Helv. skemmtilegt að lesa þetta svona sér til dægradvalar…

Eftirfarandi er tekið af www.malefnin.com

Opið bréf til Gunnars í Krossinum, Jón Vals Jenssonar, Snorra í Betel sem og annarra bókstafstrúarmanna sem hafa “sannleikann” sín megin og birtu m.a. auglýsingu í Morgunblaðinu sl. sunnudag varðandi “lækningu” við samkynhneigð:


Kæru bókstafstrúarmenn,
kærar þakkir fyrir upplýsa fáfróðan almenning á Íslandi varðandi “Guðs lög” sem og um „sannleikann“. Það er ljóst að það er mjög margt sem maður getur lært af ykkur - vitrari mönnum - og ég reyni t.d. að miðla ykkar fróðleik eins víða og ég get, þar sem ég tel ykkur vera eins og þið segið – boðbera sannleikans í einu og öllu.
Það eru hinsvegar nokkur atriði sem ég þarf aðstoð með varðandi ”Guðs orð“ því eins og þið bendið alltaf á, er sannleikann að finna í guðs orði sem og að orð Guðs er óbreytanlegt og eilíft.
Eftir að hafa lesið Guðs orð undanfarið langar mig að biðja ykkur um að fræða mig aðeins um eftirfarandi:

1. Mig langar til að selja dóttur mína í þrældóm eins og leyft er í Exodus 21:7 - hvað teljið þið eðlilegt markaðsverð fyrir hana, þar sem þið eruð jú sérfræðingarnir hérna, hún er 18 ára og gullfalleg.

2. Ég veit að ég má ekki hafa neitt samband af neinu tagi við konu á meðan hún er ´”túr“ sbr. Lev 15:19-24….vandamálið er hvernig ég segi henni þetta ? Virðast flestar bara móðgast…..

3. Í Lev 25:44 segir skýrt að ég megi hafa þræla - bæði karlmenn sem og konur, svo framarlega sem þeir eru keyptir frá nágrannalöndum okkar. Vandamálið er að ég er mjög hrifinn af Þjóðverjum og því langar mig að spyrja af hverju ég megi ekki eiga þræla frá Þýskalandi þótt það sé ekki nágranaland okkar ?

4. Ég á vin sem krefst þess að vinna á ”Sabbath" deginum. Í Exodus 35:2 segir skýrt að hann skuli tekinn af lífi fyrir slíkan óhæfuverknað. Er ég skyldugur til að drepa hann sjálfur eða get ég látið öðrum það eftir ?

5. Í Lev 21:20 segir skýrt að ég megi ekki nálgast altari guðs hafi ég sjónskekkju, þ.e. ekki fullkomna sýn. Ég verð að viðurkenna að ég nota lesgleraugu - er ekki eitthvað svigrúm hérna svo ég geti nálgast altari guðs ?

6. Flestir karlkyns vinir mínir fara í klippingu og snyrta nefhár o.s.frv. þrátt fyrir að þetta sé stranglega bannað skv. Lev 19:27. Á hvaða hátt ber að taka þessa menn af lífi ?

7. Frændi minn er bóndi. Því miður brýtur hann Lev 19:19 þar sem hann er með tvær uppskerur á sömu jörð. Kona hans brýtur einnig sama ákvæði Guðs orðs með því að nota 2 mismunandi efni í fötin sín (Cotton/Polyester). Hann blótar einnig og rífur kjaft. Er það virkilega nauðsynlegt að safna öllum bæjarbúum til að grýta þau til dauða eins og segir í guðs orði (Lev 24:10-16) ? Er ekki bara hægt að brenna þau til dauða innan fjölskyldunnar, eins og við gerum við fólk sem sefur hjá ættingjum sínum ?

Ég veit að þið hafið skoðað og lært þessar kenningar í einu og öllu svo ég er sannfærður um að þið getið hjálpað. Og síðast en ekki síst - bestu þakkir fyrir að benda á að Guðs orðs er ÓBREYTANLEGT og EILÍFT.

Bestu kveðjur,
Fáfróðu