Ekkert merkileg grein hérna neitt sem ég ætla að setja hérna inná en jæja þá er ég bara að eyða ykkar tíma.
Í byrjun þessa árs skildu mamma mín og pabbi og hefur það náttúrulega haft sín áhrif á líf mitt.
En það er ekki það sem ég ætla að skrifa um.
Ég var svona nýlega að taka til heima í einhverjum kössum. Svona að sortera pabbadót frá mömmudóti eða eitthvað. Þá fann ég 3 umslög, lokuð. Það var mín skrift utan á þeim, sennilega síðan ég var í kringum 10 ára. Er ekki viss. Þegar ég fór að skoða þetta nánar voru þetta bréf til stelpna sem ég hafði verið með í sumarbúðum og eins og það var þá var maður ekki með MSN eða eitthvað sem maður fékk hjá þeim, heldur fullt nafn og heimilisfang til að skrifa þeim bréf. Og ég hafði eftir að ég fór í sumarbúðir KFUK í Ölveri eitt árið fengið nokkur bréf frá stelpum sem vildu vera pennavinkonur mínar. Og það var ég náttúrulega þvílíkt ánægð með þá - einhver vildi vera pennavinur minn. Þannig að ég settist niður og skrifaði þeim bréf og bað pabba um að fara með í póstinn fyrir mig. Og svo eftir nokkra daga þá svona var maður “Hey pabbi ertu búinn að fara með þetta í póstinn?” og já sagði hann. En þau hafa greinilega aldrei farið lengra en ofan í kassa inní þvottahús því þarna var ég með bréfin sem ég skrifaði, í höndunum. Ein þessara stelpna æfir sömu íþrótt og ég og hef ég oft hitt hana þegar ég er að keppa en það er svona eins og henni líki ekkert svo vel við mig - kannski útaf einhverju öðru sem er líklegra en kannski er það útaf ég “svaraði ekki” bréfinu frá henni (frekar ólíklegt samt).
Eins og ég sagði í byrjun að þetta er ekkert merkileg grein og hún á örugglega ekki heima hérna, þá verður hún bara færð.
En þetta sem pabbi gerði lækkaði svolítið álit mitt á honum - þó mér þyki náttúrulega mjög vænt um hann en það er eins og það hafi aldrei skipt hann neinu máli svona hvað mér fannst um hlutina, eða ef mér fannst hlutir skipta máli en ekki honum þá nennti hann ekki að hugsa um þá og það er stundum þannig ennþá, eins og ég á kærasta og hann er ekkert að reyna einu sinni að muna hvað hann heitir. Og þegar ég leiðrétti hann þá svona hlær hann “úbbs haha” og auðvitað líður mér þvílíkt illa yfir því. Vil samt bæta við að mér þykir ákaflega mikið vænt um pabba gamla en þetta er samt svona hlutur sem ég er frekar leið útaf. En já sonna er þetta.
Þakka fyrir mig,
~Bollasupa