Er það bara ég eða er kókið farið að bragðast öðruvísi?

Sú var tíðin að ég gat svolgrað í mig þessum drykk í lítravís, og alltaf bragðaðist hann jafnvel. Hins vegar er nú svo komið að ég er farinn að finna allt annað bragð af þessu vökva, og fór ég að merkja mun þegar að Idol-flöskurnar fóru að koma. Nú liggur við að ég píni drykkinn ofan í mig, og keyrði um þverbak áðan þegar að ég nánast gat ekki drukkið kók með flatböku nokkurri.

Um leið og Idol-flöskurnar fóru að berast á markað tók ég einnig eftir því að geymsluþol kóksins hafði aukist um nokkra mánuði. Áður var það svo að allra nýjasta gosið var með best fyrir merkingu upp á hálft ár en nú var allt í einu farið að bera á flöskum sem runnu ekki út fyrr en eftir níu mánuði.

Og niðurstaðan? Jú, ég dreg þá ályktun að fégræðgin hafi orðið heiðarleikanum yfirsterkari á Vífilfelli og stjórnarmenn ákveðið að það þýddi ekkert að láta marga lítra af kóki fara til spillis sökum þess að það rynni út. Gripu þeir því til þess lúalega bragðs að bæta við rotvarnarefnum og öðrum viðbjóði ofan í gosið en skemmdu í leiðinni hið ljúfa bragð sem ég fæ ekki lengur að njóta.

Nú óska ég eftir svörum. Getur einhver innanbúðarmaður hjá Vífilfelli upplýst þetta mál, og geta aðrir hugarar tekið undir orð mín, hefur bragðið af kóki breyst?<br><br>—

<b>ÚTRÝMUM</b> skammstöfunni <i>btw</i>, hefjum notkun <b><i>vám</i></b> (vel á minnst)! Annars mun <font color=“Purple”>fjólublár</font> dúdúfugl ráðast á þig og stela hattinum þínum!
—

<b><font color=“blue”>I am the eggman</font>
<font color=“red”>They are the eggmen</font>
<u><font color=“Purple”>I AM THE WALRUS</font></u></b>
<i><font color=“Fuchsia”> kúkúkútjú ta kúkútjú </font> </i>

—

geiri2, beztur mælir: það er kominn tími á <b>{</b><font color=“red”>stærðfræðiáhugamál</font> og <font color=“green”>tungumálaáhugamál</font><b>}</