Neinei, það er enginn munur á þessu. .html og .htm er það sama; einnig jpg og jpeg. Skýringin liggur að mestu í að gamalt DOS (og til skamms tíma Windows) skráakerfi (gamla FAT) notaðist við svokölluð 8.3 skráanöfn (8 stafa nafn + 3 stafa ending) meðan UNIX kerfi hafa frá upphafi boðið upp á mun lengri nöfn. Oftar en ekki hafa menn notað fjögurra stafa endingar (það sem kemur á eftir síðasta punkti í skráarnafni) á borð við .conf .mpeg .jpeg og .html meðan DOS/Windows heimurinn hallast meira að .cfg .mpg .jpg og .htm svo dæmi séu tekin.

Þegar um vefinn ræðir veltur það á stillingum hvers vefþjóns fyrir sig hvernig hann afgreiðir mism gerðir skrá; bæði á svokallaðri MIME gerð (sem ákveður hvernig vissar skrár eru kynntar clientum/browserum) og svo hvernig hann höndlar skrárnar sjálfur.

Þessi lína í MIME skilgreiningarskrá cartman.hugi.is ákveður t.d. að senda skuli “text/html” header fyrir skrár sem enda á .htm og .html:
text/html html htm

Eftir þessu fer svo browserinn (nema reyndar IE, hann fylgir þessu mjög asnalega) þegar hann ákveður hvað hann á að gera við skrána, EKKI endingunni.