Undanfarna daga er ég búinn að vera alveg þvílíkt heppinn..

Í fyrradag var ég að kaupa mér kók og snickers og afgreiðslumaðurinn sem afgreiddi mig var alveg þvílíkt ruglaður því að ég borgaði með 500 kalli og fékk til baka eins og að ég hefði borgað með 5000 kalli þannig að ég fékk u.þ.b. 4700 til baka, ég var nú bara sáttur þannig að ég labbaði bara út og lét hann ekkert vita af mistökunum.

Seinna um daginn þá mátti ég fara kaupa mér hjól og mamma lét mig hafa 60.000 í 5000 köllum.. Svo þegar ég mæti í hjólabúðina þá sé ég þetta fína hjól á bara 29.000 þannig aða ég keypti það og mamma gleymdi að biðja mig um afganginn þannig að ég átti alveg fullt af pening eftir.

Svo, í dag, fór ég í bankann og lagði inn þennan 15.000 kall sem ég fékk og spurði um stöðuna á bankareikningnum og þá átti ég 114.000 kall, sem ég var bara mjög sáttur með.

Síðan, fyrir svona 2 tímum fæ ég tölvupóst og viti menn, ég var víst skyldur Kanadískum hertoga að nafni Lord Stein Marshall sem lét lífið í síðustu viku og ég á að fá að eiga kastalann hans, landið í kring og 82 milljónir. Það eina sem ég þurfti að gera var að senda smá ‘Good will money’ eins og þeir orðuðu það, 1500 kandadíska dali, sem eru akkúrat 112.000 kall inná reikninginn hans, sem ég fæ svo afhent aftur 7 dögum seinna ásamt 82 milljónunum og eignunum hans, haha, góð skipti ?

Er ekki búinn að láta foreldrana vita, ætla bara að bíða eftir peningunum, bjóða þeim út að borða og segja þeim það þá, þau verða örugglega furðulostin, haha..

..Og ef e-r segir e-ð ljótt um mig eða að þetta sé bara plat þá er sá hinn sami bara öfundsjúkur, ég veit að þetta er satt því að það var mynd af kastalanum í e-mailinu og svo var mynd af hertoganum og hann er með grá-blá augu eins og ég, þannig að við erum líklega náskyldir.

Haha, djöfull er maður ánægður núna.. Engar fjármálaáhyggjur, ég var einmitt búinn að spara lengi fyrir nýrri tölvu, vantaði ennþá svona 30.000 uppá tölvuna sem mig langaði í en eftir viku, þá get ég keypt allar tölvur sem ég vil :)