Það var þáttur af Judge Judy um daginn, fyrir þá sem ekki vita þá er hún sjónvarpsdómari sem er rosalega grimm við fólk og rakkar það alveg niður og fólk getur farið til hennar í staðinn fyrir alvöru dómara ef það langar að komast í imbann.

Alla vega þá kom maður sem var að kæra konu fyrir að hafa hellt yfir hann kóki í bíói. Hann sagði að þetta hefði eyðilagt augun hans og hann gæti ekki lengur verið með linsur. Það kom í ljós að hann hafði í fyrsta lagi komið seint á myndina og síðan verið að kjafta við vin sinn. Konan hafði beðið þá að hætta en hann var bara með dónaskap við hana og svo héldu þeir áfram að kjafta. Hún ákvað þá að yfirgefa bíóið og þegar hún labbaði framhjá honum á leiðinni út hellti hún úr glasinu sínu yfir hausinn á honum. Honum tókst heldur ekki að sanna að hann hefði orðið fyrir neinum skaða á augum. Tómt væl til að fá skaðabætur held ég. Judge Judy vorkenndi honum ekki neitt og úthúðaði honum fyrir dónaskap og tillitsleysi og sagði að hann hefði bara átt þetta skilið og henti honum út.

Ekki það að ég sé að ráðleggja fólki að hella gosi yfir þá sem eru með leiðindi í bíó en það gæti hugsanlega fengið þá til að hugsa sig aðeins um áður en þeir gera það næst.

Það væri líka ekki vitlaust ef starfsfólk væri til staðar og henti þeim út sem væru með læti. Ég hef lent í því þegar ég var í bíói í Bandaríkjunum, tek það fram að það var næstum tómt, að ég hafði látið lappirnar uppá sætið fyrir framan og starfsmaður kom og skammaði mig :)