Lögbannskrafa staðfest og Torrent vefnum lokað
Sýslumaðurinn í Hafnarfirði hefur staðfest kröfu um lögbann gegn vefsíðunni Torrent.is og hefur síðunni verið lokað, að sögn Snæbjörns Steingrímssonar, framkvæmdastjóra Samtaka myndrétthafa á Íslandi (SMÁÍS). Að sögn Snæbjörns lokaði eigandi Torrent, Svavar Lúthersson, sjálfur síðunni en honum var gefinn klukkustund til þess að öðrum kosti hefði lögregla lokað henni.

Þeir sem standa að lögbannsbeiðninni eru SMÁÍS, SÍK (Framleiðendafélagið), STEF (Samband tónskálda og eigenda flutningsréttar) og FHF (Félag hljómplötuframleiðenda). Þessi sömu rétthafasamtök höfðu áður lagt fram opinbera kæru gegn eiganda síðunnar, Svavari Lúthersyni, en þar sem ekkert hafði verið aðhafst að hálfu yfirvalda í yfir 8 mánuði síðan kæran var lögð inn sáu rétthafasamtökin sér engan annan kost en að höfða einkamál og fara fram á lögbann gegn þessari síðu, samkvæmt upplýsingum frá SMÁÍS.

Að sögn Snæbjörns lögðu lögbannsbeiðendur fram tryggingu fyrir lögbannsbeiðninni og munu síðar í vikunni höfða staðfestingarmál fyrir héraðsdómi.

NEEEIII!