Þetta eru sannar sögur um ýmis morð og dauða í USA…

1- Debby Mills-Newbroughton, 99 ára gömul, lét lífið þegar hún var að fara yfir götu. Hún hefði orðið 100 ára daginn eftir, en við það að fara yfir götuna með dóttur sinni á leið í sína eigin afmælisveislu, varð hún fyrir því óláni að verða fyrir vörubíl í hjólastólnum.

2- Peter Stone, 42 ára, var myrtur af 8 ára gamalli dóttur sinni, sem hann hafði sent í bælið án þess að fá kvöldmat, þar sem hún hafði verið að óþekktast. Hinni ungu Samönthu Stone fannst alveg sanngjarnt að ef hún fengi ekki kvöldmat að enginn myndi fá að njóta þess sama, og setti í hvelli 72 rottueiturstöflur í kaffi föður síns. Hann tók einn sopa og datt niður dauður. Samantha Stone fékk dóm, en afplánun var frestað þar sem dómarinn vildi meina að hún vissi ekki hvað hún væri að gera. Hún reyndi svo að eitra fyrir móður sinni með sömu aðferð mánuði síðar.

3- David Danil, 17 ára gamall, var myrtur af kærustunni sinni eftir að hann hafði reynt að komast up á hana. Þessar aðfarir voru greinilega vægast sagt óvelkomnar og greip hún upp eina tvíhleypu. Pabbi hennar hafði rétt henni hana áður en stefnumótið byrjaði, svona til öryggis.

4- Javier Halos, 27 ára gamall, var myrtur af leigusalanum sínum fyrir að hafa ekki borgað leiguna í átta ár. Leigusalinn barði Javier til dauða með klósettsetu eftir að hann áttaði sig á hversu langt var síðan Javier hafði borgað leigu. Skarpur…

5- Megan Fry, 44 ára, var myrt af 14 hermönnum eftir að hún labbaði óvart í gegnum skothríð þegar hermennirnir voru að sviðsetja raunverulegan atburð með alvöru skotvopnum. Eftir að hafa séð hermennina 14 á rólegri göngu eftir götunni stökk hún fram til að bregða þeim. Þar sem hermennirnir héldu að hún væri liður í æfingunni byrjuðu þeir allir að skjóta. Af 67 skotum enduðu 40 í Megan.

6- Julia Smith, tvítug yngismær, var myrt af bróður sínum Michael vegna þess að hún kjaftaði svo mikið í símann. Michael barði systur sína til bana með þráðlausum síma (einkar viðeigandi) og stakk hana svo nokkrum sinnum með loftneti.

7- Helena Simms, eiginkona frægs, bandarísks kjarnorkuvísindamanns að nafni Harold Simms, var myrt af eiginmanni sínum eftir að hafa haldið við nágrannann. Á þriggja mánaða tímabili skipti Harold á augnskugga eiginkonu sinnar og úraníumi sem var mjög geislavirkt, þar til hún lést af völdum eitrunar. Þrátt fyrir að hafa mörg einkenni, eins og að missa alveg allt hárið, missa sjón og vera stöðugt óglatt, ásamt því að missa eyrnasnepil, fór hún aldrei til læknis til að láta athuga málið.

8- Hermaðurinn John Joe Winter myrti ótrúa eiginkonu sína með því að fylla bílinn hennar af sprengiefni. Ford jeppinn hennar innihélt 750 kg af sprengiefni og var tvisvar sinnum öflugra en sprengjurnar sem voru notaðar í Oklahoma sprengjuárásinni. Sprengingin heyrðist í allt að 14 km fjarlægð. Aldrei fannst tangur né tetur af konunni eða farartækinu, en 55 metra djúpur gígur myndaðist og 500 metrar af götunni fuðruðu upp í leiðinni.

9- Patty Winter, 35 ára, var myrt af nágranna sínum árla dags á sunnudegi. Nágranninn hafði um árabil geymt F4 “jet engine” í bakgarðinum og lék sér að því að skjóta úr honum í átt að mannlausri götu fyrir aftan húsið hjá honum. Patty Winter hafði kvartað fjölmörgum sinnum og klagað til lögreglustjórans, enda ekki skrýtið þar sem um stórhættulegt athæfi var að ræða. Eitthvað fór það fyrir brjóstið á nágrannanum þegar hann fékk stefnu um að fjarlægja þetta skaðræðistól af eign sinni. Þá brá hann á það ráð að breyta stefnunni á vélinni. Þegar Patty gekk inn í garðinn setti hann í gang og miðaði á hana 5000 gráðu heitu blasti sem myrti hana á staðnum. Útlínur hennar verða sennilega alltaf bræddar inn í innkeyrsluna.

10- Michael Lewis, fúll út í kærastann sinn, fékk innblástur úr Die Hard with a Vengeance. Hann dópaði kærastann sinn upp, setti hann í svona samlokuspjald sem á stóð “Death to all Niggers” á annarri hliðinni á og “God Loves the KKK” hinum megin. Svo skutlaði Lewis grey fórnarlambinu niður í bæ í Harlem og skildi hann þar eftir. Tveimur mínútum síðar var kærastinn látinn.

11- Conrad Middleton, 26 ára gamall, var myrtur af tvíburabróður sínum Brian eftir ágreining þeirra á milli um hver skyldi erfa ættaróðalið eftir dauða foreldra þeirra. Conrad hafði ekkert lyktarskyn. Eftir rifrildið strunsaði Brian út úr húsinu og laumaðist svo aftur inn síðar og skrúfaði frá 3 gasleiðslum í húsinu. Húsið fylltist augljóslega af gasi. Hann skildi síðan eftir vindlapakka, kveikjara og miða sem á stóð “Afsakaðu leiðindin, fáðu þér nú smók frá mér, Brian”. Conrad var ekki lengi að kveikja sér í vindli, en því miður eyðilagðist húsið líka. Humm… hver myndi ekki vilja deyja svona..