Þetta slagorð sem ég heyrði fyrst fyrir nokkrum árum, hefur aldrei átt vel við finnst mér. Fyrr en nú, þegar menn ganga lausir sem eru ekki með fullu ráði og þó lögreglan standi þá að verki fá þeir enga refsingu.

http://mbl.is/mm/frettir/innlent/frett.html?nid=1231465

Frétt af nauðgun í Reykjavík? Einu sinni þóttu þetta tíðindi. Núna er þetta hluti af daglegu lífi, svona fréttir sem koma svo oft að maður er hættur að nenna að hugsa um það. Því miður, þetta stefnir í það.

Ég er að horfa á fréttirnar á stöð 2 núna, fyrsta fréttin var af nauðgun. Kom ekkert á óvart, þetta virðist vera einhver tískubylgja meðal manna sem eru úti að skemmta sér að taka eina konu afsíðis og nauðga. Meina, maður tapar nákvæmlegu ENGU á því að nauðga. Sérstaklega einhverjum drukknum gellum í miðbænum, því jú, ef svo ólíklega vill til að þær muni eitthvað eftir þessu, og hið ótrúlega gerist að hún nenni að kæra, þá er auðvitað ekki nein refsing, því hver vill kenna aumingja köllunum sem fá engar stelpur með sér heim um að vilja bara svala þörfum sínum? Það eru KONURNAR sem eru drukknar, KONURNAR sem eru í æsandi fötum, ÞÆR sem bjóða upp á þetta með því að labba ein síns liðs í miðbæ Reykjavíkur, ætti ekki frekar að dæma hana fyrir að freista aumingja mannsins? Þetta er orðið kjaftæði…

Í fréttinni núna áðan var talað um konu sem var nauðgað á klósetti á skemmtistað. Eða, tilraun til nauðgunar, þetta tókst nú ekki alveg hjá aumingja köllunum… Hvað gerist? Jú, þeir eru yfirbugaðir, og löggan kemur. Æðislega íslenska löggan, loksins komin til að reyna að sýna að það er ljótt að nauðga. En neinei, þeir fara upp á stöð, eru yfirheyrðir, og sleppt aftur. Við vitum öll hvaða skilaboð þetta sendir út í samfélagið, er það ekki?
Svo voru þessir menn frá útlöndum, það þarf að senda þá heim. Ekki að hætti lögreglunnar í einkaþotu með leðursætum, plasmasjónvarpi, kampavín og kavíar, heldur fleka yfir Atlantshafið og áleiðis til Litháens og Póllands þaðan sem þeir komu.

Ef það ólíklegasta í heimi gerist, að svona fólk sé dæmt, þá er það ekki neinn dómur, en það er náttúrulega bara kafli út af fyrir sig, sem ég nenni ekkert að fara út í. Nema jú, fangelsin eru eins og hótel, einnar til tveggja stjörnu. Það þarf að gera þau ógeðslegri og lélegri, sérstaklega fyrir þessa alvarlegu glæpi sem drepa sálir og líkama.

Jæja, samt er ekkert sem fólk getur gert í þessu, svona er bara samfélagið að þróast, og ekkert við því að gera, nema bara passa sig.
Ég sjálfur fer aldrei niður í miðbæ, og hef ekki farið þangað að nóttu til síðan á menningarnótt einhvern tímann um aldamótin. Og ætla mér ekki, þegar nauðgarar ganga lausir geta ofbeldismenn það líka, og ég vil ekki lenda í því, því það væri ekkert mál að yfirbuga mig og berja mig til dauða…


Athugið, þetta er bara nöldur í mér, veit að allir eru komnir með leið á þessu umræðuefni, langaði bara að leggja orð í belg.

Takk fyrir að lesa,
kveðja,
Vansi.