Ég verð nú sjálfsagt hengdur fyrir þetta en ég verð aðeins að taka upp hanskann fyrir DV, að ég tali nú ekki um piltana sem voru að ásaka hann um þessa hræðilegu glæpi.

DV hafa OFT komið með svipaðar forsíðu hjá sér, nýlegt dæmi er svefnnauðgarinn Stefán Hjaltested - þá heyrðist ekki múkk í ykkur siðapostulunum, hver er ástæðan fyrir því… þurfa glæpamenn semsagt að hengja sig til að fá samúð?

Svo finnst mér menn vera að gleyma piltunum sem urðu fyrir barðinu á honum, þeir hafa sjálfsagt verið í mörg ár að mana sig upp í að segja frá þessum atburðum - fara sjálfsagt í DV til að reyna fá fleiri fórnarlömb til að gefa sig fram í málinu.

Ef einhver hér heldur að fullorðnir menn stígi upp opinberlega og segi frá því hvernig þeir voru misnotaðir kynferðislega í æsku í einhverju gríni þá eruð þið alvarlega veruleikafirrt.

Ég þekki til á Ísafirði og síðan ég man eftir mér þá hef ég heyrt sögur af þessum manni, það hafði bara enginn kjark í sér til að koma fram og segja frá því fyrr en núna.

og hvað fá þessir piltar í staðinn - jú, þjóðin rís upp á afturfæturna og tekur upp hanskann fyrir manninn sem gerði sitt besta til að eyðileggja líf þeirra, og þurfa þeir ofan á allt annað að hafa “morð” hans á samviskunni.

Sé þessi maður sekur þá verður að segja honum til hróss að hann spilaði rétt úr sínum spilum, kominn á efri ár þegar glæpir hans eru við það að komast upp og tekur þá ákvörðun að kála sér bara til að þurfa ekki að takast á við fortíðardraugana - og kemur trúlega í veg fyrir einhverja opinbera umræðu um málið, því öll erum við nú Englar eftir dauðann.

Hugur minn er svo sannarlega ekki hjá þessum manni sem hengdi sig, heldur hjá þessum veslings piltum sem þurfa nú að takast á við þetta líka, ofan á allt annað.

Ef að annar þeirri skyldi svo taka líf sitt líka, hverjum er þá um að kenna - DV….

Eða lýðnum sem tók upp hanskann fyrir kvalara þeirra eftir dauðann?


BTW - Í öllum þessum forsíðufarsa síðan DV byrjaði á þessum myndbirtingum, er einhverjum kunnugt um að “fórnarlamb” þeirra hafi sýknað af þeim kynferðisglæpum sem þeir voru sakaðir um?