IBM Thinkpad er hvorki meira né minni en mest verðlaunaða vörumerki í tölvuheiminum fyrr og síðar. Thinkpad hefur ávallt verið leiðandi í hönnun, gæðum og framleiðslu og verið fyrst á markað með fjölmargar nýjungar. Thinkpad fjölskyldan skiptist í þrennt: A20, T20 og X20. A20 er hefðbundin vél með öllu innbyggðu og spannar flestar gerðir örgjörva og samsetninga. M.a. innifelur sú lína öflugustu ferðavélina frá IBM með 15“ skjá og 1600x1200 punkta upplausn (sem er heimsmet) T20 er gerð úr titanium blöndu og er létt, meðfærileg og mjög öflug. Hún sameinar léttleika og notagildi þar sem hún hefur pláss fyrir eitt drif. T20 tekur við af mest seldu ferðavél fyrr og síðar, Thinkpad 600. Meðal nýjunga er frábær upplausn á 14,1” skjá, 1400x 1050 punkta. X20 vélin er aftur á móti léttust og vegur aðeins 1,6kg. Hún státar af nýjung sem er 12,1" skjár með 1024x768 punkta upplausn. Hún hefur engin drif innbyggð en hægt er að fá auka undirstöðu undir hana með drifum og líkist hún þá venjulegri A20.