Xbook vélarnar eru svokallaðar Desknotes, eða venjulegar borðtölvur í dulargervi fartölva. Það er ekkert innbyggt batterí sem fylgir þeim og þær eru með örgjörvum og minni sem er ætlað fyrir borðtölvur, og þar að leiðandi meiri hiti. Þar sem ekki eru settir dýrir fartölvu hlutir í þetta þá kostar hún auðvitað minna.

Ég á HP omnibook xe3 með 5-6 gíga hörðum disk, 64mb minni (stækkanlegt í 256), 600 megariða celeron örgjörva, ég man ekki hvað stórum skjá.. touchpad mús (það er lás á henni líka)… keypti hana á 150þús fyrir 2 árum og hún dugar mér alveg þrælfínt. Ég er ekki alveg að fatta hvað pentium 4 og 20 gíga diskur eiga að gagnast manni við að skrifa glósur og ritgerðir… 20 gíga diskur í mínum huga er eitthvað sem maður þarf ef maður er að safna tónlist, bíómyndum, sjónvarpsþáttum og einhverju svoleiðis inn á tölvuna, ekki eitthvað sem er nauðsynlegt fyrir skólatölvur. Allavega þá held ég að þú gerir ekkert voðalega slæm kaup þó þú kaupir tölvu á 160þús frekar en 250þús.

Kveðja,
Corta

P.S. Ef ég má leyfa mér að mæla með einni.. ;) HP eru þrælfínar tölvur! Efast um að ég myndi fá mér IBM eftir að hafa átt HP :)

Sæll nologo!

Sjálfur er ég nemi í tölvunarfræði og þarf að nota fartölvuna mína í öll mögulegt jafnt sem ómöguleg verk.

Ég myndi ekki hika við að mæla frekar með IBM tölvunni fram yfir XBook, af hverju? Málið er bara að fartölva er notuð á allt annan hátt en borðtölva. Hún er á sífelldum þvælingi og þarf að þola margfalt það álag sem er á borðtölvu - því eru bilanir margfalt algengari en það sem gengur og gerist í borðtölvum og skiptir því áreiðanleiki og ábyrgð miklu máli.

Ég er sjálfur með HP fartölvu sem telst nú vera nokkuð gott merki í þessum bransa. Ég hef þó þurft að láta gera við hana fyrir c.a. 300-400 þús síðan ég keypti hana - en þar sem hún var í ábyrgð þá kostaði það mig ekki krónu.

Ég hef einnig unnið með ódýrari/óþekktari tölvumerki og það er ótrúlega mikill munur á slíkum vélum, ekki endilega í performance heldur í gæðum á sjálfri vélinni - manni finnst stundum maður hafa eitthvað leikfang í höndunum sem er að detta í sundur, touchpad'ið ónækvæmt og fleira í þeim dúr.

Ég myndi mæla með HP/IBM en einnig myndi ég hafa augun opin fyrir Dell, þeir eru að gera frábæra hluti þessa dagana.

Bestu kveðjur og gangi þér vel, thatman.

Þetta er ekki nokkur spurning, þú ættir að kaupa IBM vélina frekar eða t.d. DELL eins og einhver sagði að ofan. Yfirleitt eru þetta noname hardware sem verslanirnar setja sjálfar saman og selja samanber ACE vélar frá Tölvulistanum.
Svo gætir þú lent í að fyrirtækið færi á hausinn, værir alltaf með hana í viðgerð o.s.frv. Þetta er tæki sem þú vilt eiga og nota í 2-4 ár og því myndi ég kaupa dýrari en þekktari merki.
Just my 2 cents
IceCat

Ég get bara gefið þér eitt ráð eftir að hafa selt tölvur í 5 ár… Kauptu alvöru “brand name” tölvu!
Ástæðan fyrir því að merki eins og XBOOK er jafn ódýrt og raun ber vitni er bara ein, eins og Spirou bendir á. Það er að framleiðendur XBOOK nota desktop íhluti í fartövu, en það kann ekki góðri lukku að stýra.
XBOOK er ekki einn um það, en hér er stuttur listi yfir framleiðendur sem eru að “svindla” á neytendum: Toshiba (sumar týpur), Fujitsu-Simens, Mitac, XBOOK, Asus, Clevo, Packard Bell auk fleiri.
Ástæða velgengi IBM, Dell, Compaq og HP er einföld: Alvöru búnaður á sanngjörnu verði.

Reglan “If it is too good to be true, it usually is” á vel við í þessu tilfelli.