Ég er ekkert að réttlæta það sem hann gerði endilega, ég var bara að meina að ég hefði líklega gert þetta hið sama sjálfur. Því að örugglega meirihluti þeirra sem lesa fosíðukorkana eru í skóla eða hafa nýlega verið í skóla og því góðar líkur á að einhver þar geti bent manni á glósurnar sem maður þarf.
Frekar heldur en á skólaáhugamáli sem mjög takmarkaður fjöldi notenda skoðar.

Svo maður tali nú ekki um þegar málefnið tengist einhverri tímaþröng eins og til dæmis prófi sem maður þarf að taka eftir segjum 1-3 daga, þá tel ég nú vænlegri kost að pósta fyrirspurn á síðu sem mörg þúsund manns lesa á degi hverjum frekar en síðu sem kannski nokkur hundruð lesa.

Og að lokum vil ég bara segja að mér finnst nú svona korkar töluvert gagnlegri heldur en þessir eintómu gelgjukorkar sem virðast hafa það að markmiði undanfarið að drekkja þessum annars ágæta vef í heimskulegum skrifum og leiðindar-lesefni.