögumaður sem stjórnar öllu. Allir hinir “sofna”, loka augunum og mega ekki horfa. Þá pikkar sögumaðurinn í bakið á öllum, eitt fyrir venjulegan borgara, tvö fyrir morðingja, þrjú fyrir löggu og fjögur fyrir lækni (má svosem vera í annarri röð, bara meðan allir muna hvað er hvað). Það mega vera 2 eða jafnvel 3 morðingjar, bara eftir fjölda. Mega líka vera fleiri læknar og löggur, sérstaklega ef það eru 3 morðingjar. En þá þurfa margir að vera að spila.

Svo eru nokkrar “nætur” eða umferðir í leiknum. Á hverri nóttu vakna fyrst morðingjarnir og ákveða einn leikmann til að drepa (og það er leyfilegt að drepa annan morðingjann til að villa fyrir fólki :P). Næst vaknar læknirinn og ákveður hvern á að lækna, og ef það er sá sem morðingjarnir völdu dó enginn þá nótt. Læknirinn má velja sjálfan sig einu sinni í leiknum. Svo vaknar löggan og hún fær að tékka á einum leikmanni, hvort hann er morðinginn eða ekki. Sögumaðurinn gefur þá merki, já eða nei. Svo vakna allir borgarbúar og ef það var framið morð þá nótt á að reyna að rökræða um hvern á að sakfella. Þá reyna morðingjarnir náttúrulega að plata sig útúr þessu, ljúga að þeir séu löggur og eitthvað, sem getur orðið mjög skemmtilegt :) Svo ef borgarbúar ákveða að einhver sé morðinginn deyr hann bara (eða fer í fangelsi) og er úr leik. Á endanum eru annað hvort borgarbúar eða morðingjar eftir og þeir vinna.

Svo á sögumaðurinn náttúrulega að spinna í kringum þetta, segja skemmtilega frá og svona.