Eftir að Bretar og SÞ úthlutuðu gyðingum og múslimum hvorum um sig helmning af landsvæðinu þrátt fyrir að gyðingar væru þá í minnihluta á þessu svæði, þá fóru hryðjuverkamenn gyðinga fram og ráku araba af svæðum sem þeim höfðu verið úthlutuð og drápu fólk í hrönnum. Með stuðningi Bandaríkjamanna gátu þeir alltaf unnið og tóku meira og meira svæði þegar arabarnir ætluðu að reyna að ná því aftur sem var búið að taka af þeim. Eins og nú er komið eru arabarnir komnir niður í smá landskika þar sem eru engin vatnsból og því ekkert hægt að byggja upp. Gyðingar ráða yfir vatninu til þeirra og skrúfa oft fyrir það ef þeim sýnist sem er náttúrulega bara dauðadómur á þessu svæði. Ertu svo hissa á að arabarnir séu smá fúlir?

Þegar gyðingar hafa verið að bjóða þeim sjálfstæði, þá er það alltaf með þeim skilyrðum að jú, þeir fá engin vatnsból og gyðingar hafa þá í skrúfstykki. Í sambandi við landnema gyðinga, þá eru þeir að brjóta alþjóðalög því það má ekki nema land á svæðum sem hafa verið hernumin og SÞ hefur oft gert athugasemdir við það en ekkert hlustað á það. Múrinn sem er verið að byggja sker vatnsbólin síðan endanlega frá aröbunum og sker byggðir þeirra í sundur fyrir utan að skera sums staðar ræktarland frá eigendum þess.