Krikinn fyrir 18 árum, 1 mánuði Fjöldi lestra: 487

Hlutleysi

Eiga samtök á borð við Slysavarnarfélagið Landsbjörg ekki að gæta hlutleysis? T.a.m. hvað varðar stjórnmál?

Mér finnst a.m.k. persónulega mjög rangt að Jón Gunnarsson (www.jongunnarsson.is) framkv.stj. Landsbjargar skuli auglýsa framboð sitt í prófkjöri Sjálfstæðismanna með mynd af sér í Landsbjargarfatnaði…

Hvað finnst ykkur?

Tengill á auglýsinguna (sem birtist m.a. í Fréttablaðinu sunnudaginn 5. nóvember): http://vefblod.visir.is/public/getFile.php?type=image&file=1_18_5.jpg

andrivig fyrir 18 árum, 1 mánuði

Hvað þetta mál varðar finnst mér sem Slysavarnarfélagið Landsbjörg sýni algjört hlutleysi.

Útlit auglýsingarinnar er á ábyrgð frambjóðandans, Jóns Gunnarssonar, sem reyndar er framkvæmdastjóri Slysavarnarfélagsins Landsbjargar.
En er í raun svo hræðilegt að hann birti auglýsingu þar sem hann er klæddur í einkennisfatnað SL? Oft kannast fólk betur við björgunarsveitarfatnaðinn heldur en nafnið á samtökunum og væntanlega er Jón að nýta sér þau áhrif.
Eins finnst mér auglýsingin sýna fram á að hann sé ekki alltaf í jakkafötum í vinnunni (sem framkvæmdastjóri SL) heldur er hann einnig björgunarsveitarmaður að uppruna og tekur væntanlega þátt í félagsstarfinu, hvort sem er á vegum SL eða þeirrar sveitar sem hann hefur byrjað í.

Og til að koma minni skoðun á hreint, þá finnst mér sem Slysavarnarfélagið Landsbjörg sé ekki að hafa áhrif á stjórnmálin í landinu með framboði Jóns Gunnarssonar.
Hins vegar á SL að láta rödd sína heyrast þegar málefni stjórnmálamanna snerta starfsemi þess. Annað væri óeðlilegt.

Ps. Sjálfur er ég í björgunarsveit svo það sé á hreinu.

Kveðja,

Fyrra álit

[Notanda eytt] fyrir 18 árum, 1 mánuði

Ég veit svosem ekkert um þennan gaur, en varð bara að commenta á þetta:

Eins finnst mér auglýsingin sýna fram á að hann sé ekki alltaf í jakkafötum í vinnunni (sem framkvæmdastjóri SL) heldur er hann einnig björgunarsveitarmaður að uppruna og tekur væntanlega þátt í félagsstarfinu, hvort sem er á vegum SL eða þeirrar sveitar sem hann hefur byrjað í.

Það er ef ég á að segja satt makalaust hvað yfirmenn geta skotist oft úr jakkafötum í vinnuföt þegar myndavélar eru nálægt. Ekki að segja að þessi gaur sé ekki neitt að vinna ‘on the field’ en bara að myndir í blöðum segja nákvæmlega ekkert um hvort manneskjan vinnur svona frá degi til dags(eða hvort hann sé að vinna þetta 5 mínútum eftir myndartökuna).

Fyrra álit

andrivig fyrir 18 árum, 1 mánuði

Raunin er reyndar sú, að hann er ekki í jakkafötum í vinnunni, enda hálf asnalegt að gíra sig upp í jakkaföt í þessari vinnu.
Flestir starfsmenn á skrifstofu SL eru þó í skyrtum merktum SL og karlmennirnir þar að auki með bindi. Svo passar flíspeysa SL merkilega vel við þessa skyrtu þannig að starfsfólkið er oftast vel merkt SL í vinnunni.

Eins mætir Jón aldrei í vital fyrir hönd SL án þess að vera í einkennisfatnaði SL og sama gildir um aðra starfsmenn SL.
Svo má líka benda á að SL eru ekki beint jakkafatasamtök, nema um hátíðlegri atburði er að ræða. Annars hentar betur sá fatnaður sem SL hefur látið hanna og útbúa og er merktur samtökunum, þægilegur og góður klæðnaður.

Kveðja,

Fyrra álit

Krikinn fyrir 18 árum, 1 mánuði

Eins mætir Jón aldrei í vital fyrir hönd SL án þess að vera í einkennisfatnaði SL og sama gildir um aðra starfsmenn SL.

Það er mjög eðlilegt að svo sé, sama gildir um Rauða kross starfsmenn og starfsmenna annrra hlutlausra samtaka. En það að koma fram fyrir hönd samtaka er ekki það sama og að koma fram sem persóna, t.d. í auglýsingu vegna persónulegs framboðs í prófkjör. Því skal ekki rugla saman og skal halda að öllu leyti aðskildu. Segsagt, “vinnuföt” (í þessu tilfelli einkennisfatnaður SL) í vinnunni og “persónuleg föt” annars (t.s. í auglýsingum).

Fyrra álit

Krikinn fyrir 18 árum, 1 mánuði

Við lítum greinilega ekki eins á málið, sem er gott og blessað, en:

Oft kannast fólk betur við björgunarsveitarfatnaðinn heldur en nafnið á samtökunum og væntanlega er Jón að nýta sér þau áhrif.

Ég verð að segja að það finnst mér rangt. Í kosningabaráttu á ekki að nýta sér það hve hlutlaust félag á borð við SL er þekkt.

Fyrra álit

andrivig fyrir 18 árum, 1 mánuði

En þetta er samt ekkert nýdæmi, hafa stjórnmálamenn í framboði ekki áður birt myndir af sér í auglýsingum þar sem þeir eru að tengja sig ýmsum sviðum?

Vissulega eru skiptar skoðanir á þessu, en persónulega finnst mér ekkert að þessari auglýsingu Jóns. Á maður ekki að benda á sín sterkustu svið? Gæti auglýsingin ekki verið að benda bæði á reynslu hans af slysavarnarstörfum og ýjað að því að talsvert vanti enn uppá í þessum málum sem hann vill bæta úr?
Gæti það ekki verið ein aðalástæðan fyrir framboðinu?

Ég viðurkenni alveg að þetta eru að mestu getgátur hjá mér varðandi hvað býr að baki auglýsingunni, en eins og ég sagði, þá hef ég ekkert út á auglýsinguna sem sjálfa að setja.

Kveðja,

Fyrra álit

Krikinn fyrir 18 árum, 1 mánuði

Eins og áður sagði eru skoðanir okkar á þessu greinilega gjörólíkar og ekkert við það að athuga.

Sé ekki ástæðu til að fara út í neitt rifrildi við þig út af þessu, þó svo að mér finnist til betri leiðir til að benda á sína styrkleika en að birta mynd af sér í fatnaði hlutlausra góðgerðar samtaka. Slíkar myndbirtingar í íslenskri pólitík tel ég nýdæmi, svo ég noti þitt orðaval.

Góða helgi.

Fyrra álit

andrivig fyrir 18 árum, 1 mánuði

Maður verður samt líka að geta haft gaman af ólíkum skoðunum, án þess að hlutirnir fari í háaloft.

Þakka þér fyrir skemmtilega umræðu og óska þér góðrar helgar.

Kveðja,

Fyrra álit

[Notanda eytt] fyrir 18 árum, 1 mánuði

ég sé ekki tilgangi með hlutleysi í þessu ákveðan máli.

Helduru að ef hann komi og er að fara að bjargi einhverjum að sá maður komi bara Ha nei ég læt ekki bjarga af einhverjum sjálfstæðismanni.

Fyrra álit

Tilveran

Tilveran

Ofurhugar

Stjórnendur

Hverjir eru inni

Korkar - Nöldur

Hlutleysi

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi